لوقا 7:16 - کتاب مقدس به زبان کردی جنوبی - گویش کلهوری

¹⁶ مەردمەگەیش گشتێ ترس و سام گردیان و نیشتنه ستایش خودا و وەتیان: «پەێخەمەر گەوراێگ وه ناومان ئاشکرا بیه. خودا هاتیەسه مەیەت قەوم خوەێ.»

لوقا 7:16 Referans Kwoze

لوقا 7:39

وەختێ فەریسی خاون مێوانی ئیه دی، وەگەرد خوێەو وەت: «ئەگەر ئی پیا وه ڕاسی پەێخەمەر بویاد، زانستیا ئی ژنه که دەس دا قەێەو کیه و چجور ژنیگه بی خەڵاف زانستیا که بەێکارەس.»

ئنجیل مەتا 9:8

وەختێ جەماێەت ئی هەڵکەفته دین، زاورێان چی و خوداێگ جەڵاڵ دان که ئیجور دەسڵاتی وه ئنسان بەخشاس.

لوقا 1:68

«پڕ بمارکه خوداوەند، خوداێ ئێسرائیل، چوینکه هاتیەسه مەیەت قەوم خوەێ و ڕزگاریان کردێه.

لوقا 5:26

گشتێان وه ئی هەڵکەفته سەریان سڕ مەنوی و ستایش خودا کردیان و هەر ئەوجورە که ترس گشت وجودێان گردوی، وەتیان: «ئیمڕو چشتیل ئەڵاجوی دیمن.»

لوقا 2:20

جا شوانەگان هەر ئەوجورە که خودا جەڵاڵ دیان و حەمد و ستایشێ کردیان، هاتنەو، وەبونەێ گشت چشتیلی که دین و شنەفتن، هەر ئەو جوره بی که وەپێان وەتریاوی.

لوقا 1:65

ترس گشت هاوساگان گردوی وەناو مەردمیش وه سەرئانسەر کەژکویەیل ناوچەێ یەهودیه له باوەت ئی چشتیله بیه قسیەو باس.

ئنجیل مەتا 21:11

جەماێەتیش وەتیان: «ئیه عیساێ پەێخەمەره، له مەردم ناسرەێ جەلیله!»

ئنجیل مەتا 15:31

جەماێەت وەختێ دین لاڵیل قسیه کەن، فەلەجەیل ساقەو بون، شەلیل ڕێ کەن و کوریل بیناوه بون، سەریان سڕ مەن و خوداێ ئێسرائیل جەڵاڵ دان.

نامه وە غەلاتییل 1:24

جا وەبونەێ منەو جەڵاڵ خودا دان.

کاریل ڕەسولەیل 5:5

وەختێ حەنانیا ئی قسیەيله شنەفت، دا لک زەویا و مرد! گشت ئەوانه که ئیه شنەفتن ترس گەوراێگ کەفته کوڵیان.

یوحەنا 9:17

جا وه دواره له پیا کورەگه پرسین: «تو له باوەت ئەیو چه ئویشێ؟ چوینکه ئەیو چەویلد واز کردێه.» جواو دا: «پەێخەمەرێگه.»

یوحەنا 6:14

وەختێ مەردم ئی نیشانه و موجزەێ که عیسا کردوی دین، وەتن: «وه ڕاسی که ئیه هەر ئەو پەێخەمەرەسه که باێه، باێده ئی جهانه.»

یوحەنا 4:19

ژنەگه وه عیسا وەت: «گەورەم، دوینم تو پەێخەمەرێگید.

یوحەنا 1:25

له یەحیا پرسین: «ئێ ئەگەر تو نه مەسیحید و نه ئەلیاس پەێخەمەرید و نه ئەو پەێخەمەریده که موسا وەت، ئێ ئەڕا چه خوسڵ تەعمید دەێ؟»

یوحەنا 1:21

جا ئەوانه له لێ پرسین: «ئێ چه؟ ئەلیاس پەێخەمەری؟» وەت: «نیم.» پرسین: «ئێ تو ئەو پەێخەمەریده که موسا وادەێ هاتنێ داس؟» یەحیا جواو دا: «نه!»

لوقا 24:19

عیسا پرسی: «چ چشتێ؟» وەتن: «ئەو چشته که وه سەر عیساێ ناسری هات. ئەوه پەێخەمەری بی که وه پێشگاێ خودا و له لاێ گشت مەردم، کردەوه و قسیەیلی وه تویەنا بی.

لوقا 9:19

جواو دان: «بڕێگ ئویشن یەحیاێ تەعمیددەری، بڕێگتر ئویشن ئەلیاس پەێخەمەری و بڕێگتریش تو یەکی له پەێخەمەریل ڕوژگار جاران زانن که زنیەو بیه.»

لوقا 8:37

ئمجا گشت مەردم مەنتەقەێ جەراسیان وه عیسا تواسن له لاێان بچود، چوینکه ترس فرەێگ گردوەێان. ئەیویش سوار قایق بی و هاتەو.

لوقا 5:8

وەختێ شەمعون پتروس ئیه دی، کەفته مل پاێ عیسا و وەت: «ئێ خوداوەند، دویرەو بکەفه مه، چوینکه پیاێگ گوناکارم!»

ئنجیل مەتا 28:8

جا ژنەگان وه ترس و خوەشی گەوراێگ وه پەله له مەقبەرەگه دانه دەیشت نانه دو وەرەو لاێ شاگردەگانێ تا ئی خەوەره بێەنه پێان.

کاریل ڕەسولەیل 7:37

«هەر ئی موسا وه بەنی ئیسرائیل وەت: ”خودا وەناو برایلدان، پەێخەمەرێگ جور من ئەڕادان دانرێید.“

لوقا 19:44

جا خوەد و مناڵەگاند وەناودا وه خاک و خوین کیشن. کوچگ وه مل کوچگ وه جا نێیلن؛ چوینکه وه وەخت هاتن خودا ئەڕا مەیەتد بێ خەوەر مەنید.»

لوقا 7:15

مردگەگه ڕاسەو بی و شرو کرده قسیه کردن! عیسا کوڕەگه سپارده دەس داڵگێ.