لوقا 8:1 - کتاب مقدس به زبان کردی جنوبی - گویش کلهوری

¹ وەشون ئەوه، عیسا شار وه شار و ئاوایی وه ئاوایی گەردیاد و مزگانی پادشایی خودا رەسانیاد و بانگەوازی کردیا. ئەو دوانزه شاگردیشه وەگەردیەو بین،

لوقا 8:1 Referans Kwoze

ئنجیل مەتا 4:23

عیسا وه سەرئانسەر جەلیل گەردیاد و وەناو کەنیسەگانیان تالیم دیاد و خەوەر خوەش پادشایی خودا جار دیاد و هەر ژان و نەخوەشێگ که وەناو مەردم بی شەفا دیاد.

رومیەگان 10:15

چوی بانگەوازی بکەن، ئەگەر کل نەکریەن؟ هەر ئەوجورە که وەناو کتاو ئەشعەیاێ نویسریاس: «چ ڕەنگینه پاێ کەسیلێ که ئەو مزگانیه بانگەوازی کەن.»

کاریل ڕەسولەیل 13:32

ئێرنگه ئیمه وەپێدان مزگانی دیمن که خودا ئەو چشته که وه باپیریلمان واده داوید،

کاریل ڕەسولەیل 10:38

که چوی خودا، عیساێ ناسری وەگەرد روح‌القودوس و هێز مەسح و دەسنیشان کرد. ئەیو گەردیاد و کاریل خاسێ کردیاد و گشت ئەوانه که وه ژێر ستەم ئبلیس بین، شەفا دیاد، چوینکه خودا وەگەردیەو بی.

لوقا 4:18

«روح خوداوەند ها ملمەو، چوینکه من مەسح و دەسنیشان کردێه تا وه دەستەنگیل مزگانی بێەم. کلم کردێه تا ڕزگاری گیرودەیل و بینایی کوریل جار بێەم و ستەم کیشەیلیش ڕزگاریان بکەم و

مەرقوس 1:39

جا چیه ئەڕا سەرئانسەر جەلیل وەناو کەنیسەگانیان بانگەوازی کردیاد و دێویل دەر کردیا.

ئنجیل مەتا 13:19

وەختێ کەسێگ کەڵام پادشایی خودا شنەفێ وەلێ نیەفامیدێ، ئەو شەڕئاشوه تێد و کەڵامێ که وەناو دڵی کاڵیاس، دزید. ئیه هەر ئەو تویەمەسه که کەفتیەسه سەر ڕێ.

ئنجیل مەتا 11:1

وەشون ئیه که عیسا ئی فەرمانیله وه دوانزه شاگردەگەێ دا، وه ئەوره چی تا وەناو شارەگانێان تالیم بیێد و بانگەوازی بکێ.

ئنجیل مەتا 9:35

عیسا وه گشت شاریل و ئاواییەگان گەردیاد، وەناو کەنیسەگانیان تالیم دیاد و خەوەر خوەش پادشایی خودا جار دیاد و هەر ژان و نەخوەشیش شەفا دیاد.

لوقا 1:80

مناڵەگەیش گەورا بویاد و وه روحەو، قەوەت گردیاد، تا ئەو ڕوژه که خوەێ وه قەوم ئێسرائیل ئاشکرا بکێ، له چوڵەوانی مەن.

لوقا 9:6

ئمجا کەفتنه ڕێ، ئاوایی وه ئاوایی گەردیان و رەسیانه هەر شونێگ، خەوەر خوەش بانگەوازی کردیان و نەخوەشیلیش شەفا دیان.

لوقا 20:1

یەێ ڕوژ عیسا وەناو مابەد وه مەردم تالیم دیاد و خەوەر خوەش بانگەوازی کردیا، سەران کاهنیل و ماموستایل تەورات وەگەرد گەورایل قەوم هاتنه ئەڕا لاێ