لوقا 22:53 - کتاب مقدس به زبان کردی جنوبی - گویش کلهوری

⁵³ هەر ڕوژ وەناو مابەد وەگەرددانەو بیم، دەس وه مه دریژەو نەکردین. وەلێ ئیه، وەخت ئیوه و دەسڵات تیەریکیه.»

لوقا 22:53 Referans Kwoze

ئەفسوسیێل 6:12

چوینکه ئیمه وەگەرد ئایەمیل که له خوین و گوشتن زوران نیەگریم، بەڵکەم ئیمه وه زد فەرمانرەوایل و دەسڵاتداریل، وه زد هێزیلێ که هانه مل ئی جهان تیەریکه و وه زد لەشکەریل روحیل شەڕئاشو که هانه ناو شونیل ئاسمانی، زوران گریم.

یوحەنا 12:27

«ئێرنگه گیانم خەمباره. چه بویشم؟ ئێ بویشم، ”باوگه! مه وه ئی ساته نجات بیه“؟ وەلێ هەر وه بونەێ ئی کاره وه ئی ساتە ڕەسیمه.

نامه وه کولوسییل 1:13

ئەیو له حوکمرانی تیەریکی ڕزگارمان کردێه و بردیەسەمانه ‎ناو پادشایی کوره عەزیزەگەێ خوەێ،

کاریل ڕەسولەیل 26:18

تا چەویلیان واز بکێ که له تیەریکی ئەڕا نویر و له هێز شەیتان ئەڕا لاێ خودا هەڵوگەردیەن، تا گونایلێان بوەخشرێید و وەناو ئەوانه که وەگەرد ئیمان وه من موقەدەسەو بینه، بەشێگ بیاشتون.“

یوحەنا 7:45

ئمجا نگابانیل مابەد هاتنەو ئەڕا لاێ گەورایل کاهنیل و فەریسیەیل. ئەوانه له نگابانەگان پرسین: «ئەڕا عیسا ناوردين؟»

یوحەنا 14:30

وەخت فرەێگ نەمنیه که وەگەرددانەو قسیه بکەم، چوینکه سەروک ئی جهانه دێرێ تێی. ئەوه هویچ قوڕاتیگ نیەتویەنێ ئەڕام بێید؛

یوحەنا 7:30

جا تواسن بگرنەێ، وەلێ هویچکەس دەس ئەڕاێ دریژەو نەکرد، چوینکه هێمراێ وەختێ نەرەسوی.

ئنجیل مەتا 21:23

وەختێ عیسا چیه ناو مابەد و خەریک تالیم مەردم بوی سەران کاهنیل و شێخیل قەوم هاتنه ئەڕا لاێ وەتن: «وه چ دەسڵاتی ئی کاريله کەی؟ کی ئی دەسڵاته داسه پێد؟»

لوقا 22:52

ئمجا عیسا وه سەران کاهنیل و فەرماندەیل نگابانەگان مابەد و گەورایل قەوم جویلەکە که ئەڕا گردنەێ هاتوین، وەت: «مەر مه ڕێگرم که وەگەرد کوتەک و شمشێر هاتینەسه شونم؟

لوقا 22:54

ئمجا عیسا گردن و بردنێ ئەڕا ماڵ کاهن گەورا. پتروسیش له دویرەو کەفته شونێان.

یوحەنا 13:30

جا یەهودایش وەشون ئیه که تیکه نانەگه گرد، زویزی چیه دەیشت. شەو بی.