لوقا 6:16 - کتاب مقدس به زبان کردی جنوبی - گویش کلهوری

¹⁶ یەهودا کوڕ یاقوب و یەهوداێ ئەسخەریوتی که وه عیسا خێانەت کرد.

لوقا 6:16 Referans Kwoze

یوحەنا 14:22

یەهودا، نه یەهوداێ ئەسخەریوتی، وه عیسا وەت: «گەورەم، چوینه که خوەد وه ئیمه نیشان دەی، وەلێ وه ئی جهانه نیشان نێید؟»

یەهودا 1:1

له یەهودا، خوڵام عیسا مەسیح و براێ یاقوب، وه دەنگ کریایلێگ که وەناو خوداێ باوگ عەزیزن و ئەڕا عیسا مەسیح پارێزیانه:

کاریل ڕەسولەیل 1:25

تا ئەو خزمەت و ڕسالەته بگرێده مل، خزمەتی که یەهودا ڕوی له لێ هەڵوگەردان، تا بچوده سەر شونێ که باێه بچیاد.»

مەرقوس 3:18

ئاندریاس، فیلیپوس، بەرتولما، مەتا، توما، یاقوب کوڕ حەلفای، تەدای، شەمعون ماروف وه وڵات پارێز،

ئنجیل مەتا 10:3

فیلیپوس و بەرتولما؛ توما و مەتاێ باجگر؛ یاقوب کوڕ حەلفای و تەدای؛

لوقا 6:15

مەتا، توما، یاقوب کوڕ حەلفای، شەمعون ماروف وه وڵات پارێز،

لوقا 6:17

عیسا وەگەرد شاگردیلی هاته خوار و وەشون تەختایێگ وساد. قێر فرەێگ وه شاگردیلی و یە بڕ مەردم وه سەرئانسەر یەهودیه، ئورشەلیم و شاریل دەورو وەر دەریاێ سور و سیدون، وه ئەوره بین.