یوحەنا 1:1 - کتاب مقدس به زبان کردی جنوبی - گویش کلهوری

¹ له سەرەتا کەلیمه بی و کەلیمه وەگەرد خودا بی و کەلیمه خودا بی؛

یوحەنا 1:1 Referans Kwoze

یوحەنا 17:5

ئێرنگەیش باوگه، مه له لاێ خوەد جەڵاڵ بیه، هەر ئەو جەڵاڵه که وەرجه وه دی هاتن جهان له لاێ تو داشتم.

وەحی وه یوحەنا 19:13

بەتیەێگ دێرێ که هەڵکیشیاسه خوینا و ناوێگ که وه ئەوه خوەنرێید؛ کەڵام خوداس.

نامه وه کولوسییل 1:17

ئەیو وەرجه گشت چشتێگه و گشت چشتێگ وەناو ئەیو وه لاێ یەکترەکی گیر درێید.

یوحەنا 1:14

کەلیمه بیه ئنسان و وەناومان نیشتەجێ بی. ئیمه جەڵاڵی دیمنه، جەڵاڵیگ شایسەێ ئەو تەنیا کوڕه که له لاێ باوگ ئاسمانی هاتوی. پڕ له فیز و ڕاسی.

وەحی وه یوحەنا 22:13

منم ’ئا‘ و منم ’ی‘، منم سەرەتا و منم ئاخر، منم سەرداڵ و منم دەس ئاخر.»

یوحەنا 1:2

ئەیو له سەرەتا وەگەرد خودا بی.

وەحی وه یوحەنا 1:8

خوداوەند خودا فەرمایش کەێد: «منم ’ئا‘ و منم ’ی‘ منم ئەیو هەر وه تویەنا که هەس و بی و تێد.»

نامەێ فیلیپییل 2:6

ئەیو که هاوشیوەێ خودا بی، له بەرابەری وەگەرد خودا وه نەف خوەێ باره نەگرد،

ئنجیل مەتا 1:23

«بنوڕ دویەتئازەوێگ زگێ پڕ بود و کوڕێ تیەرێده دنیا و ناوێ نەنه عمانوئیل،» عمانوئیل یانێ ’خودا ها گەردمان‘.

وەحی وه یوحەنا 21:6

ئەیو وه پێم فەرمایش کرد: «وه دی هات! منم ’ئا‘ و منم ’ی‘، من سەرداڵم و من دەس ئاخرم. مه وه هەر کەسێگ تیەنی بود، له کیەنی ئاو ژیان وه پەتی دەمه پێ.

عبرانییل 13:8

عیسا مەسیح دویەکه و ئیمڕو و تا ئەبەد هەر ئەوەسه.

یەکم یوحەنا 5:20

هەر ئیجوره ئیمه زانیمن که کوڕ خودا هاتێه و فام داسه پێمان تا ئەیو بناسیم که ڕاسه، ئیمه هایمنه ناو ئەیو که ڕاسه. یانێ وەناو عیسا مەسیح کوڕ ئەیو. ئەیو خوداێ ڕاسەکانی و زنەیی ئەبەدیه.

یەکم نامەێ تیموتاوس 3:16

بێ گومان که راز خوداپەرەسی فره فره گەوراس: عیسا له جەسه دیار دا، له ڕێ روح خودا ڕاس بوینی مور کریاد، فریشتەیل دینەێ، وه ملەتیل بانگەوازی کریا، مەردم جهان وه ئەیو ئیمان هاوردن، وەگەرد جەڵاڵەو، بەرزەو کریا.

یوحەنا 16:28

مه له لاێ باوگ هاتم و هاتمەسه ناو ئی جهانه؛ ئێرنگەیش ئی جهانه هیلمه جێ و چمه ئەڕا لاێ باوگ.»

وەحی وه یوحەنا 1:17

وەختێگ ئەیو دیم هەر جور مردگ کەفتمه نوای پایلێ. وەلێ ئەیو دەس ڕاسی ناده بانم ‎و وەت: «ڕخد نەچود، منم سەرەتا و منم ئاخر،

یوحەنا 20:28

توما وەپێ وەت: «خوداوەند من و خوداێ مه!»

تیتوس 2:13

چەوەڕێ ئەو ئمید بمارکمانه بویمن یانێ ئاشکرا بوین جەڵاڵ خوداێ گەورامان و نجات دەر ئیمه عیسا مەسیح.

عبرانییل 7:3

ئی ملکیسدقه نه باوگ دێرێ و نه داڵگ و نه بنەچەک، ڕوژیل زنەیی نه سەرەتایی دێرێ و نه ئاخر، بەڵکەم وێنەێ کوڕ خوداس و تا ئەبەد کاهن مینێد.

وەحی وه یوحەنا 3:14

«وه فریشتەێ کلیساێ شار لائودیکیه بنویس: «ئەیو که ئامینه، ئەیو که شاێەت ئەمین و حەقه، ئەیو که سەرکیەنی درسکریایل خوداس، ئیجوره ئویشێد:

ئەفسوسیێل 3:9

جا وه گشتیەکی نیشان بێەم که چوی نەخشەێ خودا تێدە دی. خودا که خوەێ گشت چشتێ وه دی هاورد، ئی راز خوێه له دریژای دەوران جاران شاردیەسەو.

وەحی وه یوحەنا 1:2

یوحەنا وه هەر چێ دی، یانێ وه کەڵام خودا و شاێەتی عیسا مەسیح، شاێەتی دا.

یەکم یوحەنا 5:7

چوینکه ئەوانەێ که شاێەتی دەن سێیانن:

رومیەگان 9:5

باپیریل هن ئەوانن و مەسیح وه پێ جەسه له نەتەوەێ ئەوانەسه، هەر ئەو مەسیحه که خوداێ بان سەر گشتیەکیگه و تا ئەبەد پڕ بمارکه. ئامین.

یوحەنا 1:18

هەراێهەر کەسێگ خودا نیه. وەلێ ئەو تەنیا کوڕه که ها لاێ باوگ ئاسمانی، ئەیو ناسانێه‎.

وەحی وه یوحەنا 2:8

«وه فریشتەێ کلیساێ شار ئسمیرنا بنویس: «ئەیو که سەرەتاس، ئەیو که ئاخره، ئەیو که مرد و ئەیو که زنیەو بی، ئیجوره فەرمایش کەێد:

دویم پتروس 1:1

له شەمعون پتروس، خوڵام و ڕەسول عیسا مەسیح، وه ئەوانه که وه وەسلەێ درسی خودامان و نجات دەرمان عیسا مەسیح، ئیمانێگ چەنه ئیمان ئیمه وه دەس هاوردنه:

وەحی وه یوحەنا 1:11

که وەتیا: «ئەو چشتێ که دوينی له ناو کتاوێگ بنویس و کل بکه ئەڕا هەفت کلیسا یانێ کلیسایل: ئەفسوس، ئسمیرنا، پرگاموم، تیاتیرا، ساردس، فیلادلفیه و لائودیکیه.»

لوقا 24:53

یەێ‌سەر وەناو مابەد بوین و سپاس و ستایش خودا کردیان.

یوحەنا 8:58

عیسا وەپێان وەت: «وه ڕاسی، وه ڕاسی، وەپێدان ئویشم، وەرجه ئەوه که ئێبراهیم بود، من هەم!»

نامه وه کولوسییل 1:15

ئەیو وێنەێ خوداێ نادیاریه، یەکم زگ، نواتر و بانتر له گشت درسکریایل خوداس،