لوقا 23:2 - کتاب مقدس به زبان کردی جنوبی - گویش کلهوری

² بخت کردنه پێ، وەتن: «دیمنه ئی پیا ملەتەگەمان له ڕێ وه دەر کەی و نوای ئیمه وه باج داین وه قیسەر گری و ئویشێ که مەسیحه و پادشاس.»

لوقا 23:2 Referans Kwoze

یوحەنا 19:12

وەشون ئەوه پیلاتوس تواسیا عیسا ڕزگار بکێ، وەلێ جویلەکەیل کردنێ هاوار و وەتیان: «ئەگەر ئی پیا ڕزگاری بکێ، دوس قیسەر نید. هەر کەس خوەێ بکەێه پادشا، وەگەرد قیسەر دشمەنی کەی.»

لوقا 23:14

وەپێان وەت: «ئی پیا وه بخت ئیه که مەردم وه یاخیگەری هان دەێ، هاوردینه ئەڕا لام. مه وه نوای چەو ئیوه بازخوازیه لێ کردم، ئێرنگەیش هویچ مدوێگ وه ڕاس بوین بختیل ئیوه نێیمەو.

کاریل ڕەسولەیل 24:5

«ئیمه خاس دڵنیایم که ئی پیا، شەڕئاشو فتفاتکەرێگه که وەناو گشت جویلەکەیل سەرئانسەر جهان ئاژاوە خیده ڕێ. هەر ئیجوره وه سەردەسەیل فرقەێ ناسریه.

یوحەنا 18:30

ئەوانه جواو دان: «ئەگەر ئی پیا تاوانبار نویاد، نیاتیایمنێ دەس تنەو.»

مەرقوس 12:17

عیسا وەپێان وەت: «جا هن قیسەر وه قیسەر بێەن و هن خودایش وه خودا.» ئەوانه له قسیەيلی حیران مەنن.

ئنجیل مەتا 22:21

جواو دان: «هن قیسەره.» عیسا وەپێان وەت: «جا هن قیسەر وه قیسەر بێەن و هن خودایش وه خودا.»

کاریل ڕەسولەیل 24:13

ئیانه نیەتویەنن بختیلێگ کەنه پێما، سابت بکەن.

لوقا 23:5

وەلێ ئەوانه وه کوترانەو وەتن: «ئەوه وه سەرئانسەر یەهودیه وەگەرد تالیمیلی گاڵ مەردم دەێ، له جەلیل شرو کردێه تا ڕەسیەسه ئێرا.»

ئنجیل مەتا 17:27

وەلێ ئەڕا ئیه که نەرەنجنیمنیان، بچوه لیوەێ دەریاچەگه و قولاوی بخه. یەکم ماسی که گردی، دەمێ بکەرەو. سکەێگ چوار درهەمی پەێا کەی، بوەری و بەش خوەم و خوەد بیه پێان.»

ئنجیل مەتا 27:11

عیسا وه نوای پیلاتوس فەرماندار رومی وساد، فەرمانداریش له لێ پرسی: «ئێ تو پادشاێ جویلەکەیلی؟» عیسا وەت: «تو خوەد ئیجوره وەتی!»

مەرقوس 15:2

پیلاتوس له عیسا پرسی: «تو پادشاێ جویلەکەیلی؟» عیسا جواو دا: «تو خوەد ئیجوره وەتی!»

یوحەنا 18:29

جا پیلاتوس هاته دەیشت ئەڕا لاێان و پرسی: «بخت چ جرمێگ کینه ئی پیا؟»

رومیەگان 13:7

قەرد خوەدان وه گشتیەکی بێەن: وه ئەوه که قەرد باج داین دێرین، باج بێەن؛ وه ئەوه که قەرد سەرانه داین دێرین، سەرانه بێەن؛ وه ئەوه که قەرد گەورایی وه جێ هاوردن دێرین، گەورایی وه جێ بارن؛ وه ئەوه که قەرد حرمەت گردن دێرین، حرمەت بگرن.