لوقا 7:44 - کتاب مقدس به زبان کردی جنوبی - گویش کلهوری

⁴⁴ جا ئەو وەخته ئێشاره وه ژنەگه کرد و وه شەمعون وەت: «ئی ژنه دوینید؟ مه هاتمه ماڵد و تو ئەڕا شوردن پایلم ئاو ناوردی، وەلێ ئی ژنه وەگەرد ئەسر چەویلی پایلم شورد و وەگەرد گیسێ وشکێانەو کرد!

لوقا 7:44 Referans Kwoze

یەکم نامەێ تیموتاوس 5:10

هەر ئیجوره باێه وه خاسێ ناوێان دەرچوی، یانێ مناڵیل خوێان خاس تەربیەت کردوین، غەریونەواز بون، پایل ئیمانداریل وه مەسیح شوردوین و وه مەیەت کەسیلێ که تویش بەردیل هاتنه دەوین و خوێان ناوینه ئەڕا وه جا هاوردن هەر جور کار خاسێگ.

یاقوب 2:6

وەلێ ئیوه وه دەستەنگ بی حرمەتی کردینه. ئێ مەگەر هەر ئی دەوڵەمەنیله نین که وه ئیوه ستەم کەن و کیشنەدانه دادگا؟

لوقا 7:38

وه گیره کردن له پشت سەر عیسا له لاێ پاێ وساد. وەختێ ئەسر چەوێ ڕشیاده مل پایل عیسا وەگەرد گیسێ وشکێانەو کرد. وەشونێ پایلێ ماچ کرد و روینەگه ماڵیه پایلێەو.

لوقا 7:43

شەمعون جواو دا: «وه گومانم ئەوه که قەرد فرەترێگ داشت و بەخشیا.» عیسا وەت: «درس وەتی.»

یوحەنا 13:5

ئمجا ئاو کرده ناو لەگەنێگ و شرو کرده شوردن پایل شاگردیل و وه حوڵەێگ که بەساویه ناوقەێەو پایلێان وشکەو کرد.