لوقا 9:5 - کتاب مقدس به زبان کردی جنوبی - گویش کلهوری

⁵ وه هەر شونێگ مەردم پەزیرادان نوین، له وەخت تەرک شارەگەێان، توز پایلدان بتەکنن تا شاێەتێگ وه زد ئەوانه بود.»

لوقا 9:5 Referans Kwoze

کاریل ڕەسولەیل 18:6

وەلێ وەختێ له ڕوی وسان و خراو دانه پێ، وه نیشانەی ئیه که ئاگر خەزەو خودا باێده مل سەریانەو، توز بەتیەگەێ تەکان و وەت: «خویندان وه مل خوەدان! من بێتاوانم. له ئیەولا، چمه ئەڕا لاێ ناجویلەکەیل.»

کاریل ڕەسولەیل 13:51

وەلێ پولوس و بەرنابایش وه نیشانەێ ئیه که ئاگر خەزەو خودا تێدە ملێانەو، توز پایلێان وه زدیان تەکانن و چین وەرەو شار قونیه.

مەرقوس 6:11

ئەگەریش وه شونێگ قەبوڵدان نەکەن، یا گوش نێەنه لێدان له وەخت وەجێ هیشتن ئەوره، توز پایلدان بتەکنن، تا شاێەتێگ وه زد ئەوانه بود.»

لوقا 10:16

«هەر کەس گوش بێیده ئیوه، وه من گوش داس؛ هەر کەیش ئیوه قەبوڵ نەکێ، مه قەبوڵ نەکردیه؛ وەلێ هەر کەس مه قەبوڵ نەکێ، ئەوه که مه کل کردێه قەبوڵ نەکردیه.»

لوقا 9:48

وەپێان وەت: «هەر کەس ئی مناڵه وه ناو منەو قەبوڵ بکێ، مه قەبوڵ کردێه؛ هەر کەیش مه قەبوڵ بکێ، ئەو کەسه قەبوڵ کردێه که مه کل کردێه. چوینکه وەناو ئیوه ئەو کەسه گەوراتره که وه گشتێ بویچگتر بود.»

مەرقوس 9:37

«هەر کەس ئیجور مناڵێگ وه ناو منەو قەبوڵ بکێ، مه قەبوڵ کردێه؛ هەر کەیش مه قەبوڵ بکێ، نه مه، بەڵکەم ئەوه که مه کل کردێه قەبوڵ کردێه.»

لوقا 5:14

ئمجا عیسا وەپێ ئەمر کرد: «وه کەسێ چشتێ نویش، وەلێ بچو خوەد وه کاهن نیشان بیه و ئەڕا شەفاێ خوەد ئەو قوروانیه که موسای پەێخەمەر ئەمر کردێه، پیشکەش بکه تا ئەڕا ئەوانه بوده شاێەتیێگ.»

ئنجیل مەتا 10:18

وەبونەێ مه بەنەدانه لاێ فەرمانداریل و پادشایل تا وه نوای ئەوانه و ناجویلەکەیل شاێەتی بێین.

لوقا 9:4

وه هەر ماڵێگ که چینه ناو، تا وەخت تەرک ئەو شونه، وەناو ئەو ماڵه بمینن.