مەرقوس 13:11 - کتاب مقدس به زبان کردی جنوبی - گویش کلهوری

¹¹ جا هەر وەخت گردنەدان و بردندانه دادگا، وەرجه ئەوه نگران نەون چه بویشین، بەڵکەم هەر چی وه ئەو وەخته وەپێدان بیەرێی ئەوه بویشن، چوینکه ئەوه که قسیه کێ ئیوه نین بەڵکەم روح‌القودوسه.

مەرقوس 13:11 Referans Kwoze

کاریل ڕەسولەیل 6:10

وەلێ ئەوانه نەتویەنستن لەنواێ زانیاری و روحێگ که ئستیفان وەگەردیەو قسیه کردیا، بوسن.

یەکم پتروس 1:12

ئەڕاێان ئاشکرا بی که نه وه خوەێان بەڵکەم وه ئیوه خزمەت کردیان، ئەو وەخته که له چشتیلی قسیه کردیان که ئێرنگه له باوەتێانەو له ڕێ جار دەریل ئەو مزگانیه وه ئیوه، شنەفین. له ئەوانه که له ڕێ روح‌القودوس که له ئاسمانەو کل کریاس، مزگانی دەنه پێدان. تەنانەت فریشتەیلیش ئاوەخت نوڕین وه ئی چشتیله دێرن.

یەکم قورنتییل 2:13

جا ئیمه له ئیه قسیه کیم، ئەویشه نه وەگەرد کەلیمەیلێگ که وه وەسلەێ زانیاری ئنسانیه، بەڵکەم وەگەرد کەلیمەیلێگ که روح خودا تالیم دەێ؛ جا ویجوره حەقیقەتیل روحانی وەگەرد کەلیمەیل روحانی ئویشیمن.

یاقوب 1:5

ئەگەر کەسێگدان هەوەجی وه زانیاری دێرێ، له خودا داوا بکێ و وەپێ بەخشرێید، هەر له ئەو خوداێگه که وه گشتیەکی وه دەس دڵوازای و بی سەرزەنشت بەخشێد.

ئەفسوسیێل 3:5

رازێگ که وەناو نەتەوەیل جاران وه بەنی ئایەم ئاشکرا نەکریاوی، هەر ئەوجورە که ئیسه له ڕێ روح خودا وه ڕەسولەیل موقەدەسێ و نەبوەتکەریل، ئاشکرا بیه.

کاریل ڕەسولەیل 4:31

وەختێ دوعا کردن، ئەو شونه که وەناوێ گردەو بوین کەفته ڕکه و گشتێان له روح‌القودوس پڕ بین و وه ئازای کەڵام خودا وەتیان.

کاریل ڕەسولەیل 2:4

ئمجا گشتێان له روح‌القودوس پڕ بین، جوری که روح خودا دەسڵات دا پێان وه زوانیل تر قسیه کردن.

کاریل ڕەسولەیل 3:13

خوداێ ئێبراهیم و خوداێ ئەسحاق و خوداێ یاقوب، خوداێ باپیریلمان، خزمەتکار خوەێ، عیسا جەڵاڵ دا، هەر ئەوه که ئیوه داینەێ دەس و لەلاێ پیلاتوس حاشاێ کردین، هەر چەن ئەوه تواسیا ڕزگاری بکێ.

یوحەنا 3:27

یەحیا جواو دا: «کەس نیەتویەنی چشتێ وه دەس بارێ، مەر ئیه که له ئاسمان دریاویده‎ پێ.

مەرقوس 13:9

«وەلێ ئیوه هوشدانه خوەدانەو بود، چوینکه دەنەدانه دەس دادگایل و وەناو کەنیسەيل دەنه لێدان و وەبونەێ مه بەنەدانه لاێ فەرمانداریل و پادشایل تا وه نوایان شاێەتی بیەین.

ئنجیل مەتا 10:17

هوشدانه مەردمەو بود، چوینکه ئەوانه دەنەدانه دەس دادگایل و وەناو کەنیسەگانیان قەمچیدان دەن.

کاریل ڕەسولەیل 7:55

وەلێ ئستیفان پڕ له روح‌القودوس، چەو بڕیە ئاسمان و جەڵاڵ خودا دی و عیسا که وه دەس ڕاس خودا وساوی.

کاریل ڕەسولەیل 6:15

وه ئی وەخته گشت ئەوانەێ که دانیشتوینه ناو شورا چەو بڕوینه پێ و دین که دەمچەوی بیەسه جور دەمچەو فریشتەیل.

مەرقوس 13:12

برا، براگەێ و باوگ، ڕوڵەگەێ دەێده دەس مەرگ. مناڵیل ئەڕا داڵگ و باوگێان هەڵسن و دەنێانه وەر کوشت.

لوقا 21:12

«وەلێ وەرجه ئی هەمگه، گرنەدان، ئازاردان دەن و دەنەدانه دەس کەنیسەیل و زندانیل، وەبونەێ ناو من، کیشنەدانه لاێ پادشایل و فەرمانداریل.