لوقا 23:5 - کتاب مقدس به زبان کردی جنوبی - گویش کلهوری

⁵ وەلێ ئەوانه وه کوترانەو وەتن: «ئەوه وه سەرئانسەر یەهودیه وەگەرد تالیمیلی گاڵ مەردم دەێ، له جەلیل شرو کردێه تا ڕەسیەسه ئێرا.»

لوقا 23:5 Referans Kwoze

یوحەنا 2:11

ئیه یەکمین نیشانه و موجزەێ عیسا بی، که ئی کاره له قاناێ جەلیلەو کرد و جەڵاڵ خوەێ ئاشکراوه کرد و شاگردەگانێ وەپێ ئیمان هاوردن.

یوحەنا 1:43

ئی ڕوژەگەێ، عیسا تواس بچوده ئەڕا ناوچەێ جەلیل. فیلیپوس پەێا کرد و وەپێ وەت: «بکەفه شونم!»

مەرقوس 1:14

وەشون گیروده بوین یەحیا، عیسا چیه ئەڕا ناوچەێ جەلیل و خەوەر خوەش پادشایی خودا جار دیاد و

ئنجیل مەتا 4:23

عیسا وه سەرئانسەر جەلیل گەردیاد و وەناو کەنیسەگانیان تالیم دیاد و خەوەر خوەش پادشایی خودا جار دیاد و هەر ژان و نەخوەشێگ که وەناو مەردم بی شەفا دیاد.

کاریل ڕەسولەیل 23:10

ناکوکیان جوری فرەوه بی که فەرماندەگه ڕخێ چی نەخواێ پولوس بهەنجنن. جا وه سەربازیل دەستور دا بچنه خوار و ئەوه وه چنگێان دەر بارن و بوەنێ ناو قەڵاگه.

کاریل ڕەسولەیل 10:37

ئیوه خوەدان زانين که له سەرئانسەر ناوچەێ یەهودیه چه هەڵکەفت، زانینیش گشت ئی چشتیله وەشون جار داین خوسڵ تەعمید یەحیا، له ناوچەێ جلیلەو شرو بی،

کاریل ڕەسولەیل 7:57

وەلێ ئەوانه وه دەنگ بەرز قیڕانن و گوشیلێان گردن و گشتێان وەگەرد یەکا هویژم بردنه پێ.

کاریل ڕەسولەیل 7:54

ئاڵ شورا وەختێ ئی قسیەیله شنەفتن، توڕه بین و دگانیلێان ساینه مل یەکا.

کاریل ڕەسولەیل 5:33

وەختێ ئی قسیەيله شنەفتن ئەوجورە توڕه بین که تواسیان بکوشنێان.

یوحەنا 19:15

ئەوانه هاوار کردن: «له بین بوەرەێ! له بین بوەرەێ! بکوتێ بان سەلیب!» پیلاتوس وەپێان وەت: «ئێ پادشاگەدان بکوتمه بان سەلیب؟» سەران کاهنيل وەتن: «ئیمه پادشاێگ نێریم بێجگه قیسەر.»

یوحەنا 7:52

ئەوانه جواو دان: «مەر تنیش جەلیلید؟ بنێ بگر و بزان که له جەلیلەو هویچ پەێخەمەرێگ ئاشکرا نویه.»

یوحەنا 7:41

بڕێگ تر وەتن: «ئی پیا مەسیحه.» وەلێ بڕێگ تر وەتن: «مەر مەسیح له جەلیلەو تێ؟

لوقا 23:23

وەلێ ئەوانه وه دەنگ بەرز، وه کوترانەو تواسیان تا عیسا بکوتێدە بان سەلیب. دەس ئاخر هاواریان قەبوڵ کریاد.

لوقا 11:53

وەختێ عیسا چیاده دەیشت، ماموستایل تەورات و فەریسیەیل سەخت وەگەرد ئەوه وه موخالفەت هەڵسان و له باوەت چشتیل فرەێگ پرسیاره لێ کردن،

ئنجیل مەتا 27:24

وەختێ پیلاتوس دی که فایده نێری و بەڵکەم خەریکه بوده ئاژاوە، ئاو تواس و دەسیل خوەێ وه نوای جەماێەتەگه شورد و وەت: «مه له خوین ئی پیا هویچ تاوانێ نێرم. خوەدان زانین!»

ئنجیل مەتا 2:1

عیسا وەناو شار بەیت‌لحم له ناوچەێ یەهودیه، له دەورەێ هیرودیس پادشا، هاته دنیا. له شون وه دنیا هاتن عیسا، چەن گله هەسارەناس که له موغیل بین، له ڕوژهەڵاتەو هاتنه ئەڕا شار ئورشەلیم

ئنجیل مەتا 11:1

وەشون ئیه که عیسا ئی فەرمانیله وه دوانزه شاگردەگەێ دا، وه ئەوره چی تا وەناو شارەگانێان تالیم بیێد و بانگەوازی بکێ.

لوقا 23:6

وەختێ پیلاتوس ئیه شنەفت، پرسی تا بزانێ ئەوه جەلیلیه.