مەرقوس 2:16 - کتاب مقدس به زبان کردی جنوبی - گویش کلهوری

¹⁶ ماموستایل تەورات که وه فرقەێ فەریسی بین، عیسا دین که وەگەرد گوناکاریل و باجگریل ها سەر سفره، وه شاگردەگانێ وەتن: «ئەڕا عیسا وەگەرد باجگریل و گوناکاریل نان خوەێ؟»

مەرقوس 2:16 Referans Kwoze

لوقا 19:10

چوینکه کوڕ ئنسان هاتێه تا ئەوانه که گوم بینه پەێا بکێد و نجات بێید.»

لوقا 18:11

فەریسیەگه هەڵساده سەر پاوه و ئیجوره دوعا کرد: ”خودایا، سپاسد کەم که جور باقی مەردمیل بەێکاره و دز و خیز، یا تەنانەت جور ئی باجگره نیم.

یەکم قورنتییل 2:15

وەلێ ئایەم روحانی له باوەت گشت چشتێگ داوەری کێ، وەلێ هویچکەس تویەنایی داوەری له باوەت ئەوه نێرید.

کاریل ڕەسولەیل 23:9

ئمجا بیه قرموقاڵ گەوراێگ و بڕێگ له ماموستایل تەورات که فەریسی بین، هەڵسان و وه تونی وەگەرد یەکا قسیه کردن و وەتن: «گوناێگ وەناو ئی پیا نیوینیمن. له کوره مالومه که روح یا فریشتەێگ وەگەردێەو قسیه نەکردوی؟»

لوقا 19:7

مەردم وەختێ ئیه دین، گشتێ وه خوتەخوت کردن وەتیان: «چیەسه مێوانی وه ماڵ گوناکارێگ.»

عبرانییل 12:3

وه ئەیو فکر بکێن که ئیجور دشمەنیێگ که له لاێ گوناکاریل وه زد خوەێ بوی تاموڵ کرد، تا ئیوه شەکەت یا دڵسەرد نوین.

مەرقوس 2:7

«ئەڕا ئی پیا ئیجور قسیەیگ وه زوان هاورد؟ ئیه کفر کەی! کی بێجگه خودا تویەنێ گونایل بوەخشێ؟»

ئنجیل مەتا 18:17

ئەگەریش وه قسیەێ ئەوانه گوش نێا، وه کلیسا بویش؛ ئەگەریش تەنانەت وه کلیسا گوش نێا، بیل ئەوه ئەڕاێ تو جور بتپەرەس و باجگرێگ بود.

ئنجیل مەتا 9:11

وەختێ زانایل فرقەێ فەریسی ئیه دین، وه شاگردەگان عیسا وەتن: «ئەڕا چه ماموستاگەدان وەگەرد باجگریل و گوناکاریل نان خوەێ؟»

ئنجیل مەتا 5:46

چوینکه ئەگەر تەنیا دوس ئەو کەسیله بیاشتوین که دوسدان دێرن، چ پاداشێگ دێرین؟ مەر تەنانەت باجگریلیش ئی کاره نیەکەن؟

مەرقوس 2:15

وەختێ عیسا وه ماڵ لاوی وه سەر سفره نيشتوی، قێر فرەێگ له باجگریل و گوناکاریل وەگەرد عیسا و شاگردەگانێ وه سەر سفره بین، چوینکه قێر فرەێگێان له لێ پێرەوی کردیان.

لوقا 5:30

وەلێ فەریسیەیل و دەسەیگ له ماموستایل تەورات که له فرقەێ ئەوانه بین، وه خوتەخوت کردن وه شاگردەگان عیسا وەتن: «ئەڕا ئیوه وەگەرد باجگریل و گوناکاریل نیشینه خواردن و نوشاین؟»