یوحەنا 1:4 - کتاب مقدس به زبان کردی جنوبی - گویش کلهوری

⁴ وەناو ئەیو ژیان بی و ئەو ژیانه نویر ئایەمیل بی.

یوحەنا 1:4 Referans Kwoze

یوحەنا 8:12

عیسا وه دواره وەگەرد مەردم قسیه کرد و فەرمایش کرد: «منم نویر جهان. هەر کەسێگ بکەفێه شونم وەناو تیەریکی ڕێ نیەکێ، بەڵکەم نویر زنەیی دێرێد.»

یوحەنا 12:46

مه جور نویریگ هاتمەسه ئی جهانه تا هەر کەس وه مه ئیمان بارێ، وەناو تیەریکی نەمینێ.

یوحەنا 5:26

چوینکه هەر ئەوجورە که باوگ وەناو خوەێ زنەیی دێرێ، وه کوڕیش بەخشیه تا کوڕیش وەناو خوەێ زنەیی بیاشتود،

یوحەنا 9:5

تا وەختێ هامه ئی جهانه، نویر جهانم.»

یوحەنا 11:25

عیسا وەپێ وەت: «قیامەت و زنەیی منم. هەر کەس وه من ئیمان بارێ، تەنانەت ئەگەر بمریدیش، زنیەو بود.

یەکم یوحەنا 5:11

ئەو شاێەتێیشه ئیەسه که خودا ژیان ئەبەدی دا پێمان و ئی ژیانه هاناو کوڕەگەێ.

یوحەنا 14:6

عیسا وەپێ وەت: «من ڕێ و ڕاسی و ژیانم؛ هویچکەس بێجگه له ڕێ منەو نیەتێدە لاێ باوگ ئاسمانی.

یوحەنا 12:35

جا عیسا وەپێان وەت: «نویر ئەڕا قێرێگ‎تر ها گەرددانەو. تا نویر ها گەرددانەو، ڕێ بکەن نەخواێ تیەریکی ئیوە بگرێده وەر. هەر کەس وەناو تیەریکی ڕێ کێ، نیەزانێ ئەڕا کوره چود.

ئەفسوسیێل 5:14

چوینکه هەر چشتێگ که بوینرید، نویره. له ئی باوەته وەتریاس: «ئێ ئەو کەسه که خەفتیدە، له خەو هەڵس، له مردگیل زنیەو به، که مەسیح نویر خوەێ وه سەرد درەوشنێد.»

ئنجیل مەتا 4:16

ئەو قەومه که وەناو تیەریکی نیشتەجێ بین، نویر گەوراێگ دینه و ئەوانه که نیشتەجێیل میلکان ساێەڕ مەرگ بین، نویر هاتیە‎سه ملێانەو.»

نامه وه کولوسییل 3:4

وەختێ مەسیح که زنەیی ئیوەس، ئاشکرا بود، ئەو وەخته ئیوەیش وەگەرد ئەیو وەناو جەڵاڵ ئاشکرا بین.

کاریل ڕەسولەیل 26:23

ئیه که مەسیح باێه رەنج بکیشێ و یەکمین کەسێگ بود که له ناو مردگیل زنیەو بود، تا ڕوشنایی وه ئی قەوم و قەومیل تر جار بێی.»

لوقا 2:32

نویریگ ئەڕا ئاشکرا کردن ڕاسی وه باقی قەومیل و جەڵاڵی ئەڕا قەوم تو ئێسرائیل.»

یەکم یوحەنا 1:2

ژیان دیار دا، ئیمه دیمنەسێ و شاێەتی ئەڕاێ دیم. ئیمه ژیان ئەبەدی ئەڕادان جار دیمن هەر ئەو ژیان ئەبەدیه که وەگەرد باوگ ئاسمانی بی و ئەڕا ئیمه ئاشکرا بی.

یوحەنا 5:21

چوینکه هەر ئەوجورە که باوگ مردگیل زنیەو کەید و زنەیی وەپێان بەخشی، کوڕیش وه هەر کەسێگ که خوەێ بتواێ، زنەیی بەخشی.

وەحی وه یوحەنا 22:16

«مه، عیسا، فریشتەێ خوەم کل کردمەسه ئەڕا لادان تا ئی چشتیله وه کلیسایل شاێەتی بێید. مه ریشه و نەتەوەێ داود پادشا و هەسارەێ درەوشیاێ شەوەکیم.»

یەکم قورنتییل 15:45

ئەوجورە که وەناو تەورات نویسریاس: «ئنسان یەکم، یانێ ئایەم، بیه گیانێگ زنی»؛ ئایەم ئاخر، بیه روحێگ زنەیی دەر.

وەحی وه یوحەنا 22:1

ئەو وەخته فریشتەگه چەم ئاو ژیان نیشانم دا که هەر جور بلور بریقەێ هاتیاد و له تەخت خودا و تەخت وەرکەگه کەفتویه ڕێ و

یوحەنا 3:19

جا مدوێ ماکومیەتەگەێ ئیەسه که نویر هاتیەسه ناو جهان، وەلێ مەردم وه جێ نویر تیەریکی دوس داشتن، چوینکه کردەوەێان خراو بی.

یەکم یوحەنا 1:1

له باوەت کەلیمەێ ژیان هەر ئەو کەلیمه که له سەرەتا بی، هەر ئەو کەلیمه که شنەفتیمنه و وه چەویل خوەمان دیمنه، هەر ئەو کەلیمه که نوڕێیمنه پێەو و دەسیل خوەمان دایمنەسەقەێەو.