مەرقوس 13:9 - کتاب مقدس به زبان کردی جنوبی - گویش کلهوری

⁹ «وەلێ ئیوه هوشدانه خوەدانەو بود، چوینکه دەنەدانه دەس دادگایل و وەناو کەنیسەيل دەنه لێدان و وەبونەێ مه بەنەدانه لاێ فەرمانداریل و پادشایل تا وه نوایان شاێەتی بیەین.

مەرقوس 13:9 Referans Kwoze

یوحەنا 16:2

له کەنیسەگان دەردان کەن و تەنانەت زەمانێگ رەسێ که هەر کەس بکوشێدەدان، خیاڵ کێ که وه خودا خزمەت کێ.

مەرقوس 13:5

عیسا وەپێان وەت: «هوشدان بود تا کەسێ گومڕادان نەکێ.

وەحی وه یوحەنا 2:13

زانم له کوره نیشتەجێید، ئەوره که تەخت شەیتانه. وه ئی هەمگه وه ناو مه وەفادار مەنیده و ئیمانێ که وەپێم داشتی، حاشا نەکردێ، تەنانەت وه ڕوژگاریل ئانتیپاس، ئەو شاێەت ئەمین منه که وه ناو ئیوه کوشریاد، هەر ئەو شونه که شەیتان وەناوێ نیشتەجێه.

وەحی وه یوحەنا 2:10

له رەنجێگ که ڕوی کیه پێد، ڕخد نەچود. بنوڕ، ئبلیس تواێ بڕێگ لەلێدان بخێده زندان تا ئەزموندان بکێد و ده ڕوژ بەرد کیشێد. وەلێ تا وه مەرگ وەفادار بمێن که مه تاج زنەیی بەخشمه پێد.

وەحی وه یوحەنا 1:9

مه یوحەنا، براێ ئیوه، که له ناو بەرد و له ناو پادشاێ و له ناو سەور و بەردەوام بوینی که وه ناو عیسا هن ئیمەس، وەگەردانەو‎و هاوبەشم، وه بونەێ کەڵام خودا و شاێەتی عیسا، وه جەزیرەێگ وه ناو پاتموس بیم.

دویم تسالونیکییل 1:5

ئیه نیشانەێ داوەری دادپەروەرانەێ خوداس تا ئیوه شایسەێ پادشایی خودا وه حساو باین که وەخاتریەو رەنجیش کیشین.

نامەێ فیلیپییل 1:29

چوینکه ئی شانازیه نسیو ئیوه بیه که نه تەنیا وه مەسیح ئیمان بارین، بەڵکەم وەبونەێ ئەیو رەنجیش بکیشین.

کاریل ڕەسولەیل 21:11

ئەوه هاته ئەڕا لاێ ئیمه و قەێوەنەگەێ پولوس گرد و دەس و پاێ خوەێ بەساد و وەت: «روح‌القودوس فەرمایش کەێ: ”جویلەکەیل ئورشەلیم ساێو ئی قەێوەنه هەر ئیجوره بەسنێ و دەنێ دەس ناجویلەکەیل.“»

کاریل ڕەسولەیل 9:16

چوینکه وەپێ نیشان دەم وەبونەێ ناو من چ رەنجیلێ باێه بکیشێد.»

کاریل ڕەسولەیل 7:54

ئاڵ شورا وەختێ ئی قسیەیله شنەفتن، توڕه بین و دگانیلێان ساینه مل یەکا.

یوحەنا 15:20

کەڵامی که وەپێدان وەتم بارینه هویردان: ”خزمەتکار له ئەرواو خوەێ گەوراتر نیه.“ ئەگەر مه عەزاو دانه، ئیوەیش عەزاو دەن؛ ئەگەر کەڵام مه پارێزانن، کەڵام ئیوەیش پارێزنن.

لوقا 9:5

وه هەر شونێگ مەردم پەزیرادان نوین، له وەخت تەرک شارەگەێان، توز پایلدان بتەکنن تا شاێەتێگ وه زد ئەوانه بود.»

مەرقوس 6:11

ئەگەریش وه شونێگ قەبوڵدان نەکەن، یا گوش نێەنه لێدان له وەخت وەجێ هیشتن ئەوره، توز پایلدان بتەکنن، تا شاێەتێگ وه زد ئەوانه بود.»

مەرقوس 1:44

وەپێ وەت: «هوشد بود وه ئی باوەته وه کەسێ چشتێ نویشێ؛ وەلێ بچو خوەد وه کاهن نیشان بیه و ئەڕا شەفاێ خوەد، ئەو قوروانیه که موسای پەێخەمەر ئەمر کردێه، پیشکەش بکه تا ئەڕا ئەوانه بوده شاێەتیێگ.»

ئنجیل مەتا 5:22

وەلێ مه وەپێدان ئویشم، هەر کەس وه براگەێ توڕه بود، حەقیه ماکوم بکرێ؛ هەر کەیش وه براگەێ ’خراو‘ بویشی، حەقیه بوەرێیده نوای شوراێ شێخیل جویلەکەیل ماکوم بکرێ، هەر کەیش وه براگەێ بویشی گیلگەوج، حەقی ئاگر جەهەنمه.

مەرقوس 13:8

ملەتێگ ئەڕا ملەتێگ‎تر و مەمڵەکەتیگ ئەڕا مەمڵەکەتی تر هەڵسێ. وه جایل جورواجور زەویه لەرزەیل تێد و بوده قاتوقڕی. وەلێ ئیانه تەنیا نیشانەیل شرو ژانیل زاینه.

دویم یوحەنا 1:8

هوشدانه خوەدانەو بود، نەکێ ئەو چشته که ئەڕاێ زامەت کیشایمنه وه دەس بێید، بەڵکەم پاداشێگ کامڵ بگرن.