لوقا 7:13 - کتاب مقدس به زبان کردی جنوبی - گویش کلهوری

¹³ وەختێ عیساێ خوداوەند چەوێ کەفته ژنەگه، دڵی ئەڕاێ سزیا و وەت: «گیره مەکه.»

لوقا 7:13 Referans Kwoze

عبرانییل 4:15

چوینکه کاهن گەوراێ ئیمه ئەوجورە نیه که نەتویەند وەگەرد بی هازییل ئیمه هاودەردی بکێد، بەڵکەم کەسێگه که له هەر باوەتەو هەر جور ئیمه ئەزمون بیه، وەلێ گونا نەکرد.

لوقا 8:52

گشت مەردم ئەڕا دویەتەگه گیرستیان و شین کردیان. عیسا وەت: «گیره مەکەن، چوینکه نەمردیه بەڵکەم خەفتیه.»

عبرانییل 2:17

وه ئی بونه، واجو بی له هەر باوەتەو بوده جور برایل خوەێ تا بتویەنێ وه جیگەێ کاهن گەوراێگ که وه بەزەیێه و ئەمینە، وه خزمەت خودا بود و ئەڕا گونایل قەومەگه کەفارەت بکێد.

یوحەنا 20:15

عیسا وەپێ وەت: «ژنەگه، ئەڕا گیره کەی؟ هایده شون کی؟» مریەم خیاڵ کردیا باخەوانێگه، وەت: «گەورەم، ئەگەر تو بردیدەسێ، وەپێم بویش نایدەسێ کوره تا بچم بوەمیەو.»

مەرقوس 8:2

«دڵم وه حاڵ ئی مەردمه سزێ، چوینکه ئێرنگه سێ ڕوژه ئەوانه هانه گەرد من و چشتێگیش ئەڕا خواردن نێرن.

یوحەنا 11:2

مریەم هەر ئەو ژنەسه که پایل خوداوەند عیسا ‎ئەتر ماڵی کەێ و وەگەرد قژێ وشکێەو کەێ. ئیلعازەر براێ مریەم نەخوەش کەفتوی.

لوقا 24:34

وەتیان: «ئیه ڕاسه خوداوەند زنیەو بیه و خوەێ نیشان شەمعون داس.»

لوقا 17:5

ڕەسولەیل وه عیسا خوداوەند وەتن: «ئیمان ئیمه فرەوه بکه!»

یەکم قورنتییل 7:30

ئەوانه که ئازیەتبارن، جوری بون که چماێ ئازیەتبار نین؛ ئەوانه که شادن، جوری بون که چماێ شاد نین؛ ئەوانه که چشتێ سێنن، جوری بون که چماێ خاون ئەو چشته نین و

یوحەنا 20:13

ئەوانه وەپێ وەتن: «ژنەگه، ئەڕا گیره کەی؟» ئەویش وەته پێان: «گەورەگەم بردنە و نيەزانم نانەسێ کوره.»

لوقا 13:15

عیسا خوداوەند وه جواوی وەت: «ئێ دوڕوییل! هویچ کام له لێدان وه ڕوژ شەبات مانگا یا خەرەگەێ له تویله واز نیەکێ بارێدەێ دەیشت ئاوێ بێی؟

لوقا 10:1

وەشون ئەوه، عیسا خوداوەند هەفتا نەفەرتریش دەس نیشان کرد و دو وه دو وەرجه خوەێ کلیان کرد ئەڕا هەر شار و هەر شونێگ که تواسیا بچود.

لوقا 7:19

وەگەرد ئی پێخامه کلیان کرده ئەڕا لاێ عیساێ خوداوەند تا له لێ بپرسن: «تو هەر ئەوەیده که باێه باێد، یا چەوەڕێ یەکیگ تر بویمن؟»

یەکم تسالونیکییل 4:13

وەلێ ئێ برایل، نیەتوایم له حاڵ ئیمانداریلێگ که مردنه بی خەوەر بوین، نەخواێ جور ئەوباقی مەردم که ئمیدێگ نێرن، بنیشینه ئازیەتی.

لوقا 22:61

ئمجا عیسا خوداوەند سەر هەڵگەردان و نوڕیه پتروس، پتروس قسیەگەێ عیسا هاورده هویر که وەتوی: «ئیمڕو وەرجه قویلەێ کەڵەشیر، سێ جار مه حاشا کەی.»

لوقا 7:12

وەختێ نزیک دەروازەێ شارەگه بویا، مردگێگ دی که داشتن بردیانێ و تەنیا کوڕ بێوه ژنێگ بی. قێر فرەێگیش وه مەردم شارەگه وەگەرد ژنەگەوه بین.

لوقا 7:14

ئمجا چیه نزیک و دەس ناده قێ تاویتەگه. کەسیلێ که تاویتەگه هەڵگردوین، وسان. عیسا وەت: «ئێ جوان، وەپێد ئویشم، هەڵس!»

لوقا 11:1

ڕوژیگ عیسا وه شونێگەو خەریک دوعا کردن بی. وەختێ دوعاگەێ تەمام بی، یەکی له شاگردیلی وەپێ وەت: «گەورەم، دوعا کردن یاێمان بیه، هەر ئەوجورە که یەحیا وه شاگردیلی یاێ دا.»

لوقا 11:39

ئمجا عیسا خوداوەند وەپێ وەت: «ئیوه فەریسیەیل دەیشت پیاڵه و پێشقاو پاکەو کین، وەلێ وه ناخەو پڕ وه تەما و ناپاکیین!

لوقا 12:42

عیسا خوداوەند وه جواوی وەت: «ئێ ئەو کاروەدەس ئەمین و زانا کیه که ئەرواوەگەێ ئەوه ناسه بان سەر خزمەتکاریل ماڵەگەێ خوەێ تا بەش نان ئەوانه وه وەخت خوەێ بێی؟

لوقا 17:6

عیسا خوداوەند وەت: «ئەگەر ئیمانێگ وه بویچگی دەنگ خەردەلێگ بیاشتوین، تویەنین وه ئی دار تویه بویشین له ریشەوه دەر بەو بچقیه ناو دەریا، گوشە لێدان تەکنێ.

لوقا 18:6

ئمجا عیسا خوداوەند فەرمایش کرد: «شنەفتین ئی قازی بی ئنسافه چه وەت؟

لوقا 19:8

زەکا هەڵساد و وه عیسا خوداوەند وەت: «گەورەم، ئێرنگه کوتێگ له دارایەگەم بەخشمه کەمدەسیل، ئەگەر چشتێگیش وه ناحەق له کەسێ گردمه، چوار بەرابەری دەمه پێ.»

لوقا 24:3

وەختێ چینه ناو مەقبەرەگه جنازەێ عیسا خوداوەند پەێا نەکردن.

یوحەنا 4:1

عیسا زانست که زانایل فرقەێ فەریسی شنەفتنه که عیسا فرەتر له یەحیا شاگرد دێرێ و خوسڵ تەعمید دەێ،

یوحەنا 6:23

ئمجا قایقیلتر له تیبریه هاتن و ڕەسینه نزیک شونێگ که وەشون شوکر کردن خوداوەند، نان خواردوین.

یوحەنا 11:3

جا خویشگەگان ئیلعازەر ئەڕا عیسا پێخام کل کردن، وەتن: «گەورەم، ئەوه که دوسی دێرێ نەخوەشه.»