لوقا 21:8 - کتاب مقدس به زبان کردی جنوبی - گویش کلهوری

⁸ عیسا جواو دا: «هوشدان بود گومڕا نوین؛ چوینکه فره له کەسیل وه ناو منەو تیەن و ئویشن: ”مه هەر ئەوه مه“ و ”وەختێ ڕەسیه“. مەکەفنه شونێان.

لوقا 21:8 Referans Kwoze

یەکم یوحەنا 4:1

ئێ عەزیزەیل، وه هەر روحێگ باوەڕ نەکێن، بەڵکەم روحیل ئەزمون بکەن تا بوینین له خودان یا نه. چوینکه نەبوەتکەریل دروەکانی فرەێگ وەناو جهان تەفرتویناوه بینه.

دویم تسالونیکییل 2:3

مەیلن هویچکەسێگ وه هویچ ڕێیگ گولدان بێید. چوینکه تا یەکم جار ئەو ئاژاوە وه زد خودا نایده دی و ئەو پیا بی دینه که مناڵ نابودیه ئاشکرا نود، ئەو ڕوژه نیەرەسێد.

ئەفسوسیێل 5:6

نێلن کەسێگ وەگەرد قسیەيل پویچ گولدان بێی، چوینکه وەبونەێ ئی چشتیلەسه که خەزەو خودا تێده سەر مناڵیل ملچەفتەوکەر.

ئنجیل مەتا 24:11

پەێخەمەریل دروەکانی فرەێگ هەڵسن و قێر فرەێگیش له ڕێ دەر کەن.

دویم تیموتاوس 3:13

وەلێ ئەوانه که کارێان شەڕئاشویه و فێڵبازن وەناو خراوی چنه نوا؛ گول دەن و گول خوەن.

دویم یوحەنا 1:7

چوینکه لیلاجیل فرەێگ وەناو جهان تەفرتوینا بینه، کەسیلێ که ئێقرار نیەکەن عیسا مەسیح وەناو جەسه ئنسانی هاتێه. ئەو جور کەسیلێ، لیلاج و زد مەسیحن.

لوقا 17:23

مەردم وەپێدان ئویشن: ”بنوڕ ئەوه ها ئەوره،“ یا بنوڕ ”ئەوه ها ئێرا.“ وەلێ نەچن و نەکەفنه شون ئەوانه.

وەحی وه یوحەنا 12:9

ئەژدەهاێ گەورا فڕه دریاده خوار، هەر ئەو مار جارانه که ئبلیس و شەیتان ناویه و گشت جهان فریو دێ. ئەوه و فریشتەیلێ فڕه دریانه بان زەوی.

ئنجیل مەتا 4:17

وه ئەو وەختەو عیسا شرو کرده بانگەوازی و فەرمایش کرد: «توبه بکەن چوینکه پادشایی ئاسمان نزیکه.»

وەحی وه یوحەنا 1:3

خوەش وه حاڵ کەسێگ که ئی کەڵام نەبوەته خوەنێد و خوەش وه حاڵ ئەوانه که شنەفنێ و ئەو چشته که وه ناو‎ی نویسریاس، وه جێ تیەرن؛ چوینکه وەختەگه نزیکه.

یوحەنا 8:24

وەپێدان وەتم که وەناو گونایلدان مرین، چوینکه ئەگەر ئیمان نارین که من ئەوەم، وەناو گونایلدان مرین.»

یوحەنا 5:43

من وه ناو باوگ ئاسمانیم هاتمه، وەلێ قەبوڵم نیەکین. ئەگەر یەکیگ تر وه ناو خوەێ باێ، قەبوڵێ کین.

ئنجیل مەتا 3:2

وەتیا: «توبه بکەن چوینکه پادشایی ئاسمان نزیکه.»

لوقا 21:7

پرسین: «ماموستا، ئی هەڵکەفتیله کەی ڕوی دەید و نیشانەێ نزیکەو بینێان چەس؟»

لوقا 21:9

«وەختێ خەوەر شەڕیل و ئاژاوەیل شنەفین، ڕخدان نەچود. چوینکه باێه یەکم جار ئیجور هەڵکەفتیلێ باێه دی، وەلێ ئاخر کار وی زویه نیەرەسێ.»

یوحەنا 8:28

جا عیسا وەپێان وەت: «وەختێ کوڕ ئنسان بەرزەو کردین، ئەوسا زانین که من ئەوەمه و له خوەمەو هویچ نیەکەم، بەڵکەم هەر ئەو جوره قسیه کەم که باوگ ئاسمانیم نیشانم داس.

یەکم قورنتییل 6:9

ئێ نيەزانين کەسیلێ که حەق نەنه ژێر پا نیەونه میراتیخوەر پادشایی خودا؟ خوەدان گول مەێەن! داوانپێسیل، بتپەرەسیل، خێزیل، نێربازیل،