لوقا 19:47 - کتاب مقدس به زبان کردی جنوبی - گویش کلهوری

⁴⁷ عیسا هەر ڕوژ وەناو مابەد تالیم دیاد. وەلێ سەران کاهنیل و ماموستایل تەورات و گەورایل قەوم وەشون کوشتنێ بین،

لوقا 19:47 Referans Kwoze

مەرقوس 11:18

سەران کاهنیل و ماموستایل تەورات وەختێ ئیه شنەفتن، وەشون ڕيگ ئەڕا کوشتنێ بین، چوینکه زاورێانه لێ چیاد، وەبونەێ ئیه که مەردم گشتێ وه تالیمیلی سەریان سڕ مەنوی.

ئنجیل مەتا 26:55

وه ئەو ساته عیسا وه جەماێەتەگه وەت: «مەر مه ڕێگرم وەگەرد شمشێر و کوتەک هاتینه بگرینەم؟ مه هەر ڕوژ وەناو مابەد نیشتیام و تالیم دیام و نەگەردینەم.

یوحەنا 18:20

عیسایش جواو دا: «مه وەگەرد تەمام دنیا ئاشکرا قسیه کردمه و هەمویشه وەناو کەنیسەگان و وەناو مابەد که جێ گردە‎و بوین گشت جویلەکەیله، تالیم دامه. مه چشتێگ وه دزیەو نەوەتمه.

یوحەنا 10:39

وه دواره تواسن بگرنەێ، وەلێ عیسا له دەسێان دەر چی.

یوحەنا 7:44

بڕێگ له لێان تواسن بگرنەێ، وەلێ هویچکەس دەس ئەڕاێ دریژەو نەکرد.

یوحەنا 7:19

ئێ مەر موسای پەێخەمەر، شەریعەت نیاسه پێدان؟ وەلێ هویچکامدان شەریعەت وه جا نیەتیەرێن. ئەڕا چه پشت ئەڕا کوشتنم بەساینه؟»

مەرقوس 14:1

دو ڕوژ مەنویه جەشن پسەخ و فەتیره. سەران کاهنیل و ماموستایل تەورات وەشون ئیه بینه که چوی وه فێڵێگ عیسا بگرن و بکوشنێ،

مەرقوس 12:12

گەورایل قەوم جویلەکە تواسن عیسا بگرن، چوینکه زانستن ئی مەسلەته له باوەت ئەوانه وەتیه، وەلێ زاورێانه مەردم چیاد؛ جا هیشتنەێ جێ و چین.

ئنجیل مەتا 21:23

وەختێ عیسا چیه ناو مابەد و خەریک تالیم مەردم بوی سەران کاهنیل و شێخیل قەوم هاتنه ئەڕا لاێ وەتن: «وه چ دەسڵاتی ئی کاريله کەی؟ کی ئی دەسڵاته داسه پێد؟»

مەرقوس 14:49

هەر ڕوژ وه لاێ ئیوه وەناو مابەد تالیم دیام و نەگەردینەم. وەلێ نویسریای کتاو موقەدەس باێه باێده دی.»

لوقا 19:48

وەلێ ڕێیگ ئەڕا ئەنجام ئی کارێانه نیوینیانەو، چوینکه مەردم گشتێ حیران قسیەیلی بوین.

لوقا 20:19

ماموستایل تەورات و سەران کاهنیل وەختێ زانستن ئی مەسلەته له باوەت ئەوانه دێرێ ئویشێ، چینه ئەڕاێ تا هەر ئەو وەخته بگرنەێ، وەلێ زاورێانه مەردم چیاد.