مەرقوس 13:10 - کتاب مقدس به زبان کردی جنوبی - گویش کلهوری

¹⁰ یەکم جار باێه ئینجیل ئەڕا گشت ملەتیل بانگەوازی بکرێی.

مەرقوس 13:10 Referans Kwoze

ئنجیل مەتا 24:14

ئی خەوەر خوەش پادشایه وه سەرئانسەر جهان جار درێید تا بوده شاێەتی ئەڕا گشت ملەتیل. ئمجا جهان وه ئاخر رەسێ.

نامه وه کولوسییل 1:23

هەڵبەت ئەگەر وەڕاسی وەناو ئیمان قورس بوین و بەردەوام بمینێن و له ئمید ئینجیل جم نەخوەین، هەر ئەو ئینجیلێگ که شنەفتین و وه گشت درسکریایل ژێر ئاسمان جار دریاس و مه، پولوس، بیمەسه خزمەتکاری.

وەحی وه یوحەنا 14:6

ئمجا یەێ فریشتەتر دیم که له ناوڕاس ئاسمانەو باڵەو گردیا و ئینجیل ئەبەدی وەگەرد خوێەو داشت تا وه نیشتەجێیل زەوی جار بێی، وه هەر ملەت و هوز و زوان و قەومێگ که بون.

نامه وه کولوسییل 1:6

هەر ئەو ئینجیله که ڕەسیەسه پێدان هەر ئەوجورە که وه ڕاسی له سەرئانسەر دنیا بەر دێ و گەوراوه بود، هەر ئەوجورە که وەناو ئیوەیش، له ڕوژیگ که شنەفتینێ و فیز خودا وه ڕاسی فامین، کار کەی.

رومیەگان 10:18

وەلێ پرسم: ئێ نەشنەفتنه؟ هەڵبەت که شنەفتنه، چوینکه وەناو کتاو زەبور نویسریاس: «دەنگیان وەناو سەرئانسەر زەوی پەخشەو بیه و کەڵامیان تا ئەو پەر جهان ڕەسیه.»

مەرقوس 16:15

جا وەپێان وەت: «وه سەرئانسەر دنیا بچن و ئینجیل ئەڕا گشت دنیا بانگەوازی بکەن.

رومیەگان 15:19

وەگەرد هێز نیشانەیل و موجزەیل، وەگەرد هێز روح خودا - ئەوجورە که له شار ئورشەلیم تا شار ئیلیریکوم دەور دامه و خزمەت ئینجیل مەسیح وه تەمامی، ئەنجام دامه.

رومیەگان 1:8

وەرجه هەر چشتێ، له ڕێ عیسا مەسیح، وەبونەێ گشتدان سپاس خوداێ خوەم کەم چوینکه ئیماندان وه گشت کورەێ دنیا دەنگ داسەو.

ئنجیل مەتا 12:41

مەردم شار نەینەوا وه ڕوژ داوەری وەگەرد ئی نەتەوه زنیەو بون و ماکومێان کەن، چوینکه ئەوانه وەبونەێ بانگەوازی یونس توبه کردن، بنوڕن، کەسێگ گەوراتر له یونس ها ئێرا.