یوحەنا 3:10 - کتاب مقدس به زبان کردی جنوبی - گویش کلهوری

¹⁰ عیسا جواو دا: «تو ماموستاێ ئێسرائیلید و هێمراێ ئی چشتیله نیەزانێ؟

یوحەنا 3:10 Referans Kwoze

ئنجیل مەتا 22:29

عیسا جواویان دا: «ئیه خوەێ نیشان دەێ ئیوه چەنێ گومڕاین، چوینکه نه له کتاو موقەدەس ئاگادارین و نه له هێز خودا!

ئنجیل مەتا 15:14

وازه لێان بارن. ئەوانه ڕێنماییکەریلێگن که کورن. ئەگەر کوریگ ڕێنماییکەر کوریگ تر بود، هەردگێان کەفنه ناو چا.»

ئنجیل مەتا 11:25

هەر ئەو وەخته، عیسا جار دا: «ئێ باوگه، خاون ئاسمان و زەوی، سپاسد کەم که ئی چشتەیله، وه زانیاریل و ئایەمیلێگ که فام دێرین شاردیدەسەو ئەڕا مناڵیل بویچگ ئاشکراێ کردیده.

نامەێ فیلیپییل 3:3

چوینکه خەتەنه کریایل ڕاسەکانی ئیمەیم که وەگەرد روح خودا، پەرەسش کەیمن و شانازیمان وه مەسیح عیساس و پشت نیەوەسیمنه جەسه،

رومیەگان 2:28

چوینکه جویلەکەێ ڕاسەکانی ئەوه نیه که وه شێوه جویلەکە بود و خەتەنەێ ڕاسەکانییش کارێگ وه شێوه و جەسەی نیه.

نامه وه کولوسییل 2:11

وەناو مەسیح خەتەنەیش کریاین، خەتەنەێگ که وه دەس نەکریاس. ئی خەتەنه وەگەرد له وەر دەر هاوردن شەخسیەت جەسەیه، وەگەرد خەتەنەێگه که مەسیح کردێه.

لوقا 2:46

دەس ئاخر وەشون سێ ڕوژ، وەناو مابەد دینیەو. له لای مەلاگان دینەێ نیشتوی و گوش دیاده قسیەیلیان و له لێان پرسیار کردیاد.

لوقا 5:17

ڕوژی له ڕوژەیل که عیسا تالیم دیاد، زانایل فرقەێ فەریسی و قازییل شەریعەت وه گشت شاریل جەلیل و یەهودیه و تەنانەت له ئورشەلیمیش هاتوین و دا نیشتوین. هێز خوداوەندیش ئەڕا شەفاێ نەخوەشیل وەگەرد عیسا بی.

یوحەنا 3:9

نیقودیموس له عیسا پرسی: «ئی چشتیله چوی بود؟»

کاریل ڕەسولەیل 5:34

وەلێ پیاێگ له فرقەێ فەریسی وه ناو گامالائیل که ماموستاێ تەورات بی و گشت حرمەتی گردیان، وەناو شورا هەڵساد و دەستور دا ڕەسولەگان ئەڕا ماوەێ کەمێگ بوەنه دەیشت.