لوقا 14:13 - کتاب مقدس به زبان کردی جنوبی - گویش کلهوری

¹³ جا وەختێ مێوانی دەێ، دەنگ دەستەنگ و فەلەج و شەل کوریل بکه،

لوقا 14:13 Referans Kwoze

لوقا 14:21

ئمجا خوڵامەگه هاتەو و ئەرواوەگەێ وه ئی چشتیله ئاگادار کرد. جا ساێو ماڵ توڕه بی و وه خوڵامەگەێ دەستور دا تا زوی بچوده ناو کویچه و بازار شارەگه دەستەنگ و فەلەج و کور و شەلەگان‎ بارێ.

عبرانییل 13:2

مێوانداری له غەریویل مەخەنه پشت گوش، ئەڕا ئیه که بڕێگ وەگەرد ئیجور کارێگ، بی ئەوه که خوێان بزانن، له فریشتەیل مێوانداری کردنه.

ئنجیل مەتا 22:10

خوڵامەگانیشێ چینه دەیشت ئەڕا سەر ڕێەگان و هەر کەس که دین، چ خاس و چ خراو گردەو کردن، تا تالارەگه له مێوان پڕ بی.

یەکم نامەێ تیموتاوس 5:10

هەر ئیجوره باێه وه خاسێ ناوێان دەرچوی، یانێ مناڵیل خوێان خاس تەربیەت کردوین، غەریونەواز بون، پایل ئیمانداریل وه مەسیح شوردوین و وه مەیەت کەسیلێ که تویش بەردیل هاتنه دەوین و خوێان ناوینه ئەڕا وه جا هاوردن هەر جور کار خاسێگ.

یەکم نامەێ تیموتاوس 3:2

و ئی بونه، هێوەتکەر کلیسا نەبایه وەناو زنەیی چشتێگ بیاشتوی که بوده بایس سەرزەنشتێ، شوی وەفادار یەێ ژن بود، هوشیار بود، وەسەرخوێا زاڵ بود، ئاوڕویدار و مێواندار بود و تویەناێ تالیم بیاشتوید؛

تیتوس 1:8

بەڵکەم باێه مێواندار و خێرخواز بود و وەسەرخوێا زاڵ بود و درسکار و موقەدەس و ڕێک‎وپێک؛

نامه وه فیلیمون 1:7

چوینکه براگەم، مابەت توی منیش حساوی خوەش و دڵگەرمەو کردێه، ئەڕا ئیه که توی دڵ ئیمانداریل مەسیح تازەوه کردیده.

کاریل ڕەسولەیل 9:39

پتروس وەگەردێان چی و وەختێ ڕەسیه ئەوره، بردنێ باڵاخانەگه. گشت بێوه ژنيل له دەورێ گردەو بوین، گیره کردیان و شەویەگان و دڵنگیلی که دورکاس وەختێ زنی بی دویرانویەی، نیشانی دیان.

لوقا 11:41

جا له ئەو چشتیله که وەناو پیاڵه و پێشقاو دێرین سەدەقه بێەن، تا گشت چشتێگ ئەڕادان پاکەو بود.

ئنجیل مەتا 15:30

جا جەماێەت فرەێگ هاتنه ئەڕا لاێ عیسا و وەگەرد خوێان ئایەمیل شەل و کور و فەلەج و لاڵ و قێر فرەێگ تر نەخوەش هاوردن و نانه نوای پاێ عیسا، ئەیویش شەفاێان دا.

لوقا 14:12

ئمجا عیسا وه ساێو مەجلس وەت: «وەختێ مێوانی نان نیمەڕو یا ئێواره دەێ، دەنگ ڕەفیقەیل و برایل و قەومیل و هاوسایل دەوڵەمەند مەکه؛ چوینکه ئەوانیش دەنگد کەن و هەر ئیجوره ئەوەزی دوینی.

لوقا 14:14

که بەختەوەر بویدن؛ چوینکه ئەوانه چشتێ نێرن ئەوەزی وەپێد بیەنەو. ئمجا تو پاداشد ئەو وەخته که ئایەمیل سالح زنیەو بون، گرید.»