لوقا 1:35 - کتاب مقدس به زبان کردی جنوبی - گویش کلهوری

³⁵ فریشته جواو دا: «روح‌القودوس تێیده سەرد و هێز خوداێ هەربەرز بوده ساێەڕ بان سەرد. وه ئی بونه، ئەو مناڵه که تێیده دنیا، موقەدەس و کوڕ خوداوەند وەپێ ئویشن.

لوقا 1:35 Referans Kwoze

ئنجیل مەتا 1:18

وه دنیا هاتن عیسا مەسیح وه ئیجوره بی: مریەم داڵگ عیسا وەختێ دەزویران یوسف بی، وەرجه ئیه که بخوازیدێ، مالوم بی که له روح‌القودوس زگێ پڕه.

یوحەنا 1:49

نەتەنائیل جواوی دا: «ماموستا، تو کوڕ خودای! تو پادشاێ ئێسرائیلی!»

یوحەنا 1:34

مه ئیه دیمه و شاێەتی دەم که ئیەسه کوڕ خودا.»

رومیەگان 1:4

وەگەرد زنیەو بوینی له ناو مردگیل، وه پێ روح قودوسیەت، وەناو هێز، جار دریاد که کوڕ خوداس، یانێ خوداوەندمان عیسا مەسیح.

ئنجیل مەتا 1:20

وەلێ وەختێگ وه ئی چشتیله فکر کردیا، یەێ فریشتەێ خوداوەند له ناو خەو وەپێ ئاشکرا بی و وەت: «ئێ یوسف، کوڕ داود، له ئیه که مریەم بخوازێ زاورد نەچود، چوینکه ئەوه که ها ناو زگێ، له روح‌القودوسه.

مەرقوس 1:24

«عیساێ ناسری، تو چه توایده ئیمه؟ هاتیدە نابودمان بکی؟ زانم تو کید! تو ئەو قودوس خودایده!»

ئنجیل مەتا 27:54

وەختێ فەرماندەێ سەربازەگان و ئایەمەگانێ که نگابانی عیسا دیان، زەویه لەرزه و ئەو چشتیله که هەڵکەفت دین، فره رخێان چی، وەتن: «وه ڕاسی ئیه کوڕ خودا بی.»

عبرانییل 4:15

چوینکه کاهن گەوراێ ئیمه ئەوجورە نیه که نەتویەند وەگەرد بی هازییل ئیمه هاودەردی بکێد، بەڵکەم کەسێگه که له هەر باوەتەو هەر جور ئیمه ئەزمون بیه، وەلێ گونا نەکرد.

لوقا 1:27

تا بچوه لاێ دویەتئازەوێگ وه ناو مریەم. مریەم دەزویران پیاێگ بی، یوسف ناو، له بنەماڵەێ داود پادشا.

نامه وە غەلاتییل 2:20

وەگەرد مەسیحەو وه سەلیب کیشریامه. دیتر مه نیم که زنەیی کەم، بەڵکەم مەسیحه که وەناو منەو زنەیی کەی؛ ئێرنگه زنەیی که له جەسەوه کەم، وەگەرد ئیمان وه کوڕ خوداس که مابەتم کرد و گیان خوەێ ئەڕا مه دا.

کاریل ڕەسولەیل 8:36

وەختێ وەناو ڕێ بین، ڕەسینه سەر ئاوێگ. خەزانەدارەگه وەت: «بنوڕ، ها ئیەیشه ئاو، چ چشتێ نوای تەعمید مه گری؟»

یوحەنا 20:31

وەلێ ئیانه نویسریاس تا ئیمان بارین که عیسا هەر ئەو مەسیح واده دریایه، کوڕ خودا، تا که وه ئی ئیمانه، وه ناو ئەیو زنەیی بیاشتون.

مەرقوس 1:1

شرو ئینجیل عیسا مەسیح کوڕ خودا.

ئەفسوسیێل 2:3

یەێ وەختێگ ئیمەیش گشتمان وەناو ئەوانه، وەناو هەواوهەوەسیل جەسەمان زنەیی کردیایمن و خاستەیل جەسه و فکر وه جێ هاوردیایمن؛ ئیمەیش هەر جور ئەو باقی ئایەمیل، بەنا وه سریشت خوەمان شایسەێ خەزەو خودا بویمن.

ئنجیل مەتا 14:33

ئەوانەێ که وەناو قایقەگه بین سجدەی عیسا کردن و وەتن: «وه ڕاسی تو کوڕ خودای!»

ئنجیل مەتا 4:3

ئمجا ئەزمونکەر هات و وەته پێ: «ئەگەر توی کوڕ خودای، وه ئی کوچگیله فەرمان بێه تا بونه نان!»

لوقا 1:34

مریەم وه فریشتەگه پرسی: «ئیه چوی بود، ئێ خو مه وەگەرد هویچ پیاێگ نویمه؟»

لوقا 1:36

ئەوەسه ئلیزابتیش که له خزمیل خوەده، وه دەورەێ پیری زگێ پڕه و کوڕێگ تیەرێده دنیا. ئەوه که ئویشن نەزوکه، ئێرنگه زگێ شەش مانگانه.