یوحەنا 1:16 - کتاب مقدس به زبان کردی جنوبی - گویش کلهوری

¹⁶ پڕی ئەیو نسیو گشتمان بیه، فیز له بان فیز.

یوحەنا 1:16 Referans Kwoze

نامه وه کولوسییل 1:19

چوینکه گشت پڕی خودا خوەشنود بی که وەناو ئەیو نیشتەجێ بود و

رومیەگان 5:2

ئیمه له ڕێ ئەیو، وه وەسلەێ ئیمان، ئی فیزیشه که وەناوێ بەردەوامیم، وه دەس هاوردیمنه و وەناو ئمید جەڵاڵ خودا شادی کيمن.

ئەفسوسیێل 3:19

مابەت مەسیح بناسین که فره بانتر له ماریفەت بەشەریه، تا له گشت پڕی خودا نیقەڵتوز بوین.

ئەفسوسیێل 1:23

کلیساێگ که جەسەێ ئەیوه، یانێ پڕی ئەیو که گشت چشتێگ له هەر لاێگەو پڕەو کەی.

رومیەگان 5:17

چوینکه ئەگەر وەبونەێ خەتای یەێ ئنسان، مەرگ له ڕێ ئەو ئنسانه حوکمرانی کرد، چەنێ فرەتر ئەوانه که فیز بێ حساو خودا و خەڵاتی سالح بوین گردنەسه وەر، له ڕێ ئەو ئنسانێگ تر، یانێ عیسا مەسیح، وەناو زنەیی حوکمرانی کەن.

یوحەنا 3:34

چوینکه ئەوه که خودا کلی کردێه، کەڵام خودا وه زوان تیەرێ، چوینکه خودا روح خوەێ بی ئەنازه بەخشێد.

یەکم پتروس 1:2

وه ئەوانه که بەنا وه زانین وەرین خوداێ باوگ، وه وەسلەێ کار تەقدیسکەر روح خودا و ئەڕا گوش تەکانن له عیسا مەسیح و پاشیان خوینی وه ملێان، هەڵوژاریانه: فیز و ئاشتی و سڵامەتی فرەفره وه ملدانەو بود.

ئنجیل مەتا 13:12

چوینکه وه ئەو کەسه که دێرێ، فرەتر درێید تا وه فراوانی بیاشتوی، وەلێ ئەو کەسه که نێرێ، هەر ئەوەیشه که دێرێ له لێ سینرێدەو.

نامه وه کولوسییل 2:3

هەر ئەو مەسیحه که گشت خەزانەیل زانیاری و ماریفەت وەناو ئەیو شاریاسەو.

رومیەگان 8:9

هەر چەن که ئیوه وه ژێر حوکمرانی جەسه نین، بەڵکەم هاینه ژێر حوکمرانی روح خودا، هەڵبەت ئەگەر روح خودا وەناودان نیشتەجێ بود. هەر کەسێگ که روح مەسیح نياشتود، ئەوه هن مەسیح نیه.

لوقا 21:15

چوینکه کەڵام و زانیاریگ دەمه پێدان که هویچ کام له دشمەنیلدان تویەناێ ئیه نێرن که وەگەردێ موخالفەت بکەن و ڕوی وه ڕویی بوسن.

ئنجیل مەتا 3:14

وەلێ یەحیا تواسیا نێلیدێ و وەته پێ: «منم که باێه وه دەس تو تەعمید بگرم، ئێرنگه تو تێیده ئەڕا لاێ مه؟»

ئنجیل مەتا 3:11

«مه ئەڕا توبه کردن، وەگەرد ئاو تەعمیددان دەم؛ وەلێ ئەوه که وەشون مه تێدن له مه تویەناتره و مه تەنانەت شایسه نێیم کەوشەگانی ئەڕاێ هەڵبگرم. ئەیو وەگەرد روح‌القودوس و ئاگر تەعمیددان دەێ.

یەکم پتروس 1:11

ئەوانه تەقالا کردیان بزانن وەختێگ که روح مەسیح وەناو ئیانه، رەنجیل مەسیح و جەڵاڵ وەشون ئەو پێشگویی کردیاد، چ کەسێگ یا کام وەخت وەتیا.

رومیەگان 5:20

ئێرنگه، شەریعەت هات تا خەتا فرەوه بود؛ وەلێ شونێ که گونا فرەوه بی، فیز فره فرەترەو بی.