لوقا 23:26 - کتاب مقدس به زبان کردی جنوبی - گویش کلهوری

²⁶ وەختێ داشتن بردیانێ، پیاێگ شەمعون ناو له مەردم قیرەوان که له سەر زەویزارەو هاتیاد، گردنەێ و سەلیبەگه نانه مل شانێ، وادارێ کردن وه پشت سەر عیسا بویدەێ.

لوقا 23:26 Referans Kwoze

کاریل ڕەسولەیل 6:9

جا چەن نەفەر له کەنیسەێگ که وەپێ وەتیان ’کەنیسەی ڕزگار کریایێەگان‘، له جویلەکەیل قیرەوان و ئەسکەنەریە و ئەوانەێ که له ناوچەێل کیلیکیه و ئاسیا بین، هەڵسان و وەگەرد ئستیفان بیه دەمقاڵیان.

کاریل ڕەسولەیل 6:6

بردنێانه ئەڕا لاێ ڕەسولەیل، ئەوانیش دوعا کردن و دەس نانه ملێان.

کاریل ڕەسولەیل 2:10

فریجیه و پامفیلیه و مسر و دەور و وەر لیبی که داسه قێ قیرەوان و هەر ئیجوریشه زیارەتچییل رومی

لوقا 14:27

هەر کەیش سەلیب خوەێ نەگریه کوڵەو وەشون منەو نای، نیەتویەنی بوده شاگرد مه.

لوقا 9:23

ئمجا عیسا وه گشتێان فەرمایش کرد: «ئەگەر کەسێ بتواێ بکەفێده شون مه، باێه وه خوەێ دەس بکیشێ، هەر ڕوژ سەلیب خوەێ هەڵبگرێ و وەشون منەو باێ.

کاریل ڕەسولەیل 13:1

وەناو کلیساێ شار ئەنتاکیه چەن گله نەبوەتکەر و ماموستا بین: بەرنابا، شەمعون ماروف وه نیجر، لوکیوس قیرەوانی، مانائن که له ڕەفیقەیل قەدیمی هیرودیس حاکم بی که له مناڵێ وەگەردیەو گەورا بوی وەگەرد شائول.

لوقا 23:25

ئەوه پیاێگ که وه جرم شوڕش و خوینکردن وەناو زندان بی و جەماێەتەگه داواێ ڕزگاریی کردیان، ڕزگاری کرد و عیسا دا دەسێان تا هەر جوری دڵیان تواس وەگەردیەو ڕێ رەوشت بکەن.

ئنجیل مەتا 5:41

ئەگەر کەسێگ وادارد کرد یەێ کیلومتر بارێگ ئەڕاێ بوەی، توی بارەگەی دو کیلومتر ئەڕاێ بوه.