مەرقوس 14:1 - کتاب مقدس به زبان کردی جنوبی - گویش کلهوری

¹ دو ڕوژ مەنویه جەشن پسەخ و فەتیره. سەران کاهنیل و ماموستایل تەورات وەشون ئیه بینه که چوی وه فێڵێگ عیسا بگرن و بکوشنێ،

مەرقوس 14:1 Referans Kwoze

یوحەنا 13:1

وەرجه جەشن پسەخ، عیسا زانستیا وەختێ ڕەسیه که له ئی جهانه بچوده ئەڕا لاێ باوگ ئاسمانی، جا شاگردیل خوەێ که وەناو ئی جهانه دوسیان داشت، وه تەمامی مابەتێان کرد.

یوحەنا 11:47

جا سەران کاهنیل و فەریسیەیل گردەو بوین، وەتن: «باێه چه بکێم؟ ئەڕا ئیه که ئی پیا نیشانه و موجزەیل فرەێگ کەی.

ئنجیل مەتا 12:14

وەلێ فەریسیەیل چینه دەیشت و مەشویرەت کردن که عیسا چوی بکوشن.

ئنجیل مەتا 6:2

«جا وەختێ سەدەقه دەێ پف مەکه شەیپورەو، جور دوڕوییل که وەناو کەنیسەیل و خێاوانیل کەن، ئەڕا ئیه که مەردم تاریفه لێان بکەن. وه ڕاسی وەپێدان ئویشم، ئەوانه پاداش خوێان گردنه.

مەرقوس 14:2

چوینکه وەتیان: «با وه ڕوژەیل جەشن نود، نەخواێ ئاژاوە بکەفێه ناو مەردم.»

مەرقوس 14:12

وه یەکمین ڕوژ جەشن فەتیره که وەرک پسەخ قوروانی کەن، شاگردەگان عیسا له لێ پرسین: «تواێ ئەڕا کوره بچیم، تا ئەڕاد نان ئێوارەێ پسەخ گورجەو بکێم تا بخوێ؟»

کاریل ڕەسولەیل 12:4

هیرودیس وەشون گردن پتروس، خستەێ زندان و چوار دەسەێ چوار نەفەری هیشته ئەڕا نگابانی. تواسیا دویاێ جەشن پسەخ، لەنواێ چەو مەردم بازخوازێ بکێ.