لوقا 16:16 - کتاب مقدس به زبان کردی جنوبی - گویش کلهوری

¹⁶ «تەورات و پەێخەمەریل تا زەمان یەحیا بین. وەشون ئەوه، خەوەر خوەش پادشایی خودا درێید و گشتیەکی وه زور و تەقالاێ خوێان توان بچنه ناوێ.

لوقا 16:16 Referans Kwoze

ئنجیل مەتا 21:32

چوینکه یەحیا هات تا ڕێ ئیه که چوی سالحان بوین وەپێدان نیشان بێی، وەلێ ئیوه وەپێ ئیمان ناوردین. وەلێ باجگریل و ژنیل داوانپێس وەپێ ئیمان هاوردن. جا ئیوه تەنانەت وەشون ئیه که ئیه دین فکردان ئاڵشت نەکردین و وەپێ ئیمان ناوردین.

یوحەنا 1:45

فیلیپوس نەتەنائیل پەێا کرد و وەپێ وەت: «ئەوه که موسا وەناو تەورات و هەر ئیجوره پەێخەمەریلیش له باوەتێ نویسانه، دیمنەسەو! ئەیو عیسای ناسری، کوڕ یوسفه.»

لوقا 16:31

ئێبراهیم وەپێ وەت: ”ئەگەر گوش نێەنه موسا و پەێخەمەریل، تەنانەت ئەگەر کەسێ وەناو مردگیل زنیەو بود، باوەڕ نیەکەن.»

ئنجیل مەتا 3:2

وەتیا: «توبه بکەن چوینکه پادشایی ئاسمان نزیکه.»

کاریل ڕەسولەیل 3:18

وەلێ خودا ئەو چشته که وه زوان گشت پەێخەمەریل پێشگویی کردوی، هاورده دی: که مەسیحەگەێ رەنج کیشێد.

لوقا 16:29

وەلێ ئێبراهیم وەت: ”ئەوانه موسا و پەێخەمەریل دێرن، با وه قسیەیل ئەوانه گوش بێەن.

لوقا 10:11

”ئیمه تەنانەت توز شارەگەدانیش که نیشتیەسه قێ پایلمانەو، تەکنیمنێ ملدانەو. وەلێ بزانن پادشایی خودا نزیکەو بیه.“

لوقا 10:9

نەخوەشیل ئەوره شەفا بیەین و بویشن: ”پادشایی خودا وەپێدان نزیکەو بیه.“

ئنجیل مەتا 4:17

وه ئەو وەختەو عیسا شرو کرده بانگەوازی و فەرمایش کرد: «توبه بکەن چوینکه پادشایی ئاسمان نزیکه.»

لوقا 9:2

جا کلیان کرد تا پادشایی خودا بانگەوازی بکەن و نەخوەشیل شەفا بێەن.

مەرقوس 1:14

وەشون گیروده بوین یەحیا، عیسا چیه ئەڕا ناوچەێ جەلیل و خەوەر خوەش پادشایی خودا جار دیاد و

ئنجیل مەتا 10:7

وەختێ دێرین چین ئی خەوەر جار بێەن که پادشایی ئاسمان نزیکه.

یوحەنا 12:19

جا زانایل فرقەێ فەریسی وه یەکترەکی وەتن: «دوینین که هویچ کارێگ له دەسدان نیەتێی؛ بنوڕ گشت دنیا کەفتنەسه شونێ.»

یوحەنا 11:48

ئەگەر بیلیم هەر ئیجوره بچوده‎ نوا، گشتێ وەپێ ئیمان تیەرن و رومیەگان تیەن، هەم مابەدەگەمان و هەم ملەتەگەمان له دەسمان دەر تیەرن.»

مەرقوس 1:45

وەلێ ئەو پیا چیه دەیشت و وه خیاڵ ڕەحەت له ئی باوەته قسیه کرد و خەوەرێ پەخش کرد. وه ئی بونه عیسا دی نەتویەنست ئاشکرا بچوده ناو شار، بەڵکەم وه شونیل چوڵ وه دەیشت شار مەنیاد. مەردمیش له گشت شونێگەو هاتیانه ئەڕا لاێ.

ئنجیل مەتا 4:23

عیسا وه سەرئانسەر جەلیل گەردیاد و وەناو کەنیسەگانیان تالیم دیاد و خەوەر خوەش پادشایی خودا جار دیاد و هەر ژان و نەخوەشێگ که وەناو مەردم بی شەفا دیاد.

ئنجیل مەتا 15:11

ئەو چشته که چوده ناو دەم، ئایەم ناپاکەو نیەکێ بەڵکەم ئەو چشته که له دەمەو تێدە دەیشت، ئەوه ئایەم ناپاکەو کەی.»

یوحەنا 5:4

چوینکه ئەوانه گومان کردیان هەر چەن وەخت یەێ جار فریشتەێگ له لاێ خوداوەند تێد و ئاوەگه جویلنێدەو؛ جا وەشون جویلیان ئاوەگە یەکم کەسێ که چیاده ناو حەوزەگه، له هەر نەخوەشێ که داشت شەفا گردیاد.