مەرقوس 2:12 - کتاب مقدس به زبان کردی جنوبی - گویش کلهوری

¹² ئەو پیا هەڵساد و زویزی جیەگەێ هەڵگرد و وه نوای چەو گشتێان وه ئەوره چیه دەیشت. گشتێان سەریان سڕ مەنوی و خودا جەڵاڵ دان، وەتن: «هەراێهەر ئیجور چشتێ وه چەو نویمنه.»

مەرقوس 2:12 Referans Kwoze

ئنجیل مەتا 9:33

وەختێ عیسا دێوەگه وه لێ کرده دەیشت، زوان ئەو پیاێ لاڵه واز بی. جەماێەت سەرێان سڕ مەنوی و وەتیان: «ئیجور چشتێ هەراێهەر وه ئێسرائیل نوینریاس.»

ئنجیل مەتا 9:8

وەختێ جەماێەت ئی هەڵکەفته دین، زاورێان چی و خوداێگ جەڵاڵ دان که ئیجور دەسڵاتی وه ئنسان بەخشاس.

لوقا 7:16

مەردمەگەیش گشتێ ترس و سام گردیان و نیشتنه ستایش خودا و وەتیان: «پەێخەمەر گەوراێگ وه ناومان ئاشکرا بیه. خودا هاتیەسه مەیەت قەوم خوەێ.»

کاریل ڕەسولەیل 4:21

وەشون هەرەشەیل فرەێگ ڕزگاریان کردن و ڕێیگ پەێا نەکردن سزاێان بێەن، ئەڕا ئیه که گشت مەردم وەبونەێ ئەو چشته که هەڵکەفتوی، ستایش خودا کردیان.

یوحەنا 9:32

وه سەرەتاێ جهانەو تا ئیسه هویچ وەخت نەشنەفتریاس کەسێگ، چەویل ئەوه که له زگ داڵگ کور هاتیەسه دنیا واز بکێ.

یوحەنا 7:31

وەلێ، قێر فرەێگ له مەردمەگە وەپێ ئیمان هاوردن. ئەوانه وەتیان: «ئێ مەگەر وەختێ مەسیح ئاشکرا بود، نیشانه و موجزەیل فرەترێگ وه ئی پیا، کەید؟»

لوقا 17:15

یەکی له ئەوانه وەختێ دی شەفا گردێه، هەر ئەو جوره که وه دەنگ بەرز ستایش خودا کردیا، هاتەو

لوقا 13:13

ئمجا دەس ناده ملێ و ژنەگه زویزی ڕاسەو بی و ستایش خودا کرد.

لوقا 5:26

گشتێان وه ئی هەڵکەفته سەریان سڕ مەنوی و ستایش خودا کردیان و هەر ئەوجورە که ترس گشت وجودێان گردوی، وەتیان: «ئیمڕو چشتیل ئەڵاجوی دیمن.»

مەرقوس 1:27

مەردم گشتێ جوری سەریان سڕ مەنوی که له یەکترەکی پرسیان: «ئیه چەس؟ تالیمێگ تازه و دەسڵات دار! ئەوه تەنانەت وه روحیل ناپاکیش فەرمان دەێ، ئەوانیش گوشه لێ تەکنن.»

ئنجیل مەتا 15:31

جەماێەت وەختێ دین لاڵیل قسیه کەن، فەلەجەیل ساقەو بون، شەلیل ڕێ کەن و کوریل بیناوه بون، سەریان سڕ مەن و خوداێ ئێسرائیل جەڵاڵ دان.

ئنجیل مەتا 12:23

مەردمەگه گشتێان سەریان سڕ مەن و وەتن: «ئێ بو ئی پیا کوڕ داود پادشا بود؟»

مەرقوس 2:11

«وەپێد ئویشم، هەڵس، جیەگەد هەڵگر و بچوه ئەڕا ماڵ!»