لوقا 24:44 - کتاب مقدس به زبان کردی جنوبی - گویش کلهوری

⁴⁴ ئمجا وەپێان وەت: «ئیه هەر ئەوەسه که وەختێ وەگەرددانەو بیم، وەتیام؛ که گشت ئەو چشتیله وەناو تەورات موسا و کتاو پەێخەمەریل و زەبور داود له باوەت مه نویسریاس، باێه وه ئەنجام برەسێ.»

لوقا 24:44 Referans Kwoze

کاریل ڕەسولەیل 13:33

وەگەرد زنیەو کردن عیسا، ئەڕا ئیمه که مناڵیلێانیم وەفا کرد. هەر ئەوجورە که له بەش دویم زەبور نویسریاس: «تو کوڕ منی؛ ئیمڕو، من بیمەسه باوگد.»

لوقا 9:22

وەت: «باێه کوڕ ئنسان رەنج فرەێگ بکیشێ و گەورایل قەوم و سەران کاهنیل و ماموستایل تەورات ڕەدێ بکەن و بکوشرێ و وه ڕوژ سێیەم زنیەو بود.»

وەحی وه یوحەنا 19:10

ئمجا کەفتمه بان پایلێ تا بپەرەسمەێ. وەلێ وەپێم وەت: «نەبایه توی ئی کاره بکێ! منیش هەر جور توی و برایل توی که لچکینه شاێەتی عیسا، خزمەتکار ئەیوم. خودا بپەرەس! چوینکه شاێەتی عیسا، روح نەبوەته.»

عبرانییل 10:1

له ئەوره که شەریعەت تەنیا ساێەڕکی چشتیل خاس وەره ڕویه، نه شێوەێ ڕاسەکانی ئەوانه. وه ئی بونه، هەراێهەر نیەتویەنێد وەگەرد قوروانییلێگ که ساڵ وه ساڵ یەێ‌سەر پیشکەش کرێید، ئەوانه که ئەڕا پەرەسش نزیکەو بون، کامڵەو بکێد.

یوحەنا 5:46

چوینکه ئەگەر وه موسا باوەڕ بکردیاين وه منیش باوەڕ کردیاين، چوینکه ئەوه له باوەت مه نویساس.

عبرانییل 9:8

وەئیجوره روح‌القودوس نیشان دێ تا زەمانێگ که بەش یەکم هێمراێ بەردەوامه، ئەو ڕێه که وه موقەدەسترین شون چود هێمراێ واز نویه.

یوحەنا 5:39

ئیوه کتاویل موقەدەس دینه یەکەو، چوینکه خیاڵ کین له ڕێ ئەوانه وه زنەیی ئەبەدی دەس پەێا کین، هەر ئیانەنه که وه مه شاێەتی دەن،

یوحەنا 3:14

هەر ئەوجورە که موساێ پەێخەمەر وەناو بیاوان ئەو مار برنجیه دا سەر چو و بەرزیەو کرد، کوڕ ئنسانیش هەر ئەو جوره باێه بەرزەو بکرێ،

لوقا 24:46

وەپێان وەت: «نویسریاس که مەسیح باێه رەنج بکیشێ و ڕوژ سێیەم وەناو مردگیل زنیەو بود،

عبرانییل 7:1

ئی ملکیسدقه، پادشاێ شار سالیم و کاهن خوداێ هەربەرز بی. وەختێ ئێبراهیم پەێخەمەر له شکەس داین پادشایل هاتیادەو، ملکیسدق تەقیاده پێ و بەەرکەتی دا و

عبرانییل 3:5

ئێرنگه موسا له جیگەێ خزمەتکار، وەناو گشت ماڵ خودا ئەمین بی تا وه ئەو چشتیله که باێه وەشونەو بویشرێید، شاێەتی بێید.

کاریل ڕەسولەیل 7:37

«هەر ئی موسا وه بەنی ئیسرائیل وەت: ”خودا وەناو برایلدان، پەێخەمەرێگ جور من ئەڕادان دانرێید.“

لوقا 22:37

چوینکه مه وه ئیوه ئویشم ئی نویسریای کتاو موقەدەسه باێه له باوەت من وه ئەنجام برەسێ، که ئویشێ: ”ئەیو وه خەتاکاریل وه حساو هات.“ چوینکه، هەر چی له باوەت من نویسریاس، دێرێ ئەنجام گری.»

لوقا 21:22

چوینکه ئەو ڕوژیله، ڕوژەیل موکافاته ئەوسا هەر چی که وەناو کتاو موقەدەس نویسریاس وه ئەنجام رەسد.

لوقا 9:44

«وه ئی چشتیله که توام وەپێدان بویشم خاس گوش بگرن: کوڕ ئنسان درێیده دەس مەردم.»

ئنجیل مەتا 26:56

وەلێ ئیانه گشتێ هەڵکەفتیه تا پێشگویییل پەێخەمەریل باێه دی.» ئمجا گشت شاگردەگان هیشتنەێ جێ و دەر چین.

ئنجیل مەتا 26:54

وەلێ چوی باێه پێشگویییل کتاو موقەدەس باێه دی که ئویشێ ئی چشتیله باێه هەڵبکەفێ؟»

ئنجیل مەتا 16:21

وه ئەو وەخته عیسا شرو کرد ئاگادار کردن شاگردەگانێ که باێه بچوده ئەڕا شار ئورشەلیم، وه ئەوره وه دەس شێخیل و سەران کاهنیل و ماموستایل تەورات رەنج فرەێگ بکیشێ و بکوشرێی و وه ڕوژ سێیەم زنیەو بود.

یەکم پتروس 1:11

ئەوانه تەقالا کردیان بزانن وەختێگ که روح مەسیح وەناو ئیانه، رەنجیل مەسیح و جەڵاڵ وەشون ئەو پێشگویی کردیاد، چ کەسێگ یا کام وەخت وەتیا.

کاریل ڕەسولەیل 3:18

وەلێ خودا ئەو چشته که وه زوان گشت پەێخەمەریل پێشگویی کردوی، هاورده دی: که مەسیحەگەێ رەنج کیشێد.

مەرقوس 9:31

چوینکه وه شاگردەگان خوەێ تالیم دیاد و وەپێان وەتیا: «کوڕ ئنسان درێیده دەس مەردم و کوشنێ. وەلێ وەشون کوشتنێ وه ڕوژ سێیەم، زنیەو بود.»

ئنجیل مەتا 1:22

ئیانه گشتێ هەڵکەفت تا هەرچێ خوداوەند وه زوان ئەشعەیاێ پەێخەمەر وەتوی، باێه دی که:

کاریل ڕەسولەیل 2:27

چوینکه گیانم وەناو جهان مردگیل نێیلیده جێ، هەر ئیجوره نێیلی قودوسەگەد وەناو قەور بگەنێ.

کاریل ڕەسولەیل 13:40

جا هوشدان بود، ئەو چشته که وەناو نویسریایل پەێخەمەریل هاتێه، وه سەردان نای که ئویشێ: