لوقا 16:23 - کتاب مقدس به زبان کردی جنوبی - گویش کلهوری

²³ جا وەختێ چەو هێز داد و دی که وه جهان مردگیل ها ناو عەزاو، له دویرەو ئێبراهیم پەێخەمەر دی که ئیلعازەریش وه لاێەو بی.

لوقا 16:23 Referans Kwoze

دویم پتروس 2:4

چوینکه ئەگەر وەختێ فریشتەیل گونا کردن، بەزەیی خودا ناته پێانا، بەڵکەم ئیانه خسته سیەچاڵ جەهەنم و ئەوانه وه زنجیریل تیەریکی و زولەمات زندانی کرد تا ئەڕا ڕوژ داوەری بنریەنەلا؛

لوقا 16:28

چوینکه مه پەنج برا دێرم. کلی بکه تا هەڕەشه بیده براگانم، نەخواێ ئەوانیش بکەفنه ئی شون عەزاوه.

ئنجیل مەتا 23:33

ئێ ماریل! ئێ هەفی زادەیل! چوی وه سزاێ جەهەنم دەر چین؟

ئنجیل مەتا 18:9

ئەگەریش چەود تویش گوناد کەی، دەرێ بار و فڕەی بیه. ئەڕا تو خاستر ئیەسه وه یەێ چەو بچیه ناو ژیان ئەبەدی، تا ئیه که وەگەرد هەردگ چەو فڕه بیەرێیده ناو ئاگر جەهەنم.

وەحی وه یوحەنا 20:10

جا ئبلیس، که ئەوانه گول داوید، فڕه دریاده ناو دەریاچەێ ئاگر و گوگرد، شونێگ که ئەو گیانەوەر دڕنه و پەێخەمەر دروەکانیه فڕه دریاوین. ئیانه ڕوژ و شەو تا ئەبەد و تا ئەبەد عەزاو کیشن.

لوقا 8:28

وەختێ ئەوه، عیسا دی، قیڕان و کەفته مل پاێ و وه دەنگ بەرز هاوار کرد: «ئێ عیسا، کوڕ خوداێ هەربەرز، تو چ کارێ وه مه دێرێ؟ لاڵکیەمەو عەزاوم نیەی!»

ئنجیل مەتا 5:29

جا ئەگەر چەو ڕاسد تویش گوناد کەی، دەرێ بار و فڕەی بیه، چوینکه ئیه ئەڕا تو خاستره ئەنامێگد له دەس بێی تا ئیه که گشت جەسەد بکەفێه جەهەنم.

ئنجیل مەتا 5:22

وەلێ مه وەپێدان ئویشم، هەر کەس وه براگەێ توڕه بود، حەقیه ماکوم بکرێ؛ هەر کەیش وه براگەێ ’خراو‘ بویشی، حەقیه بوەرێیده نوای شوراێ شێخیل جویلەکەیل ماکوم بکرێ، هەر کەیش وه براگەێ بویشی گیلگەوج، حەقی ئاگر جەهەنمه.

یەکم قورنتییل 15:55

«ئێ مەرگ، سەرکەفتنەگەد ها کو؟ جا ئێ مەرگ، چزەگەد ها کو؟»

ئنجیل مەتا 11:23

تنیش ئێ شار کەفەرناحوم، تواسیاێ تا وه فەڵەک سەر بەرزەو کەی؟ هەراێهەر، بەڵکەم کەفێده بن جهان مردگیل. چوینکه ئەگەر موجزەیلێ که وەناو تو کریاس وەناو سودوم بکریا، ئەو شاره تا ئیمڕو مەنیادێ.

ئنجیل مەتا 8:29

ئەوانه کردنێ هاوار: «ئێ کوڕ خودا، تو چ کارێ وه ئیمه دێرێ؟ هاتێەسه ئێره تا وەرجه وەختەگەێ عەزاومان بێی؟»

لوقا 16:24

جا وه دەنگ بەرز وەت: ”باوگ مه ئێبراهیم، بەزەیێد باێده پێم و ئیلعازەر ئەڕام کل که تا تک کلکێ وەناو ئاو تەر بکێ و زوانم هونکەو بکێ، چوینکه وەناو ئی ئاگره عەزاو کیشم.