لوقا 8:41 - کتاب مقدس به زبان کردی جنوبی - گویش کلهوری

⁴¹ وه ئی وەخته، پیاێگ یایروس ناو، که سەروک کەنیسه بی، هات و کەفته مل پاێ عیسا، لاڵکیاده پێ تا باێه ئەڕا ماڵی،

لوقا 8:41 Referans Kwoze

کاریل ڕەسولەیل 18:8

کریسپوس، سەروک کەنیسه، خوەێ و گشت بنەماڵەگەێ وه خوداوەند ئیمان هاوردن. هەر ئیجوره قێر فرەێگ له مەردم شار قورنتوس وەختێ پێخامەگه شنەفتن، ئیمان هاوردن و خوسڵ تەعمید گردن.

کاریل ڕەسولەیل 13:15

لەشون خوەنین تەورات و کتاویل پەێخەمەریل، ڕابەریل کەنیسه کل کردنه ئەڕا لاێان و وەتن: «برایل، ئەگەر پێخامێگ ئەڕا ئاموژیاری ئی مەردمه دێرین، بویشن.»

لوقا 13:14

وەلێ سەروک کەنیسه وەبونەێ ئیه که عیسا وه ڕوژ شەبات شەفا داوید توڕه بی و وه مەردم وەت: «شەش ڕوژ ئەڕا کار کردن دێرین. وەناو ئەو ڕوژیله بان و شەفا بگرن، نه وەناو ڕوژ شەبات.»

لوقا 8:49

عیسا هێمراێ قسیه کردیا که یەکی له ماڵ یایروس، سەروک کەنیسەگه، هات و وەت: «دویەتەگەد مرد، دی ماموستا مەخه زامەت.»

وەحی وه یوحەنا 5:8

جا وەشون ئەوه که تومارەگه گرد، ئەو چوار گیانەوەر زنی و ئەو بیس و چوار پیره له نوای وەرکەگه کەفتنه بان خاک. ئەوانه هەر کامێان چەنگێگ له دەسێانەو بی و پیاڵەێگ تەڵایی نیقەڵتوز له بوخورێگ که هەر ئەو دوعایل ئیمانداریل مەسیحەسه.

کاریل ڕەسولەیل 18:17

ئەوانیش گشتێان سوستنس، سەروک کەنیسه گردن و وه نوای دادگا دانه لێ. وەلێ گالیو گوشە لێان نەتەکان.

کاریل ڕەسولەیل 9:38

چوینکه لوده نزیک یافا بی، وەختێ شاگردیل ئاگادار بین که پتروس ها ئەوره، دو نەفەر کل کردنه ئەڕا لاێ و وەتنه پێ: «بیزامەت زویزی خوەد برەسنه لامان.»

لوقا 17:16

خوەێ خسته مل پاێ عیسا و سپاسێ کرد. ئەو جوزامیه سامری بی.

لوقا 5:8

وەختێ شەمعون پتروس ئیه دی، کەفته مل پاێ عیسا و وەت: «ئێ خوداوەند، دویرەو بکەفه مه، چوینکه پیاێگ گوناکارم!»

یوحەنا 11:21

مارتا وه عیسا وەت: «گەورەم، ئەگەر وه ئێرا بویاتیای براگەم نیەمردیا.

لوقا 8:42

چوینکه تەنیا دویەتەگەی که نزیک دوانزه ساڵی بی، داشتیا مردیا. وەختێ عیسا وەناو ڕێ بی، جەماێەت فرەێگ دەوری گردوین.