لوقا 22:42 - کتاب مقدس به زبان کردی جنوبی - گویش کلهوری

⁴² «باوگه، ئەگەر خاست تو ئیەسه، ئی جامه له لێم دویرەو که؛ وەلێ نه وه خاست من، بەڵکەم خاست تو بکرێ.»

لوقا 22:42 Referans Kwoze

ئنجیل مەتا 26:39

ئمجا قێرێگ چیه نواتر، وه دەمەو کەفته بان زەوی و دوعا کرد: «ئێ باوگم، ئەگەر بود، ئی جامه له لێم دویرەو که؛ وەلێ نه وه خاست مه، بەڵکەم خاست تو وه جێ باێد.»

ئنجیل مەتا 26:42

وه دواره عیسا چی و دوعا کرد: «باوگم، ئەگەر ڕێیگ تر نیه بێجگه ئیه که وه ئی جامه بخوەم با خاست تو بکرێ.»

مەرقوس 14:36

ئەوه ئیجوره وەت: «ئەبا، باوگه، گشت چشتێ ئەڕا تو بود. ئی جامه له لێم دویرەو که، وەلێ نه وه خاست مه بەڵکەم وه خاست خوەد.»

یوحەنا 18:11

جا عیسا وه پتروس وەت: «شمشێرەگەد غەڵافی که! ئێ له جامێ که باوگ ئاسمانی داسه پێم نەبایه بخوەم؟»

ئنجیل مەتا 20:22

عیسا جواو دا: «ئیوه نيەزانين داواێ چه کین! تویەنين وه ئەو جامه که وه ئی زویه مه نوشم، بنوشین؟» وەتن: «تویەنیمن.»

یوحەنا 5:30

من له خوەمەو نیەتویەنم کارێ بکەم، هەر ئەوجورە که شنەفم داوەری کەم، داوەریەگەم دادپەروەرانەس، چوینکه داواێ خاست خوەم نیەکەم، بەڵکەم هامه شون خاست ئەیو که کلم کردێه.

یوحەنا 6:38

چوینکه له ئاسمانەو هاتمەسه خوار، نه ئەڕا ئەنجام خاست خوەم، بەڵکەم ئەنجام خاست ئەیو که کلم کرد.

یوحەنا 4:34

عیسا وەپێان وەت: «خواردەمەنی مه ئیەسه که خاست ئەیو که کلم کردێه وه جا بارم و کارەگەێ تەمام بکەم.

ئنجیل مەتا 26:44

جا وه دواره وازه لێان هاورد و چی ئەڕا سێیەم جار هەر ئەو دوعا وەتەو.

ئنجیل مەتا 6:10

پادشایی تو باێد. خاست تو هەر ئەو جوره که وه ئاسمان کرێید، وه مل زەویش بکرێید.

ئنجیل مەتا 11:25

هەر ئەو وەخته، عیسا جار دا: «ئێ باوگه، خاون ئاسمان و زەوی، سپاسد کەم که ئی چشتەیله، وه زانیاریل و ئایەمیلێگ که فام دێرین شاردیدەسەو ئەڕا مناڵیل بویچگ ئاشکراێ کردیده.

ئنجیل مەتا 11:26

بەڵێ، باوگه، چوینکه خوەشنودی تو وه ئیه بی.

لوقا 23:34

عیسا وەت: «باوگه، ئیانه بوەخش، چوینکه نیەزانن چه کەن.» ئمجا ئەڕا بەشەو کردن دڵنگەگان عیسا وەناو خوێان تیرپشک خستن.

کاریل ڕەسولەیل 21:14

وەختێ دیمن قانێ نیود، وازه لێ هاوردیم و وەتیم: «با هەر چی خاست خوداوەنده، بکرێ.»