لوقا 3:11 - کتاب مقدس به زبان کردی جنوبی - گویش کلهوری

¹¹ یەحیا جواو دا: «ئەوه که دو گله شەوی دێرێ، یەکیگێ بیده ئەوه که نێری، ئەویش که خواردەمەنی دێرێ هەر ئی کاره بکێ.»

لوقا 3:11 Referans Kwoze

یەکم یوحەنا 3:17

وەلێ ئەگەر کەسێگ دارایی و ماڵ دنیا داشتوی و براێ خوەێ وه نەداری بوینی وەلێ بەزەیێه پێ نای، ئێ چوی مابەت خودا وەناو ئیجور کەسێگ نیشتەجێ بود؟

یەکم نامەێ تیموتاوس 6:18

وه ئەوانه دەستور بیه که خاسێ بکەن و ئەڕا کاریل خاس، دەوڵەمەن بون و بەخشەنه و دەسدڵواز بون.

لوقا 18:22

عیسا وەختێ ئیه شنەفت، وەپێ وەت: «هێمراێ یەێ چشت کەم دێرێ؛ هەر چی دێرێ بفروش و پویلەگەێ بەشەو که ناو کەمدەسیل، که وەناو ئاسمان گەنج وه دەس تیەرێ. ئمجا بەو بکەفه شونم.»

یەکم یوحەنا 4:20

ئەگەر کەسێگ بویشی ”خودا دوس دێرم“ و قینێ له براگەێ خوەێ باێ، ئەوه دروزنه. چوینکه کەسێگ که براگەێ خوەێ که وه چەو دیه، دوسی نیاشتود، نیەتویەنی خوداێگ که وه چەو نیه، دوس بیاشتود.

یاقوب 1:27

خوداپەرەسی پاک و بی لەک و پێس له وەر چەو خوداێ باوگ، ئەوەسه که دەس یەتیمیل و بێوه ژنيل له وەخت بەردیان بگریم و خوەمان له چەپڵی ئی جهانه بپارێزنیم.

لوقا 11:41

جا له ئەو چشتیله که وەناو پیاڵه و پێشقاو دێرین سەدەقه بێەن، تا گشت چشتێگ ئەڕادان پاکەو بود.

ئنجیل مەتا 25:40

ئمجا پادشا جواویان دەێ: ”وه ڕاسی، وەپێدان ئویشم، هەر چی ئەڕا یەکی وه ئی بویچگترین برایلم کردین، ئەڕا مه کردین.“

عبرانییل 6:10

چوینکه خودا بی ئنساف نیه که کردەوەدان و مابەتێگ که وەبونەێ ناو ئەیو له خزمەت وه ئیمانداریل وه مەسیح نیشان داینه و هێمراێ نیشانیش دەین له هویرێ بچود.

کاریل ڕەسولەیل 10:31

وەت: ”کورنلیوس، دوعاد قەبوڵ بیه و سەدەقەگاند لەلاێ خودا وه هویر هاتێه.

کاریل ڕەسولەیل 10:4

کورنلیوس وه ترسەو چەو بڕیە پێ و وەت: «بەڵێ، خوداوەند!» فریشته وەت: «دوعایل و سەدەقەیلد جور یادگاری بەرزەو بینەسه دەرگاێ خودا.

کاریل ڕەسولەیل 10:2

ئەوه و بنەماڵەگەێ پارێزکار و خوداترس بین. کورنلیوس وه فره له کەمدەسیل وه دەس دڵوازای سەدەقه دیاد و یەێ سەر وه دەرگاێ خودا دوعا کردیا.

یوحەنا 13:29

بڕێگ خیاڵ کردیان چوینکه کیسەێ پویل خەرجیەگه ها لاێ یەهودا، عیسا وەپێ ئویشێ هەر چی ئەڕاێ جەشن واجوه بسێنێ یا ئیه که چشتێ بیده کەمدەسیل.

لوقا 19:8

زەکا هەڵساد و وه عیسا خوداوەند وەت: «گەورەم، ئێرنگه کوتێگ له دارایەگەم بەخشمه کەمدەسیل، ئەگەر چشتێگیش وه ناحەق له کەسێ گردمه، چوار بەرابەری دەمه پێ.»

ئەفسوسیێل 4:28

دز دیتر دزی نەکێ، بەڵکەم وه جێ ئەوه کار بکێ، وه دەس خوەێ وه ڕاسی کار بکێ، تا بتویەنێ وه کەمدەسیلیش چشتێ بێی.

یەکم نامەێ تیموتاوس 6:17

وه دەوڵەمەنیل ئی دنیا حوکم بکه که قتقوز نەون وه ماڵ ئی دنیا که بەردەوام نیه پشت نەوەسن. بەڵکەم وه مل خوداێگ پشت بوەسن که گشت چشتێگ وه فراوانی ئەڕا ئیمه گورجەو کەێد تا له ئەوانه لەزەت بویم.

یاقوب 2:14

برایلم، چ فایده ئەگەر کەسێگ بویشێد ئیمان دێرێ، وەلێ کردەوه نياشتود؟ مەر ئیجوره ئیمانێگ تویەنێ نجاتی بێید؟