یاقوب 4:12 - کتاب مقدس به زبان کردی جنوبی - گویش کلهوری

¹² تەنیا یەێ شەریعەت دانەر و داوەر هەس، هەر ئەو که تویەنێ نجات بێید یا له بین بوێد. جا تو کیێد که هاوساگەێ خوەد ماکوم کەێد!

یاقوب 4:12 Referans Kwoze

رومیەگان 14:4

تو کیێد که وه خزمەتکار کەسێگ تر حوکم کەی؟ سەرپا بوین یا کەفتنێ ها دەس گەورەگەێ. ئەوه بەردەوام مینێ چوینکه خوداوەند تویەناس ئەوه سەرپا بکێ.

رومیەگان 2:1

ئمجا تو ئێ ئایەم که یەکیگ تر ماکوم کەی، هەر کەسێگ که هید، هویچ دەسپێچکێگ نێری. چوینکه وه هەر باوەتێ که یەکیگ تر ماکوم کەی، خوەد ماکوم کردیده؛ چوینکه تو که داوەری کەی، خوەد هەر ئەو کاریله کەی.

ئنجیل مەتا 10:28

وه کەسیلێگ که جەسه کوشن وەلێ تویەناێ کوشتن گیان نێرن ڕخدان نەچود؛ بەڵکەم وه ئەوه ڕخدان بچود که تویەنێ گیان و جەسه وەیەکەو وەناو جەهەنم نابود بکێ.

یاقوب 5:9

برایل، له یەکترەکی شکایەت مەکەنن، تا وه ئیوەیش داوەری نود، بنوڕن ’داوەر‘ له دەم دەرەگه وساس.

عبرانییل 7:25

جا عیسا تویەناس تا ئەوانه که له ڕێ ئەیو نزیک خودا بون، تا ئەبەد نجات بێی، ئەڕا ئیه که هەمویشه زنیه تا ئەڕاێان ناوجێ بکێ.

رومیەگان 14:13

وه ئی بونه، له ئیەودویا باین یەکترەکی ماکوم نەکێم. بەڵکەم وه جێ ئەوه، بتوان هویچ وەخت له سەر ڕێ براێگ کوچگیگ نەخین که بوده بایس کەفتنێ، یا چشتێ مەنەنه نوای ڕێەگەێ.

رومیەگان 9:20

وەلێ ئێ ئایەم، تو کیێد که وەگەرد خودا دەمقاڵ بکێ؟ «مەر درسکریا وه درسکەرگەێ خوەێ ئویشێ ئەڕا مه ئیجوره درس کردیده؟»

لوقا 12:5

وەلێ وەپێدان نیشان دەم له کی باێه ڕخدان بچود: له ئەوه که وەشون کوشتن جەسه، دەسڵات ئیه دێرێ بخێده جەهەنم. بەڵێ، وه ئیوه ئویشم، له ئەوەسه که باێه ڕخدان بچود.