لوقا 16:15 - کتاب مقدس به زبان کردی جنوبی - گویش کلهوری

¹⁵ عیسا وەپێان وەت: «ئیوه ئەو کەسیلینه که خوەدان وه مەردم، سالحان نیشان دین، وەلێ خودا وه دڵدان ئاگا و بیناس. هەر چشتێ که وه لاێ مەردمەو قورپ فرەێگ دێرێ، خودا قیزێ له لێ تێ!

لوقا 16:15 Referans Kwoze

یەکم قورنتییل 4:5

جا له باوەت هویچ چشتێگ وەرجه هاتن خوداوەند داوەری مەکەن. خوداوەندێگ که چشتیلی که ئێرنگه وەناو تیەریکی شاریاسەو، وەناو ڕوشنایی ئاشکرا کێ و نیەتیل دڵ ئاشکرا کێ. ئەوسا هەرکەس له لاێ خوداوه هان دریەد و تاریف کریەید.

کاریل ڕەسولەیل 15:8

خوداێگ که زانی چه ها ناو دڵ گشتیەکی، شاێەتی ئەڕاێان دا و روح‌القودوس بەخشیه پێان، هەر ئەوجورەکە وه ئیمەیش بەخشی.

یەکم پتروس 3:4

بەڵکەم بیلن ڕەژیایندان وەناو ئنسان نادیاری دڵدان بود که وەگەرد رەنگینی نەسیسیاێ روحێگ نەرم و ئارامە، که ئیه له وەر چەو خودا فره تیەرزێ.

لوقا 11:39

ئمجا عیسا خوداوەند وەپێ وەت: «ئیوه فەریسیەیل دەیشت پیاڵه و پێشقاو پاکەو کین، وەلێ وه ناخەو پڕ وه تەما و ناپاکیین!

لوقا 10:29

وەلێ ئەوه ئەڕا ئیه که خوەێ وه ئایەم پاکێ نیشان بێی وه عیسا پرسی: «ئێ جا هاوساێ مه کیه؟»

وەحی وه یوحەنا 2:23

جا مناڵیلی کوشم. ئەو وەخته گشت کلیسایل زانن من هەر ئەوەمه که فکر و دڵ گەردم و وه هەر کامدان وه پێ کاریلێ سزا دەم.

یەکم پتروس 5:5

هەرئیجوره ئیوه ئێ جوانیل، له شێخیل گوش بتەکنن. گشتدان وەناو ڕێ رەوشتدان وەگەرد یەکترەکی دڵنگ بێ فیسی بکەنه وەردان چوینکه، «خودا وه نوای لویتبەرزەیل وسێد، وەلێ وه بێ فیسیل فیز بەخشێد.»

رومیەگان 3:20

چوینکه وەگەرد وه جێ هاوردن کردەوەێ شەریعەت هویچ بەشەرێگ له وەر چەو خوداوه سالحان وه حساو نیەتێید، چوینکه شەریعەت له باوەت گونا ئاگادارمان کەێد.

یوحەنا 2:25

هەوەجی نیاشت کەسێگ له باوەت ئایەم ئەڕاێ شاێەتی بێی، چوینکه خوەێ زانستیا چه ها ناو دڵ ئایەم.

ئنجیل مەتا 23:5

گشت کاریلێان وەبونەێ ئیەسه تا مەردم بویننیان، ئایەیل کتاو موقەدەس گن گن بەسنه تەخت تێوڵ و بان باڵێان و داوان بەتیەگانێان شوڕترەو کەن.

لوقا 18:21

وەت: «ئیانه گشتێ له مناڵێ وه جا هاوردمه.»

لوقا 18:11

فەریسیەگه هەڵساده سەر پاوه و ئیجوره دوعا کرد: ”خودایا، سپاسد کەم که جور باقی مەردمیل بەێکاره و دز و خیز، یا تەنانەت جور ئی باجگره نیم.

کاریل ڕەسولەیل 1:18

ئێرنگه یەهودا وەگەرد دەسخوەشانەێ شەڕئاشوی خوەێ تیکه زەویێگ سەند و وه دەمەو کەفته ناوێ و له ناوڕاسا بیه دو کوتەو جا گشت دڵ و رودەێ ڕشیاده دەیشت.

لوقا 20:47

لەلاێگەو ماڵیل بێوه ژنیل چەپاو کەن و لەلاێگتریشەو ئەڕا ئیه که خوێان نیشان بێەن، دوعاێان دریژەو کەن. سزاێ ئیانه چەنێ سەختتر بود.»

لوقا 20:20

ئمجا عیسا خستنه بێز چەو و خەوەرچینەێلێ کل کردنه ئەڕا لاێ که خوێان درسکار نیشان دیان. ئەوانه وەشون ئیه بینه که له قسیەیل عیسا دەسپێچکێگ بگرن تا ئەیو بێەنێ دەس دەسڵات و حوکم فەرماندار.

ئنجیل مەتا 6:16

وەختێ ڕوژه گرین، جور دوڕوییل دەمچەو تیەڵ نەون، چوینکه ئەوانه دەمچەو خوێان گویڕنن، تا وه لاێ مەردم نیشان بێەن هانه ڕوژه. وه ڕاسی وەپێدان ئویشم، ئەوانه پاداش خوێان گردنه.

ئنجیل مەتا 6:5

«وەختێ دوعا کەی نەبایه جور دوڕوییل بوید، چوینکه ئەوانه خوەشێان تێ بوسن و وەناو کەنیسەیل و گوشەێ خێاوانیل دوعا بکەن تا مەردم بویننیان. وه ڕاسی وەپێدان ئویشم، ئەوانه پاداش خوێان گردنه.

ئنجیل مەتا 6:2

«جا وەختێ سەدەقه دەێ پف مەکه شەیپورەو، جور دوڕوییل که وەناو کەنیسەیل و خێاوانیل کەن، ئەڕا ئیه که مەردم تاریفه لێان بکەن. وه ڕاسی وەپێدان ئویشم، ئەوانه پاداش خوێان گردنه.

یوحەنا 21:17

سێیەم جار عیسا له لێ پرسی: «ئێ شەمعون، کوڕ یوحەنا، دوسم دێرێ؟» پتروس وەبونەێ ئیه که عیسا سێ جار له لێ پرسی، دوسم دێرێ؟» نارەحەت بی وەپێ وەت: «ئێ خوداوەند، تو له گشت چشتێگ خەوەر دێرێ؛ تو خاس زانید که دوسد دێرم.» عیسا وەپێ وەت: «وەرکەگانم بلەوەڕن.

لوقا 18:9

ئمجا عیسا ئەڕا بڕێگ که وه سالح بوین خوێان دڵنیا بین و باقی مەردم وه سوکەو دوینیان، ئی مەسلەته هاورد:

لوقا 18:14

وەپێدان ئویشم ئی پیاێ باجگره، سالح وه حساو هات و چیه ئەڕا ماڵ، نه ئەو پیاێ فەریسیه. چوینکه هەر کەس خوەێ گەوراوه بکێ، سوکەو بود، هەر کەس خوەێ وه کەم حساو بکێ، سەربەرزەو بود.»

کاریل ڕەسولەیل 1:24

جا ئەوانه دوعا کردن و وەتن: «خوداوەندا، تو له دڵ گشتمان ئاگا و بینای. ئەڕامان ئاشکرا بکه کام له ئی دوانیه هەڵوژاردیده

رومیەگان 8:27

ئەوه که دڵیل وشکنێد، زانی فکر روح خودا چەس، چوینکه روح وه پێ خاست خودا، ئەڕا ئیمانداریل وه مەسیح ناوجێ کەێ.