لوقا 9:48 - کتاب مقدس به زبان کردی جنوبی - گویش کلهوری

⁴⁸ وەپێان وەت: «هەر کەس ئی مناڵه وه ناو منەو قەبوڵ بکێ، مه قەبوڵ کردێه؛ هەر کەیش مه قەبوڵ بکێ، ئەو کەسه قەبوڵ کردێه که مه کل کردێه. چوینکه وەناو ئیوه ئەو کەسه گەوراتره که وه گشتێ بویچگتر بود.»

لوقا 9:48 Referans Kwoze

لوقا 14:11

چوینکه هەر کەس خوەێ گەوراوه بکێ، بویچگەو بو، هەر کەس خوەێ بویچگەو بکێ، سەربەرزەو بود.

یەکم پتروس 5:6

جا خوەدان له ژێر دەس تویەناێ خودا بێ فیسەو بکێن تا له وەخت مناسو سەربەرزدان بکێد.

لوقا 22:26

وەلێ ئیوه ئیجوره نەون. گەوراتر وەناو ئیوه باێه جور بویچگتر بود و ڕابەر باێه جور خزمەتکار بود.

یوحەنا 13:20

وه ڕاسی، وه ڕاسی، وەپێدان ئویشم، هەر کەس ئەوه که مه کلی کەم قەبوڵ بکێ، مه قەبوڵ کردێه، هەر کەیش مه قەبوڵ بکێ، ئەیو که مه کل کرد قەبوڵ کردێه.»

لوقا 10:16

«هەر کەس گوش بێیده ئیوه، وه من گوش داس؛ هەر کەیش ئیوه قەبوڵ نەکێ، مه قەبوڵ نەکردیه؛ وەلێ هەر کەس مه قەبوڵ نەکێ، ئەوه که مه کل کردێه قەبوڵ نەکردیه.»

وەحی وه یوحەنا 3:21

«هەر کەسێگ بوێدەو، وەپێ ئجازەێ دانيشتن وەگەردمەو وه مل تەختەگەێ خوەم بەخشم، هەر ئەوجورە که مه بردمەو وەگەرد باوگم وه مل تەختەگەێ دانیشتم.

یەکم تسالونیکییل 4:8

جا، هەر کەسێگ که ئی تالیمه ڕەد بکێ، نه ئنسان، بەڵکەم خوداێگ ڕەد کردێه که روح قودوس خوەێ دەێده ئیوه.

یوحەنا 14:21

ئەوه که حوکمەگان مه دێرێ و پارێزنێدێان، ئەوه کەسێگه که مه دوس دێرێ؛ ئەویشه که مه دوس دێرێ، باوگمیش دوسی دێرێ و منیش دوسی دێرم و خوەم وەپێ نیشان دەم.»

لوقا 22:30

تا وه سەر سفرەێ من وەناو پادشایی من بخوین و بنوشن و وه سەر تەختیل بنیشن و وه دوانزه هوز ئێسرائیل داوەری بکێن.

لوقا 7:28

وەپێدان ئویشم کەسێ گەوراتر له یەحیا له داڵگ نەزایه؛ وەلێ بویچگترین وەناو پادشایی خودا، وه ئەوه گەوراتره.»

مەرقوس 9:37

«هەر کەس ئیجور مناڵێگ وه ناو منەو قەبوڵ بکێ، مه قەبوڵ کردێه؛ هەر کەیش مه قەبوڵ بکێ، نه مه، بەڵکەم ئەوه که مه کل کردێه قەبوڵ کردێه.»

ئنجیل مەتا 25:45

ئمجا جواویان دەێ: ”وه ڕاسی، وەپێدان ئویشم، هەر چی ئەڕا یەکی وه ئی بویچگترینیله نەکردین، ئەڕا مه نەکردین.“

ئنجیل مەتا 25:40

ئمجا پادشا جواویان دەێ: ”وه ڕاسی، وەپێدان ئویشم، هەر چی ئەڕا یەکی وه ئی بویچگترین برایلم کردین، ئەڕا مه کردین.“

ئنجیل مەتا 19:28

عیسا وەپێان وەت: «وه ڕاسی، وەپێدان ئویشم، وه دنیاێ تازه، وەختێ که کوڕ ئنسان وه سەر تەخت جەڵاڵ خوەێ دانیشێ، ئیوەیش که وەشونمەو هاتینه، دانیشینه سەر دوانزه تەخت و وه دوانزه هوز ئێسرائیل داوەری کین.

ئنجیل مەتا 18:14

جا خاست باوگ مه که ها ئاسمان ئیه نیه که یەکی وه ئی بویچگیله وه دەس بچود.

ئنجیل مەتا 18:10

«هوشدان بود یەکیگ له ئی بویچگیله سوکەو نەکێن، چوینکه وەپێدان ئویشم فریشتەیلێان وەناو ئاسمان هەمویشه ڕوی باوگم که ها ناو ئاسمان دوینن.

وەحی وه یوحەنا 21:14

جا دیوار شارەگه دوانزه بنەوا داشت که وه ملێانەو ناو دوانزه ڕەسول وەرکەگه نویسریاوی.