لوقا 8:22 - کتاب مقدس به زبان کردی جنوبی - گویش کلهوری

²² ڕوژی عیسا وه شاگردەگانێ وەت: «بچیمنه ئەڕا ئەو لاێ دەریاچەگه.» جا سوار قایق بین و کەفتنه ڕێ.

لوقا 8:22 Referans Kwoze

مەرقوس 6:45

عیسا زویزی دەستور دا شاگردەگانێ تا سوار قایق بون و وەرجه خوەێ بچنه ئەڕا شار بەیت‌سیدا وه ئەو لاێ ئاوەگه، خویشێ جەماێەتەگه خسته ڕێ تا بچن.

لوقا 8:23

وەختێ داشتن چیان، عیسا خەویەو برد. لەناکاوا دەریاچەگه بیه واهێڵان خراوی جورێ که پڕ ناو قایقەگه بیه ئاو، گیانێان کەفته خەتەر.

لوقا 5:1

یەێ ڕوژ عیسا وه لیوەێ دەریاچەێ جنیسارت وساوی مەردمیش وه گشت لاێگەو هویژم بردیانه ئەڕا لاێ تا کەڵام خودا بشنەفن،

مەرقوس 8:13

ئمجا ئەوانه هیشتەجێ و وه دواره سوار قایق بی، چیه ئەڕا ئەو لاێ دەریاچەگه.

ئنجیل مەتا 14:22

عیسا زویزی شاگردەگانێ وادار کرد تا سوار قایق بون و وەرجه خوەێ بچنه ئەڕا ئەو لاێ دەریاچەگه، خویشێ جەماێەتەگه خسته ڕێ تا بچن.

یوحەنا 6:1

وەشون ئەوه، عیسا چیه ئەڕا ئەو لاێ دەریاچەێ جەلیل که هەر ئەو دەریاچەێ تیبریەسه.

مەرقوس 5:21

عیسا یەێ جارتر وەگەرد قایق چیه ئەڕا ئەو لاێ ئاوەگه. وه لیوەێ دەریاچەگه، جەماێەت فرەێگ هاتن دەورێ گردن.

ئنجیل مەتا 8:18

وەختێ عیسا دی جەماێەت فرەێگ وه دەوریەو جەم بینه، ئەمر کرد تا بچنه ئەڕا ئەو لاێ دەریاچەگه.

لوقا 8:33

ئمجا دێوەگان وه پیاگه هاتنه دەیشت و چینه ناو ورازەگان، ورازەگانیش وه سەرەوخوارکی چیاگەوه هویژه کردنه ناو دەریاچەگه و خنکیان.

کاریل ڕەسولەیل 27:2

جا سوار کەشتیێگ بیمن که له ئەدرامیتینوس هاتیاد و چیاده ئەڕا چەن بەندەر له ناوچەێ ئاسیا و کەفتیمنه ڕێ. ئاریستارخوس مەقدونی وەگەردمانەو بی که له مەردمیل تسالونیکی بی.