یوحەنا 13:5 - کتاب مقدس به زبان کردی جنوبی - گویش کلهوری

⁵ ئمجا ئاو کرده ناو لەگەنێگ و شرو کرده شوردن پایل شاگردیل و وه حوڵەێگ که بەساویه ناوقەێەو پایلێان وشکەو کرد.

یوحەنا 13:5 Referans Kwoze

لوقا 7:44

جا ئەو وەخته ئێشاره وه ژنەگه کرد و وه شەمعون وەت: «ئی ژنه دوینید؟ مه هاتمه ماڵد و تو ئەڕا شوردن پایلم ئاو ناوردی، وەلێ ئی ژنه وەگەرد ئەسر چەویلی پایلم شورد و وەگەرد گیسێ وشکێانەو کرد!

یەکم نامەێ تیموتاوس 5:10

هەر ئیجوره باێه وه خاسێ ناوێان دەرچوی، یانێ مناڵیل خوێان خاس تەربیەت کردوین، غەریونەواز بون، پایل ئیمانداریل وه مەسیح شوردوین و وه مەیەت کەسیلێ که تویش بەردیل هاتنه دەوین و خوێان ناوینه ئەڕا وه جا هاوردن هەر جور کار خاسێگ.

وەحی وه یوحەنا 7:14

جواو دام: «ئیه تو زانیدن، گەورەم.» جا ئەو وەته پێم: «ئیانه کەسیلێگن که له ئەو بەرد فره گەورا ڕەد بینه و بەتیەگانێان وەناو خوین وەرکەگه شوردنه و چەرمگەو کردنه.

عبرانییل 10:22

باین تا وه دڵێگ ڕاس و دڵنیایی تەمام ئیمان، نزیک خودا بویمن، وه حاڵێگەو که دڵیلمان له وژدان خراو پاکەو بویه و جەسەیلمان وەگەرد ئاو پاک شوریاس.

ئەفسوسیێل 5:26

تا ئەوه وەگەرد ئاو کەڵام خودا بشورێد و پاک بکێ و تەقدیس بکێ،

یەکم قورنتییل 6:11

بڕێگ لەلێدان جاران ئیجوره بین، وەلێ وه ناو عیسا مەسیح خوداوەند و له ڕێ روح خودامان شوریاینه، تەقدیس کریاینه و سالحان وه حساو هاتینه.

کاریل ڕەسولەیل 22:16

ئێرنگه ماتەڵ چەید؟ هەڵس و خوسڵ تەعمید بگر و گونايلد بشور و ناو ئەیو بار!“

یەکم یوحەنا 5:6

ئیه هەر ئەوەسه که وه ئاو و خوین هات، یانێ عیسا مەسیح. نه تەنیا وه ئاو، بەڵکەم وه ئاو و خوین. روح خوداس که شاێەتی دەێ، چوینکه روح خودا ڕاسیه.

یەکم یوحەنا 1:7

وەلێ ئەگەر وەناو نویر زنەیی کەیمن، هەر ئەوجورە که ئەیو هاناو نویر، وەگەرد یەکەو دوسی دێریم و خوین عیساێ کوڕێ، ئیمه له هەر گوناێگ پاکەو کەی.

یوحەنا 19:34

وەلێ یەکی له سەربازەگان نیزەێگ کرده کەلەکەیەو زویزی خوین و ئاو له لێ کەفته ڕێ.

لوقا 7:38

وه گیره کردن له پشت سەر عیسا له لاێ پاێ وساد. وەختێ ئەسر چەوێ ڕشیاده مل پایل عیسا وەگەرد گیسێ وشکێانەو کرد. وەشونێ پایلێ ماچ کرد و روینەگه ماڵیه پایلێەو.

وەحی وه یوحەنا 1:5

له لاێ عیسا مەسیح، ئەو شاێەت ئەمینە و یەکم زگ له ناو مردگیل و فەرمانرەواێ پادشایل زەوی، وه ملدانەو بود. وه ئەیو که ئیمەیش دوس دێرێ و وەگەرد خوین خوەێ ئیمه له گونایلمان ڕزگار کردێه و

یوحەنا 13:10

عیسا جواو دا: «ئەوه که سەر ملێ شوردێه، سەر تا پاێ پاکه‎ و هەوەجی وه شوردن نێری، بێجگه پایلێ. ئیوه پاکین، وەلێ نه گشتدان.»

یوحەنا 13:8

پتروس وەپێ وەت: «هەراێهەر پایلم نیەشورید!» عیسا جواو دا: «ئەگەر نەشورمەد وەگەردمەو بەشێگ نێری.»

یوحەنا 13:6

عیسا وەختێ ڕەسیه شەمعون پتروس، پتروس وەته پێ: «گەورەم، تو تواێ پایل مه بشوری؟»