لوقا 6:6 - کتاب مقدس به زبان کردی جنوبی - گویش کلهوری

⁶ یەێ شەبات تر، چیه ناو کەنیسه و شرو کرده تالیم داین. پیاێگ وه ئەوره بی که دەس ڕاسی وشک بوی.

لوقا 6:6 Referans Kwoze

یوحەنا 5:3

وه ئەوره قێر فرەێگ له عەلیلیل، جور کورەگان و شەلەگان‎ و فەلەجەگان، هەڵاژیاوین و چەوەڕێ بین تا ئاوەگه بجویلێدەو.

لوقا 4:31

وەشونێ عیسا چیه ئەڕا شار کەفەرناحوم، شارێگ وەناو ناوچەێ جەلیل، وه ڕوژ شەبات که هەر ئەو شەمەێ موقەدەس جویلەکەیله وه مەردم تالیم دیاد.

لوقا 4:16

عیسا چیه ئەڕا شار ناسره که وه ئەوره گەورا بوی، وه ڕوژ شەبات که هەر ئەو شەمەێ موقەدەس جویلەکەیله، جور هەمویشه چیه ناو کەنیسه. هەڵسا تا کەڵام خودا بخوەنێ.

ئنجیل مەتا 4:23

عیسا وه سەرئانسەر جەلیل گەردیاد و وەناو کەنیسەگانیان تالیم دیاد و خەوەر خوەش پادشایی خودا جار دیاد و هەر ژان و نەخوەشێگ که وەناو مەردم بی شەفا دیاد.

یوحەنا 9:16

جا بڕێگ له فەریسیەیل وەتن: «ئی پیا له لاێ خوداوه نیه، چوینکه یاساێ ڕوژ شەبات نیەپاریزنێد.» وەلێ بڕێگ تر وەتن: «ئێ چوی گوناکارێگ تویەنێ ئیجوره نیشانه و موجزەیلێگ بکێ؟» جا دو دەسەیی کەفته ناوێان.

لوقا 14:3

عیسا له قازییل شەریعەت و فەریسیەیل پرسی: «شەفا داین وه ڕوژ شەبات ڕەواس یا نه؟»

لوقا 13:10

یەێ ڕوژ شەبات که هەر ئەو شەمەێ موقەدەس جویلەکەیله، عیسا وەناو کەنیسەێگ تالیم دیاد.

لوقا 6:1

یەێ ڕوژ شەبات که هەر ئەو شەمەێ موقەدەس جویلەکەیله، عیسا وەناو زەویزاریل گەنم ڕەد بویا شاگردیلیشێ گوڵ گەنمەگان کەنێان و سایانەێ ناو دەس و خواردیانێ.

لوقا 6:5

ئمجا وەشونێ فەرمایش کرد: «کوڕ ئنسان ساێو ڕوژ شەباته.»