لوقا 7:19 - کتاب مقدس به زبان کردی جنوبی - گویش کلهوری

¹⁹ وەگەرد ئی پێخامه کلیان کرده ئەڕا لاێ عیساێ خوداوەند تا له لێ بپرسن: «تو هەر ئەوەیده که باێه باێد، یا چەوەڕێ یەکیگ تر بویمن؟»

لوقا 7:19 Referans Kwoze

یوحەنا 4:25

ژنەگه وەته عیسا: «زانم ماشیەح تێی؛ وەختێ باێ، گشت چشتێ ئەڕامان ئویشێد.» ماشیەح یانێ مەسیح واده دریاێ.

لوقا 10:1

وەشون ئەوه، عیسا خوداوەند هەفتا نەفەرتریش دەس نیشان کرد و دو وه دو وەرجه خوەێ کلیان کرد ئەڕا هەر شار و هەر شونێگ که تواسیا بچود.

وەحی وه یوحەنا 11:3

جا مه وه دو گله شاێەت خوەم دەسڵات دەم و ئەوانه جل و پەڵاس کەنه وەر و هەزار و دویس و شەس ڕوژ نەبوەت کەن.»

مەرقوس 6:7

عیسا ئەو دوانزه شاگرده چڕیه لاێ خوەێ و ئەوانه دو وه دو کلیان کرد و دەسڵات دا پێان تا وه روحیل ناپاک زاڵ بون.

لوقا 7:13

وەختێ عیساێ خوداوەند چەوێ کەفته ژنەگه، دڵی ئەڕاێ سزیا و وەت: «گیره مەکه.»

لوقا 7:20

جا ئەو دو نەفەره هاتنه لاێ عیسا، وەتن: «یەحیاێ تەعمیددەر ئیمه کل کردێه تا پرسیاره لێد بکێم تو هەر ئەوەیده که باێه باێد، یا چەوەڕێ یەکیگ تر بویمن؟»

لوقا 11:1

ڕوژیگ عیسا وه شونێگەو خەریک دوعا کردن بی. وەختێ دوعاگەێ تەمام بی، یەکی له شاگردیلی وەپێ وەت: «گەورەم، دوعا کردن یاێمان بیه، هەر ئەوجورە که یەحیا وه شاگردیلی یاێ دا.»

لوقا 11:39

ئمجا عیسا خوداوەند وەپێ وەت: «ئیوه فەریسیەیل دەیشت پیاڵه و پێشقاو پاکەو کین، وەلێ وه ناخەو پڕ وه تەما و ناپاکیین!

لوقا 12:42

عیسا خوداوەند وه جواوی وەت: «ئێ ئەو کاروەدەس ئەمین و زانا کیه که ئەرواوەگەێ ئەوه ناسه بان سەر خزمەتکاریل ماڵەگەێ خوەێ تا بەش نان ئەوانه وه وەخت خوەێ بێی؟

لوقا 13:15

عیسا خوداوەند وه جواوی وەت: «ئێ دوڕوییل! هویچ کام له لێدان وه ڕوژ شەبات مانگا یا خەرەگەێ له تویله واز نیەکێ بارێدەێ دەیشت ئاوێ بێی؟

لوقا 17:5

ڕەسولەیل وه عیسا خوداوەند وەتن: «ئیمان ئیمه فرەوه بکه!»

لوقا 17:6

عیسا خوداوەند وەت: «ئەگەر ئیمانێگ وه بویچگی دەنگ خەردەلێگ بیاشتوین، تویەنین وه ئی دار تویه بویشین له ریشەوه دەر بەو بچقیه ناو دەریا، گوشە لێدان تەکنێ.

لوقا 18:6

ئمجا عیسا خوداوەند فەرمایش کرد: «شنەفتین ئی قازی بی ئنسافه چه وەت؟

لوقا 19:8

زەکا هەڵساد و وه عیسا خوداوەند وەت: «گەورەم، ئێرنگه کوتێگ له دارایەگەم بەخشمه کەمدەسیل، ئەگەر چشتێگیش وه ناحەق له کەسێ گردمه، چوار بەرابەری دەمه پێ.»

لوقا 22:61

ئمجا عیسا خوداوەند سەر هەڵگەردان و نوڕیه پتروس، پتروس قسیەگەێ عیسا هاورده هویر که وەتوی: «ئیمڕو وەرجه قویلەێ کەڵەشیر، سێ جار مه حاشا کەی.»

لوقا 24:34

وەتیان: «ئیه ڕاسه خوداوەند زنیەو بیه و خوەێ نیشان شەمعون داس.»

یوحەنا 4:1

عیسا زانست که زانایل فرقەێ فەریسی شنەفتنه که عیسا فرەتر له یەحیا شاگرد دێرێ و خوسڵ تەعمید دەێ،

یوحەنا 6:23

ئمجا قایقیلتر له تیبریه هاتن و ڕەسینه نزیک شونێگ که وەشون شوکر کردن خوداوەند، نان خواردوین.

یوحەنا 11:2

مریەم هەر ئەو ژنەسه که پایل خوداوەند عیسا ‎ئەتر ماڵی کەێ و وەگەرد قژێ وشکێەو کەێ. ئیلعازەر براێ مریەم نەخوەش کەفتوی.