یوحەنا 10:1 - کتاب مقدس به زبان کردی جنوبی - گویش کلهوری

¹ «وه ڕاسی، وه ڕاسی، وەپێدان ئویشم، ئەوه که له دەر نەچوده ناو گەلەخان پەسەگان، بەڵکەم له ڕێیگتر بچوده بان و بچوه ناو، دزه و ڕێگره.

یوحەنا 10:1 Referans Kwoze

ئنجیل مەتا 7:15

«هوشدانه پەێخەمەریل دروەکانی بود. ئەوانه وەناو پوس مێەگان تیەنه ئەڕا لادان، وەلێ وه ناوەو گورگێل دڕنەێگن.

رومیەگان 16:18

ئەڕا ئیه که ئیجور کەسیلێگ وه خوداوەندمان مەسیح خزمەت نيەکەن، بەڵکەم وه زگێان خزمەت کەن و وەگەرد قسیەیلی ڕەنگین و زوانبازی فریو دڵ ئایەمیل ساده دەن.

یەکم یوحەنا 4:1

ئێ عەزیزەیل، وه هەر روحێگ باوەڕ نەکێن، بەڵکەم روحیل ئەزمون بکەن تا بوینین له خودان یا نه. چوینکه نەبوەتکەریل دروەکانی فرەێگ وەناو جهان تەفرتویناوه بینه.

عبرانییل 5:4

هویچکەسێگ خوەێ ئی شانازی کاهن گەورا بوینه نیەکەێده هن خوەێ، بەڵکەم ئی شانازیه تەنیا زەمانێگ بوده نسیو کەسێگ که خودا ئەو ئایەمه دەنگ بکەی، هەر ئەوجورە که هارون دەنگ کرد.

دویم پتروس 2:3

ئیانه له ڕوی تەما، وەگەرد قسیەيل گولدەر، تاڵاندان کەن. ماکومیەتیان که له جارانەو دیاری کریاس، بێکار نەنیشتیه و له بین چینێان نەخەفتیه.

دویم پتروس 2:1

وەلێ لەناو قەوم جویلەکە، پەێخەمەریل دروەکانیش بین، هەر ئەوجورە که له ناو ئیوەیش ماموستایل دروەکانی تیەن که وه دزیەو تالیمیل هەڵه و نابودکەرێگ تیەرن و تەنانەت ئەرواوێگ که ئیانه سەن، حاشا کەن و ئیجوره وه سەر خوێان له بین چینێگ تیەرن که لەناکاوه تێد.

یەکم پتروس 1:10

له باوەت هەر ئی نجاته، پەێخەمەریل وردەو بویان و وه شونێەو گەردیان، پەێخەمەریلێگ که له فیز دیاری کریاێ ئەڕادان قسیه کردیان.

رومیەگان 10:15

چوی بانگەوازی بکەن، ئەگەر کل نەکریەن؟ هەر ئەوجورە که وەناو کتاو ئەشعەیاێ نویسریاس: «چ ڕەنگینه پاێ کەسیلێ که ئەو مزگانیه بانگەوازی کەن.»

یوحەنا 3:3

عیسا وه جواوێ وەت: «وه ڕاسی، وه ڕاسی، وەپێد ئویشم، تا کەسێ وه دواره ناێده دنیا، نیەتویەنی پادشایی خودا بوینێ.»

تیتوس 1:11

ئەوانه باێه دەمکوت بکریەن، چوینکه ئەوانه وەخاتر تەمای سود کردن چشتیلی تالیم دەن که نەبایه تالیم بێەن و ویجوره وه تەمامی خاوخێزانیل فەنا کەن.

یوحەنا 10:7

جا عیسا وه دواره وەپێان وەت: «وه ڕاسی، وه ڕاسی، وەپێدان ئویشم، من ئەڕا پەسەگان ’دەرم‘؛