لوقا 10:15 - کتاب مقدس به زبان کردی جنوبی - گویش کلهوری

¹⁵ تنیش ئێ کەفەرناحوم، تواسیاێ تا وه فەڵەک سەر بەرزەو کەی؟ هەراێهەر، بەڵکەم کەفێده بن جهان مردگیل.

لوقا 10:15 Referans Kwoze

ئنجیل مەتا 4:13

شار ناسره هیشتەجێ و چیه ئەڕا شار کەفەرناحوم نیشتەجێ بی. کەفەرناحوم وه لیوەێ دەریاچەێ جەلیل و له مەنتەقەی زبولون و نەفتالی بی.

دویم پتروس 2:4

چوینکه ئەگەر وەختێ فریشتەیل گونا کردن، بەزەیی خودا ناته پێانا، بەڵکەم ئیانه خسته سیەچاڵ جەهەنم و ئەوانه وه زنجیریل تیەریکی و زولەمات زندانی کرد تا ئەڕا ڕوژ داوەری بنریەنەلا؛

لوقا 13:28

وەختێ دوینین ئێبراهیم و ئەسحاق و یاقوب و گشت پەێخەمەریل هانه ناو پادشایی خودا، وەلێ ئیوه مارومین، جا له ئەوره بوده گیره و دگان وەبان یەک ساین.

ئنجیل مەتا 11:23

تنیش ئێ شار کەفەرناحوم، تواسیاێ تا وه فەڵەک سەر بەرزەو کەی؟ هەراێهەر، بەڵکەم کەفێده بن جهان مردگیل. چوینکه ئەگەر موجزەیلێ که وەناو تو کریاس وەناو سودوم بکریا، ئەو شاره تا ئیمڕو مەنیادێ.

ئنجیل مەتا 10:28

وه کەسیلێگ که جەسه کوشن وەلێ تویەناێ کوشتن گیان نێرن ڕخدان نەچود؛ بەڵکەم وه ئەوه ڕخدان بچود که تویەنێ گیان و جەسه وەیەکەو وەناو جەهەنم نابود بکێ.

لوقا 16:23

جا وەختێ چەو هێز داد و دی که وه جهان مردگیل ها ناو عەزاو، له دویرەو ئێبراهیم پەێخەمەر دی که ئیلعازەریش وه لاێەو بی.