مەرقوس 4:11 - کتاب مقدس به زبان کردی جنوبی - گویش کلهوری

¹¹ وەپێان وەت: «راز پادشایی خودا وه ئیوه دریاس، وەلێ ئەڕا مەردمێگ که هانه دەیشت، گشت چشتێگ وه شکل مەسلەته؛

مەرقوس 4:11 Referans Kwoze

ئنجیل مەتا 11:25

هەر ئەو وەخته، عیسا جار دا: «ئێ باوگه، خاون ئاسمان و زەوی، سپاسد کەم که ئی چشتەیله، وه زانیاریل و ئایەمیلێگ که فام دێرین شاردیدەسەو ئەڕا مناڵیل بویچگ ئاشکراێ کردیده.

لوقا 8:10

وەت: «دەرک رازیل پادشایی خودا دریاسه ئیوه، وەلێ وەگەرد کەسیلێ تر وه شکل مەسلەت قسیه کەم، تا: «”بنوڕن، وەلێ نوینن؛ بشنەفن، وەلێ نەفامن.“

یەکم یوحەنا 5:20

هەر ئیجوره ئیمه زانیمن که کوڕ خودا هاتێه و فام داسه پێمان تا ئەیو بناسیم که ڕاسه، ئیمه هایمنه ناو ئەیو که ڕاسه. یانێ وەناو عیسا مەسیح کوڕ ئەیو. ئەیو خوداێ ڕاسەکانی و زنەیی ئەبەدیه.

یەکم تسالونیکییل 4:12

تا وه نوای مەردم دەیشت کلیسا ڕێ رەوشتدان وه درسی بود و هەوەجیدان وه کەسێگیش نەکەفێ.

نامه وه کولوسییل 4:5

وەگەرد مەردم دەیشت کلیسا ڕێ رەوشتدان وه زانیاری بود و خاسترین سود له وەخت بوەن.

یەکم نامەێ تیموتاوس 3:7

جا باێه وەناو مەردم دەیشت کلیسا هەر ئیجوره ناوێ وه خاسێ دەر چوی تا ئیه که وه پەنی گیر دام ئبلیس ناید.

ئەفسوسیێل 1:9

خودا وەگەرد ئی کاره راز خاست خوەێ وه پێ ئامانجەگەێ که وەناو مەسیح ئاشکرا کردێه، وه ئیمه ناسان

دویم قورنتییل 4:6

چوینکه هەر ئەو خوداێ که فەرمایش کرد: «نویر له ناو تیەریکیەو بدرەوشێد،» نویر خوەێ وەناو دڵمان دروشان تا ڕوشنایی ئاگاداری جەڵاڵ خودا وەناو دەمچەو عیسا مەسیح، وه ئیمه بدرەوشێد.

ئنجیل مەتا 16:17

عیسایش جواو دا: «خوەش وه حاڵ تو، شەمعون، کوڕ یونا! چوینکه گوشت و خوین ئیه ئەڕاد ئاشکرا نەکردیه، بەڵکەم باوگ مه که ها ناو ئاسمان.

ئنجیل مەتا 13:16

وەلێ خوەش وه حاڵ چەویل ئیوه چوینکه دوینن، خوەش وه حاڵ گوشیلدان چوینکه شنەفن.

یەکم قورنتییل 4:7

ئەڕا ئیه که کی توێ سەرتر درس کردێه؟ چه ديری که نەوەخشریاسه پێد؟ جا ئەگەر بەخشریاسە پێد، ئەڕا ئەوجورە شانازی کەی که چماێ نەگردیدەسێ؟

مەرقوس 3:23

جا عیسا ئەوانه چڕێ و مەسلەتیلیگ ئەڕاێان هاورد و وەت: «شەیتان چوی تویەنێ شەیتان دەر بکێ؟

مەرقوس 4:2

ئمجا وەگەرد مەسلەتیل، چشتیل فرەێگ وەپێان یاێ دا. وەناو تالیمەگانی وەپێان وەت:

مەرقوس 4:10

وەختێ عیسا تەنیا بی، ئەو دوانزه شاگرده و کەسيلێ که وه دەوریەو بین، له باوەت مەسلەتەگان له لێ پرسین.