لوقا 8:13 - کتاب مقدس به زبان کردی جنوبی - گویش کلهوری

¹³ تویەمیلی که کەفنه ناو زەوی کوچگین کەسیلێگن وەختێ کەڵام شنەفن، وه شادی قەبوڵێ کەن وەلێ کەڵام وەناوێان ریشه نیەکوتێ. ئیانه زەمان کەمێ ئیمان دێرن، وەلێ له وەخت ئەزمون، له ئیمان کەفن.

لوقا 8:13 Referans Kwoze

یوحەنا 5:35

یەحیا چراخێگ گڕان بی که نویر دیاد و ئیوه تواسیاین ماوەێگ وەناو نویرەگەێ دڵخوەش بوین.

یەهودا 1:12

ئیانه وەناو مێوانییل پڕ مابەتدان هەر ئەوجورە که رخێان نیەچود و وەگەرددانەو خوەن و نوشن، جور تاش کەمەریلێگن که هانه ژێر ئاو که وه چەو نوینریەن؛ شوانیلێگن که تەنیا خوێان پەروار کەن؛ هەوریل بی وارانێگن که وا ڕانیەسێان و داریل بی بەر ئاخر پاێیزن که دو جار مردنه و له ریشه دەر هاتنه.

دویم پتروس 2:22

جا ئەوانه نمونەێ ئی مەسلەت درسنه که: «گەماڵ وە قیسان خوەێ هەڵەوگردێ» و «وراز له شون شوریان، وه پل خواردن له ناو خەڕێ هەڵەوگەردێ.»

دویم پتروس 2:20

چوینکه ئەوانه که وەگەرد ناسین خوداوەند و نجات دەر ئیمه عیسا مەسیح، له ناپاکییل جهان دەرچینه، ئەگەر وه دواره تویش ئەو چشتیله با‎ن و ئەوانه وه سەر ئی ئایەمیله زاڵ بون، ئاخرێان خراوتر له سەرەتاێانه.

عبرانییل 10:39

وەلێ ئیمه له ئەو کەسیله نیمن که خوێان کیشنه دویا و نابود بون، بەڵکەم له ئەوانیمنە که ئیمان دێرن و گیان خوێان پارێزنن.

ئەفسوسیێل 3:17

تا مەسیح له ڕێ ئیمان وەناو دڵدان نیشتەجێ بود که ئیوه وەناو مابەت ریشه بدەونێن و بەردەوام بوین،

یاقوب 2:26

چوینکه هەر ئەوجورە که جەسەێ بی روح مردگه، ئیمانیش بێ کردەوه مردگه.

یەکم نامەێ تیموتاوس 1:19

و سفت هەڵبکیده قێ ئیمان و وژدان پاکێگ، ئەڕا ئیه که کەشتی ئیمان بڕێگ وه خاتر ژێر پا ناین ئەوانه شکیاسه ناو یەکەو.

یەکم تسالونیکییل 3:5

وه ئی بونه، وەختێ دیتر تویەنا نیاشتم، تیموتاوس کل کردم تا له ئیماندان ئاگادارەو بوم، چوینکه ڕخم چیاد که ئەو خەڵەتنه یانێ ئبلیس وه لەونێ ئیوه بخەڵەتنی و زامەت ئیمه له کیس بچود.

نامه وه کولوسییل 2:7

وەناو ئەیو ریشه بکوتن و بنریەنە سەرپاوه و هەر ئەوجورە که تالیم گردین، وەناو ئیمان بەردەوام بون و نیقەڵتوز شوکر کردن بون.

نامه وە غەلاتییل 3:4

ئێ ئی هەمگه عەزاوه وه هویچ پەتی کیشاینه؟ مەگەر ئیەکه وه ڕاسی هویچ پەتی بیه!

نامه وە غەلاتییل 3:1

ئێ غەلاتییل نەزان، کی جادودان کردێه؟ مردن عیسا مەسیح وه ڕوشنی ئەڕادان شێو کریا جوری که چماێ لەنواێ چەویلدان وه سەلیب کیشریا.

یەکم قورنتییل 15:2

له ڕێ ئەوه نجات پەێا کین، ئەگەر وه ئەو کەڵامه که ئەڕادان بانگەوازی کردم چنگ بێین. مەر ئیه که، وه هویچ پەتی ئیمان هاوردوین.

یوحەنا 15:6

ئەگەر کەسێگ وەناو مه نیشتەجێ نود، جور پەلێگ فڕەێ دەن و وشکەو بود. پەلیل وشک گردێانەو کەن و فڕەێان دەنه ناو ئاگر و سزننەێان.

یوحەنا 15:2

هەر پەلێگ له منا که بەر نارێ، ئەیو بڕیدێ و هەر پەلێگیش که بەر بارێ، ئەیو هەرەسێ کەێ تا فرەتر بەر بێی.

نامه وه کولوسییل 1:23

هەڵبەت ئەگەر وەڕاسی وەناو ئیمان قورس بوین و بەردەوام بمینێن و له ئمید ئینجیل جم نەخوەین، هەر ئەو ئینجیلێگ که شنەفتین و وه گشت درسکریایل ژێر ئاسمان جار دریاس و مه، پولوس، بیمەسه خزمەتکاری.

یەکم قورنتییل 13:2

ئەگەر هێز نەبوەت بیاشتوم و گشت رازیل خودا و ماریفەت بزانم و ئەوجورە ئیمان تەمامێگ بیاشتوم که بتویەنم کویەیل جاوەجا بکەم، وەلێ مابەت نیاشتویم، هویچ نیم.

مەرقوس 6:20

چوینکه هیرودیس له یەحیا زاورێ چیاد، ئەڕا ئیه که ئەوه وه پیاێگ درسکار و پاک زانستیا وه ئی بونه پارێزیادێ. هەر وەخت قسیەیل یەحیا شنەفتیاد، پەشێو بویاد. وەلێ خوەشی هاتیاد گوش بیده قسیەيلی.

یەکم یوحەنا 2:19

ئەوانه له ناومان چین، وەلێ له ئیمه نوین. چوینکه ئەگەر له ئیمه بویان، وەگەردمان مەنیان. وەلێ چین تا مالوم بود که هویچکامێان له ئیمه نوین.

لوقا 8:12

تویەمیلی که کەفنه ناو ڕێ، کەسیلێگن کەڵام شنەفن، وەلێ ئبلیس تێد و له دڵیان دەرێ تیەرێ بێدێ، تا نەتویەنن ئیمان بارن و نجات پەێا بکەن.

لوقا 8:14

تویەمیلی که کەفنه ناو دڕگیل، کەسیلێگن که کەڵام خودا شنەفن، وەلێ وەختێ ڕێ خوێان چن، نگرانییل و دەوڵەمەنی و خوەشییل زنەیی خنکنێدیان و بەر نیەتیەرن.