لوقا 10:42 - کتاب مقدس به زبان کردی جنوبی - گویش کلهوری

⁴² ئێرنگه تەنیا یەێ چشت گرنگه؛ مریەمیش بەشه خاسەگه هەڵوژاردیه، که له لێ نیەسینریەدەو.»

لوقا 10:42 Referans Kwoze

یوحەنا 4:14

وەلێ هەر کەس له ئاوێ که من دەمه پێ بخوێ، هەراێهەر تیەنی نیود. ئاوێگ که دەمه پێ وەناو گیانێ بوده کیەنی ئاوێگ که تا زنەیی ئەبەدی قوڵ دەێ و سەرڕێژ بود.»

یوحەنا 5:24

وه ڕاسی، وه ڕاسی، وەپێدان ئویشم، هەر کەس کەڵام مه بشنەفێ و وه ئەوه که کلم کرد، ئیمان بارێ زنەیی ئەبەدی دێرێ. ئەوه ماکوم نیود، بەڵکەم له مەرگ گوزیشتێه و رەسیەسه ژیان.

لوقا 18:22

عیسا وەختێ ئیه شنەفت، وەپێ وەت: «هێمراێ یەێ چشت کەم دێرێ؛ هەر چی دێرێ بفروش و پویلەگەێ بەشەو که ناو کەمدەسیل، که وەناو ئاسمان گەنج وه دەس تیەرێ. ئمجا بەو بکەفه شونم.»

یوحەنا 17:3

زنەیی ئەبەدی ئیەسه، ئەوانه توی که تەنیا خوداێ ڕاسەکانید و عیسا مەسیح که کلی کردیده، بناسن.

مەرقوس 8:36

ئەڕا ئایەم چ سودێگ دێرێ که گشت جهان بوێد وەلێ گیان خوەێ بواخی؟

لوقا 8:18

جا هوشدان بود چوی شنەفین، چوینکه وه ئەو کەسه که دێرێ فرەتر درێید و وه ئەو کەسه که نێری، هەر ئەوەیشه گومان کەی دێرێ، له لێ سێنرێەدەو.»

لوقا 12:20

وەلێ خودا وەپێ وەت: ”ئێ نەزان! هەر ئیمشەو گیاند لەلێد سێنریەێ. جا هەر چی گردەو کردیده، ئەڕا کی مینێ؟“

یەکم قورنتییل 13:3

ئەگەر گشت دارایی خوەم سەدەقه بێەم و ئەگەر جەسەم بیەمه دەسەو تا لەناو ئاگر بسزننێ، وەلێ مابەت نیاشتوم، هویچ سودێگ ئەڕام نێرید.

لوقا 12:33

هەر چی دێرین بفروشن و بێەنه دەستەنگیل؛ ئەڕا خوەدان کیسەیلێگ گورجەو بکەن که نیەپویترکێید و گەنجێ که بنێ نیەتێید وەناو ئاسمان گردەو بکەن، شونێگ که نه دز تێد وه نه بید دەێەڵێ.

لوقا 16:25

وەلێ ئێبراهیم جواو دا: ”ڕوڵەم، باره هویرد که تو وەناو زنەیی، له چشتیل خاس خوەد لەزەت بردێ، ئەو وەخته چشتیل خراو نسیو ئیلعازەر بی. ئێرنگه ئەوه وه ئێرا ها ناو ئاشاسێگ و تو هایده ناو عەزاو.

نامه وە غەلاتییل 5:6

چوینکه وه ناو مەسیح عیسا نه خەتەنه بین و نه خەتەنه نوین هویچ نیەتیەرزێد، بەڵکەم تەنیا ئەو ئیمانه گرنگه که وه پێ مابەت کار کەی.

لوقا 16:2

کاروەدەسەگەێ چڕێ و له لێ پرسی: ”ئیه چەس که له باوەت تو شنەفم؟ حساوەگاند بکه و دی نیەتویەنی کاروەدەس مه بوید.“

لوقا 10:39

مارتا خویشکێ داشت مریەم ناو. مریەم له لاێ پاێ خوداوەند دانیشتوی وه قسیەیلی گوش دیاد.

لوقا 11:1

ڕوژیگ عیسا وه شونێگەو خەریک دوعا کردن بی. وەختێ دوعاگەێ تەمام بی، یەکی له شاگردیلی وەپێ وەت: «گەورەم، دوعا کردن یاێمان بیه، هەر ئەوجورە که یەحیا وه شاگردیلی یاێ دا.»

یوحەنا 6:27

ئەڕا خواردمەنێگ کار مەکەن که له بین چود، بەڵکەم ئەڕا خواردمەنێگ کار بکەن که تا زنەیی ئەبەدی مینێدەو، یانێ ئەو خواردمەنیه که کوڕ ئنسان دەیده پێدان. چوینکه خوداێ باوگ مور خوەێ وه ملێەو کوتاس.»

یوحەنا 11:1

پیاێگ ئیلعازەر ناو نەخوەش بی. ئەوه له مەردم ئاوایی بەیت‌عەنیا، ئاوایی مریەم و خویشکێ مارتا بی.

یوحەنا 11:19

قێر فرەێگ له جویلەکەیل هاتوینه ئەڕا لاێ مارتا و مریەم تا ئەڕا مردن براگەێان سەر سڵامەتیێان بێەن.

یوحەنا 12:3

هەر ئەو وەخته مریەم یەێ شیشه ئەتر گران قیمەت که له سونبول خاڵس بی و هەڵاێه نیو لیتر بی، هاورد و ماڵیه پایل عیسا و وەگەرد قژی وشکێەو کرد جوری که ماڵەگەیش پڕ بی له بو ئەترەگه.