مەرقوس 5:7 - کتاب مقدس به زبان کردی جنوبی - گویش کلهوری

⁷ جا وه دەنگ بەرز هاوار کرد: «ئێ عیسا، کوڕ خوداێ هەربەرز، تو چ کارێ وه مه دێرێ؟ قەسەمد دەمه خودا عەزاوم نێد!»

مەرقوس 5:7 Referans Kwoze

ئنجیل مەتا 8:29

ئەوانه کردنێ هاوار: «ئێ کوڕ خودا، تو چ کارێ وه ئیمه دێرێ؟ هاتێەسه ئێره تا وەرجه وەختەگەێ عەزاومان بێی؟»

کاریل ڕەسولەیل 16:17

ئەوه کەفتیاده شون ئیمه و پولوس و هاوار کردیاد: «ئی پیاێله، خزمەتکاریل خوداێ هەربەرزن و ڕێ نجات وەپێدان جار دەن.»

یەهودا 1:6

ئەیو فریشتەیلێگیش که وه جیگەێ دەسڵات خوێان نەمەنن، بەڵکەم نیشتەجیەگەێ خوێان هیشتنه جێ، وه زنجیریل ئەبەدی کیشاس و تا وەخت دادگایی له ئەو ڕوژ فره گەورا، له ناو تیەریکی و زولەمات گیر داس.

ئنجیل مەتا 26:63

وەلێ عیسا هەر بێدەنگ مەن. کاهن گەورا وەپێ وەت: «قەسەمد دەم وه خوداێ زنی ئەگەر تو مەسیح، کوڕ خوداێ، وەپێمان بویش؟»

وەحی وه یوحەنا 12:12

جا خوەشی بکێن ئێ ئاسمانیل و ئێ ئیوه که نیشتەجێیل ئەورەیلینه! وەلێ وی وه توێ ئێ زەوی و وی وه تو ئێ دەریا، چوینکه ئبلیس وەگەرد توڕەێ فرەێگ وه ملدانەو هاتیەسه خوار، چوینکه زانێد وەخت فرەێگ نێرێد.»

کاریل ڕەسولەیل 19:13

ئمجا قێرێ له جنگریل دەورەگەرد جویلەکەیش تەقالا کردیان ناو خوداوەند عیسا ئەڕا کەسیلێ که روحیل شەڕئاشو ها ناوێان، وه کار بوەن. ئەوانه وەتیان: «وه ناو عیسا، ئەوه که پولوس له باوەتێ ئویشێ قەسەمدان دێم!»

لوقا 8:28

وەختێ ئەوه، عیسا دی، قیڕان و کەفته مل پاێ و وه دەنگ بەرز هاوار کرد: «ئێ عیسا، کوڕ خوداێ هەربەرز، تو چ کارێ وه مه دێرێ؟ لاڵکیەمەو عەزاوم نیەی!»

مەرقوس 3:11

هەر وەختیش روحیل ناپاک دوینیانی، وه نوای پاێ، خوێان خستیان زەوی و هاوار کردیان: «تو کوڕ خودای!»

ئنجیل مەتا 4:3

ئمجا ئەزمونکەر هات و وەته پێ: «ئەگەر توی کوڕ خودای، وه ئی کوچگیله فەرمان بێه تا بونه نان!»

یەکم یوحەنا 3:8

هەر کەسێگ وەناو گونا زنەیی بکێ له ئبلیسه، چوینکه ئبلیس هەر له سەرەتا گونا کردیاد و گونا کەی. کوڕ خودا وه ئی بونه ئاشکرا بی تا کاریل ئبلیس نابود بکێ.

دویم پتروس 2:4

چوینکه ئەگەر وەختێ فریشتەیل گونا کردن، بەزەیی خودا ناته پێانا، بەڵکەم ئیانه خسته سیەچاڵ جەهەنم و ئەوانه وه زنجیریل تیەریکی و زولەمات زندانی کرد تا ئەڕا ڕوژ داوەری بنریەنەلا؛

مەرقوس 1:24

«عیساێ ناسری، تو چه توایده ئیمه؟ هاتیدە نابودمان بکی؟ زانم تو کید! تو ئەو قودوس خودایده!»

ئنجیل مەتا 16:16

شەمعون پتروس جواو دا: «تو مەسیح وادەدریاید، کوڕ خوداێ زنی!»

عبرانییل 7:1

ئی ملکیسدقه، پادشاێ شار سالیم و کاهن خوداێ هەربەرز بی. وەختێ ئێبراهیم پەێخەمەر له شکەس داین پادشایل هاتیادەو، ملکیسدق تەقیاده پێ و بەەرکەتی دا و

عبرانییل 2:14

جا چوینکه مناڵیل وەناو خوین گوشت بەشدارن، هەر ئیجوره ئەیویش خوەێ وەناو ئی چشتیله بەشدارەو بی تا له ڕێ مەرگ، خاون هێز مەرگ یانێ ئبلیس له بین بوێد و

کاریل ڕەسولەیل 8:36

وەختێ وەناو ڕێ بین، ڕەسینه سەر ئاوێگ. خەزانەدارەگه وەت: «بنوڕ، ها ئیەیشه ئاو، چ چشتێ نوای تەعمید مه گری؟»

یوحەنا 20:31

وەلێ ئیانه نویسریاس تا ئیمان بارین که عیسا هەر ئەو مەسیح واده دریایه، کوڕ خودا، تا که وه ئی ئیمانه، وه ناو ئەیو زنەیی بیاشتون.

لوقا 6:35

وەلێ ئیوه، دشمەنیلدان دوس بیاشتون و وەپێان خاسێ بکەن و قەرد بێەنه پێان و ئی ئمیده نیاشتون که له لێان بسینینێەو، چوینکه پاداشدان فره گەوراس و بوینه ڕوڵەێ خوداێ هەربەرز، چوینکه ئەوه وەگەرد ناسپاسیل و بەدکارەیل، مێرەبانه.

لوقا 4:34

«ئێ عیساێ ناسری، تو چه توایده ئیمه؟ هاتیدە خاپورمان بکێ؟ زانم تو کید؛ تو ئەو قودوس خودایده!»

لوقا 1:32

ئەوه بوده ئایەم گەوراێگ، وەپێ ئویشن کوڕ خوداێ هەربەرز. خوداوەند خودا تەخت پادشایی باپیرێ داود دەێده پێ.

مەرقوس 14:61

وەلێ عیسا هەر بێدەنگ مەن و جواوی نیاد. یەێ جارتر کاهن گەورا له لێ پرسی: «تو مەسیحی، کوڕ خوداێ بمارک؟»

رومیەگان 16:20

خوداێ ئاشتی و سڵامەتی وه ئی زوی شەیتان وه ژێر پایلدان تلنێد. فیز خوداوەندمان عیسا مەسیح وەگەرددانەو بود.

مەرقوس 5:6

وەختێ وه دویرەو عیسا دی، وه دەودەوان هات و سجدەی کرد،

مەرقوس 5:8

چوینکه عیسا وەپێ وەتیا: «ئێ روح ناپاک، له ئی پیا بەوه دەیشت!»

یاقوب 2:19

تو ئیمان ديری که خودا یەکیگه. فره خاس کەی! تەنانەت دێويلیش ئیجور ئیمانێگ دێرن و له ترس وه خوێانا لەرزن!