یاقوب 3:2 - کتاب مقدس به زبان کردی جنوبی - گویش کلهوری

² چوینکه گشتمان وەناو چشتیل فرەێگ خەتا کیم. ئەگەر کەسێگ له قسیه کردن خەتا نەکێ، ئنسان کامڵێگه و تویەنێ هەوسار گشت جەسەێ خویشێ بگرێه دەس.

یاقوب 3:2 Referans Kwoze

یاقوب 1:26

ئەگەر کەسێگ خوەێ وه خوداپەرەس بزانێ و هەوسار زوانی له دەسیەو نود، بەڵکەم دڵ خوەێ گول بێی، خوداپەرەسی ئەو ئایەمه هویچ نیەتیەرزی.

یەکم پتروس 3:10

چوینکه، «هەر کەسێگ تواێ ژیان دوس بیاشتود و ڕوژیل خاس بوینێد، باێه زوانی له خراوی و لێوێ له قسیەیل فێڵبازانه بپارێزنێد.

ئنجیل مەتا 12:37

چوینکه وه قسیەگان خوەد بیتاوان وه حساو تێید و وه قسیەگان خوەدیش ماکوم کرێید.»

رومیەگان 3:10

ئەوجورە که وەناو نویسریایل موقەدەس هاتێه: «هویچکەس سالحان نیه، تەنانەت یەێ نەفەریش نیه.

یاقوب 1:4

بیلن بەردەوامی کار خوەێ کامڵەو بکێ تاگه بازڵه و کامڵەو بوین و چشتێ کەم نیاشتوین.

یاقوب 2:10

چوینکه ئەگەر کەسێگ گشت شەریعەت بپارێزنێد وەلێ تەنیا یەکی له یاسایلێ بشکنێ، وه شکانن گشت شەریعەت تاوانباره.

یەکم قورنتییل 9:27

بەڵکەم سەختی دەمه لەشم و کەمێ خوڵام خوەم، نەخواێ وەشون بانگەوازی وه مەردم، خوەم ڕفوزه بوم.

عبرانییل 13:21

وه هەر چشت خاسێگ ئیوه گورجەو بکێ تا خاست ئەیو وەجێ بارین. با که خودا هەر چی که سەوەو خوەشنودی بود له ڕێ عیسا مەسیح وەناو ئیمه وە جا بارێ، هەر ئەیو عیساێ مەسیحه که تا ئەبەد و تا ئەبەد جەڵاڵ وه ئەیو بود. ئامین.

نامه وه کولوسییل 4:12

ئەپافراس که یەکی له خوەدانەو و خزمەتکار مەسیح عیساس، سڵامدان رەسنێد. ئەوه هەمویشه وەناو دوعایلی ئەڕادان تەقالا کەی تا ئیوه جور ئایەمیلێ که بازڵەن و وه تەمامی خاترجەمن، بەردەوام بمینێن و خاست خودا وه تەمامی وەجێ بارین.

نامه وه کولوسییل 1:28

ئیمه مەسیح بانگەوازی کيمن و وه هەر کەسێگ هەڕەشه دیم و وه کەماڵ زانیاری گشتیەکی تالیم دیم، تا گشتیەکیگ بازڵه وەناو مەسیح باریمنه ئەڕا لاێ خودا.

نامه وە غەلاتییل 3:22

وەلێ کتاو موقەدەس وەت که گشت چشتێگ گیرودەێ بەن گوناس، تا ئەو واده که له ڕێ ئیمان وه عیسا مەسیحه‎، بێرێیده ئەوانه که ئیمان دێرن.

رومیەگان 7:21

جا وه ئی یاسا پێ بەم که وەختێ توام کار درس وه جێ بارم، خراوی ها وەر دەسمەو.

یەکم پتروس 5:10

وەشون ئیه که توزێگ زامەت دین، خوداێ گشت فیزیل که ئیوه وەناو مەسیح وه جەڵاڵ ئەبەدی خوەێ دەنگ کردێه، خوەێ ئیوه له سەر نو نێده پاوه و قورس و تویەنا و بەردەوام کەێد.

نامه وە غەلاتییل 5:17

چوینکه ئاوەختیێل جەسه وه زد روح خوداس و ئاوەختیێل روح خودا وه زد جەسەس؛ چوینکه ئی دوانه وه زد یەکترەکین، ئەو جوره که دی نیەتویەنین هەر چی که تواین، وه جێ بارین.

ئنجیل مەتا 12:34

ئێ هەفی زادەیل، ئیوه که شەڕئاشوین، چوی تویەنین قسیەێ خاس بکێن، چوینکه زوان له ئەو چشته ئویشێ که دڵ له لێ نیقەڵتوزه.