لوقا 12:1 - کتاب مقدس به زبان کردی جنوبی - گویش کلهوری

¹ وه ئی وەخته، هەزاران نەفەر گردەو بین، ئەوقره که پا نیانه مل یەکەو. عیسا یەکم جار وەگەرد شاگردیل خوەێ شرو کرده قسیه کردن وەت: «له خەویرترش فەریسیەیل که هەر ئەو دوڕوییەسه، دویری بکەن.

لوقا 12:1 Referans Kwoze

یەکم پتروس 2:1

جا هەر جور دڵپێسی و هەر جور فێڵ و دوڕویی و حەسویی و هەر جور بختێگ له خوەدان دویرەو بکەن.

یاقوب 3:17

وەلێ ئەو زانیاری که له ئاسمانه، یەکم جار پاکه، ئمجا ئاشتیخوازه، نەرم و ئاموژیاری گوشدەره، نیقەڵتوز له بەزەیی و بەریل خاسه، دویر له دوچەوەکی و دوڕوییه!

لوقا 12:56

ئێ دوڕوییل! ئیوه که خاس زانین چوی شێوەێ زەوی و ئاسمان بخوەنین، ئێ چوی نیەتویەنین زەمانێ که هاینه ناوێ بخوەنین؟

یەکم قورنتییل 15:3

چوینکه ئەو چشته که گرنگترینه، جار دامەسه پێدان: ئیه که مەسیح وه پێ نویسریایل موقەدەس ئەڕا گونایل ئیمه مرد و

کاریل ڕەسولەیل 21:20

وەختێ شنەفتن، ستایش خودا کردن. ئمجا وه پولوس وەتن: «ئێ برا، هەر ئەوجورەکە دوینی هەزاران جویلەکە ئیمان هاوردنه و گشتێان ئەڕا شەریعەت غیرەت دێرن.

لوقا 11:44

وای وه حاڵ ئیوه! چوینکه جور قەوریلێگین که نوقمەو بینه، مەردمیش نەزانسته له بانیان ڕێ کەن.»

لوقا 6:17

عیسا وەگەرد شاگردیلی هاته خوار و وەشون تەختایێگ وساد. قێر فرەێگ وه شاگردیلی و یە بڕ مەردم وه سەرئانسەر یەهودیه، ئورشەلیم و شاریل دەورو وەر دەریاێ سور و سیدون، وه ئەوره بین.

لوقا 5:15

هەر ئیجوره، خەوەر کاریلێ فرەتر پەخشەو بویاد، ئەوقره که جەماێەتیل فرەێگ گردەو بویان تا قسیەیلی بشنەفن و له نەخوەشییلیان شەفا پەێا بکەن.

لوقا 5:1

یەێ ڕوژ عیسا وه لیوەێ دەریاچەێ جنیسارت وساوی مەردمیش وه گشت لاێگەو هویژم بردیانه ئەڕا لاێ تا کەڵام خودا بشنەفن،

عبرانییل 12:22

وەلێ ئیوه هاتینەسه ئەڕا کویەێ سەهیون و وه شار خوداێ زنی که ئورشەلیم ئاسمانیه. هاتینەسه ناو جەم سەرخوەش فریشتەیلێ که نیود بژمارێدیان،