لوقا 10:11 - کتاب مقدس به زبان کردی جنوبی - گویش کلهوری

¹¹ ”ئیمه تەنانەت توز شارەگەدانیش که نیشتیەسه قێ پایلمانەو، تەکنیمنێ ملدانەو. وەلێ بزانن پادشایی خودا نزیکەو بیه.“

لوقا 10:11 Referans Kwoze

کاریل ڕەسولەیل 13:51

وەلێ پولوس و بەرنابایش وه نیشانەێ ئیه که ئاگر خەزەو خودا تێدە ملێانەو، توز پایلێان وه زدیان تەکانن و چین وەرەو شار قونیه.

لوقا 10:9

نەخوەشیل ئەوره شەفا بیەین و بویشن: ”پادشایی خودا وەپێدان نزیکەو بیه.“

عبرانییل 1:3

ئەیو بریقەێ جەڵاڵ خودا و وێنەێ کامڵ سریشت ئەیوه و گشت چشتێگ وه کەڵام وە قەوەت خوەێ قورس پارێزنێد. ئەیو وەشون پاکەو کردن گونایل، وه دەس ڕاس خوداێ گەوراێ هەربەرز وەناو بانترین شون ئاسمان دانیشت.

کاریل ڕەسولەیل 13:46

ئمجا پولوس و بەرنابا وه ئازای وەتن: «باێه پێخام خودا وەرجه گشتیەکی ئەڕاێ ئیوه بویشرێی. وەلێ وەبونەێ ئیەکه ڕەدێ کردین و خوەدان شایسەێ زنەیی ئەبەدی نەزانستین، ئەوەسه چیمنه ئەڕا لاێ ناجویلەکەیل.

کاریل ڕەسولەیل 13:40

جا هوشدان بود، ئەو چشته که وەناو نویسریایل پەێخەمەریل هاتێه، وه سەردان نای که ئویشێ:

کاریل ڕەسولەیل 13:26

«ئێ برایل، ئێ مناڵیل ئێبراهیم و ئێ ناجویلەکەیلێگ که ڕخدان له خودا چود و هاینه ئێرا، ئی پێخام نجاته ئەڕاێ ئیمه کل کریاس.

مەرقوس 6:11

ئەگەریش وه شونێگ قەبوڵدان نەکەن، یا گوش نێەنه لێدان له وەخت وەجێ هیشتن ئەوره، توز پایلدان بتەکنن، تا شاێەتێگ وه زد ئەوانه بود.»

ئنجیل مەتا 10:14

ئەگەریش کەسێگ قەبوڵدان نەکرد یا گوش نیاده قسیەیلدان، وەختێ له ئەو ماڵه یا شاره تێینه دەیشت، توز پایلدان بتەکنن تا شاێەتێگ وه زد ئەوانه بود.

رومیەگان 10:21

وەلێ له باوەت ئێسرائیل ئویشێ: «له دریژای ڕوژ دەسیل خوەم وەرەو مەردمیگ که ملچەفتەوکەرن و وەگەردمەو زدن، دریژەو کردمه.»

رومیەگان 10:8

وەلێ ئەوه چه ئویشێ؟ ئیەک «کەڵام خودا نزیک توێه، ها ناو دەمد، ها ناو دڵد.» ئیه هەر ئەو کەڵام ئیمانەسه که ئیمه جار دەیم،

ئنجیل مەتا 3:2

وەتیا: «توبه بکەن چوینکه پادشایی ئاسمان نزیکه.»

ئنجیل مەتا 10:7

وەختێ دێرین چین ئی خەوەر جار بێەن که پادشایی ئاسمان نزیکه.

لوقا 9:5

وه هەر شونێگ مەردم پەزیرادان نوین، له وەخت تەرک شارەگەێان، توز پایلدان بتەکنن تا شاێەتێگ وه زد ئەوانه بود.»

لوقا 10:10

وەلێ وەختێ چینه ناو شارێگ و قەبوڵدان نەکردن، بچنه ناو کویچەیل ئەو شاره و بویشن: