لوقا 7:6 - کتاب مقدس به زبان کردی جنوبی - گویش کلهوری

⁶ ئمجا عیسا وەگەردێانەو چی. وەختێ ڕەسیه نزیک ماڵەگه، ئەو ئەفسەره چەن نەفەر له ڕەفیقەیلێ وەگەرد ئی پێخامه کل کرده ئەڕا لاێ عیسا که: «گەورەم، خوەد زامەت مەێه، چوینکه مه شایسه نیم باێده ژێر سەقف ماڵەگەم.

لوقا 7:6 Referans Kwoze

یاقوب 4:6

وەلێ فیزێگ که خودا بەخشێد، فڕه فرەترە. وەئی بونه وەناو کتاو مەسلەتیل سلێمان پادشا، نویسریاس: «خودا لەنواێ لویتبەرزیل وسێد، وەلێ وه بێ فیسیل فیز بەخشێد.»

مەرقوس 5:24

جا عیسا وەگەردێ چی. قێر فرەێگیش وەشون عیسا کەفتنه ڕێ. ئەوانه فره وه ملێەو شلخ کردیان.

لوقا 8:49

عیسا هێمراێ قسیه کردیا که یەکی له ماڵ یایروس، سەروک کەنیسەگه، هات و وەت: «دویەتەگەد مرد، دی ماموستا مەخه زامەت.»

یاقوب 4:10

خوەدان له لاێ خوداوەند بێ فیسەو بکەن که ئەیو سەربەرزدان کەێد.

کاریل ڕەسولەیل 10:38

که چوی خودا، عیساێ ناسری وەگەرد روح‌القودوس و هێز مەسح و دەسنیشان کرد. ئەیو گەردیاد و کاریل خاسێ کردیاد و گشت ئەوانه که وه ژێر ستەم ئبلیس بین، شەفا دیاد، چوینکه خودا وەگەردیەو بی.

لوقا 5:8

وەختێ شەمعون پتروس ئیه دی، کەفته مل پاێ عیسا و وەت: «ئێ خوداوەند، دویرەو بکەفه مه، چوینکه پیاێگ گوناکارم!»

ئنجیل مەتا 20:28

تەنانەت کوڕ ئنسانیش نات تا خزمەتی بکەن، بەڵکەم هات تا خزمەت بکێ و گیان خوەێ ئەڕا ڕزگاری ئایەمیل فرەێگ فەدا بکێ.»

ئنجیل مەتا 3:11

«مه ئەڕا توبه کردن، وەگەرد ئاو تەعمیددان دەم؛ وەلێ ئەوه که وەشون مه تێدن له مه تویەناتره و مه تەنانەت شایسه نێیم کەوشەگانی ئەڕاێ هەڵبگرم. ئەیو وەگەرد روح‌القودوس و ئاگر تەعمیددان دەێ.

لوقا 7:4

ئەوانیش هاتنه ئەڕا لاێ عیسا و لاڵکیانه پێ وەتن: «ئی پیا شایسەس ئی لتفه وه حەقی بکێ،

لوقا 7:5

چوینکه ملەت ئیمه دوس دێرێ و کەنیسەگەمانیش درس کردێه.»

لوقا 7:7

هەر ئیجوره، تەنانەت خوەمیش شایسه نەزانستم بامه ئەڕا لاد. تو تەنیا یەێ کەلیمه بویش، خوڵامەگەم شەفا پەێا کەی.