یاقوب 2:5 - کتاب مقدس به زبان کردی جنوبی - گویش کلهوری

⁵ برایل عەزیزم، گوش بگرن! مەر خودا دەستەنگیل ئی جهانه هەڵنەوژاردیه تا وەناو ئیمان دەوڵەمەن بون و پادشایێگ وه میراتی بوەن که ئەیو وه ئەوانه که دوسی دێرن، واده داس؟

یاقوب 2:5 Referans Kwoze

ئنجیل مەتا 5:3

«خوەش وه حاڵ کەسیلێگ که وه روح دەستەنگن، چوینکه پادشایی ئاسمان ئەڕا ئەوانەسه.

لوقا 6:20

ئمجا عیسا ڕوی کرده شاگردەگانێ و وەت: «خوەش وه حاڵ ئیوه که دەستەنگین، چوینکه پادشایی خودا ئەڕا ئیوەس.

وەحی وه یوحەنا 2:9

له بەرد و دەستەنگێد ئاگادارم، وەلێ دەوڵەمەنی! له بختیل ئەوانه که خوێان جویلەکە زانن وەلێ نین، بەڵکەم کەنیسەێ شەیتانن، خەوەر دێرم.

دویم قورنتییل 8:9

چوینکه له فیز خوداوەندمان عیسا مەسیح ئاگادارین که هەر چەن دەوڵەمەن بی، وەبونەێ ئیوه دەستەنگێ گردەوەر تا ئیوه وەبونەێ دەستەنگێ ئەیو دەوڵەمەن بوین.

لوقا 12:21

ئیه ئاخر کەسێگه که ئەڕا خوەێ ماڵ و دارایی گردەو کەی، وەلێ له لاێ خوداوه دەوڵەمەن نیه.»

یەکم پتروس 1:4

ئەڕا میراتیێگ که له بین نیەچود و بی لەکەس و نیەسیسێید که ئەڕا ئیوه وەناو ئاسمان نریاسه لا؛

یاقوب 1:12

خوەش وه حاڵ ئەوه که وەناو ئەزمونیل بەردەوامه، چوینکه وەختێ له ئەزمون سەربەرز باێه دەیشت، ئەو تاج ژیانه گرید که خودا وه ئەوانه که دوسی دێرن، وادەێ داس.

عبرانییل 11:26

ئەو سەرزەنشتێگ که وەبونەێ مەسیح کریاویه پێ، دارایی گەوراترێگ له گەنجیل مسر زانست، چوینکه چەو بڕویه دەسخوەشانەگه.

لوقا 12:32

«ئێ ریەن بویچگ، زاوردان نەچود، چوینکه خوەشنودی باوگ ئیوه ئیەسه که ئی پادشایه بێیده پێدان.

یەکم قورنتییل 2:9

ئەوجورە که وەناو کتاو ئەشعەیاێ پەێخەمەر نویسریاس: «ئەو چشته که هویچ چەوێگ نێەسێ، هویچ گوشێگ نەشنەفتیەسێ و وه فکر هویچ ئایەمێگ نەرەسیه، خودا ئەڕا ئەوانه که دوسی دێرن گورجەو کردێه.»

ئنجیل مەتا 25:34

ئمجا پادشا وه ئەوانه که هانه لاێ ڕاسی ئویشێ: ”بان، ئێ ئەوانه که له باوگم بەەرکەت گردینه، ئەو پادشاییه که له دامەزرانن جهانەو ئەڕادان گورجەو بوی وه میرات بوەنێ.

وەحی وه یوحەنا 21:7

هەر کەسێگ بوێدەو، ئیه وه میراتی بەێد و مه بومه خوداێ ئەوه و ئەوه بوده کوڕ مه.

یاقوب 1:9

براێ دەستەنگ وه جیگەێ بەرزێگ که دێرێد، شانازی بکێد و

دویم تیموتاوس 4:8

ئێرنگه تاج سالح بوین ئەڕام ‎گورجه، تاجێگ که خوداوەند، ئەو داوەر دادپەروەره، له ئەو ڕوژه بەخشیده پێم، نه تەنیا وه مه، بەڵکەم وه گشت ئەوانه که تاسەێ ئاشکرابوینی، داشتنه.

دویم قورنتییل 6:10

وەگەردمان جور ئایەمیل خەمبار ڕێ رەوشت کریەێ، وەئی حاڵەو هەمویشه دڵشادیم؛ وەگەردمان جور دەستەنگیل ڕێ رەوشت کریەێ، وەئیحالەو فره کەس دەوڵەمەنەو کیم؛ وەگەردمان جور کەسێگ که هویچ نێری ڕێ رەوشت کریەێ، وەئیحالەو خاون گشت چشتێگیم.

وەحی وه یوحەنا 3:18

ئاموژیارید کەم که تەڵای ناب له ئاگر گوزەریاێ له مه بسێنێ تا دەوڵەمەنەو بید و دڵنگیل چەرمگ له مه بسێنێ تا بکێده وەرێد و شەرمزاری ڕویتیەگەد دیار نود؛ مەلهەمێگ له مه بسێنێ، تا بماڵیده بان چەویل خوەد و بیناوه بید.

یەکم نامەێ تیموتاوس 6:18

وه ئەوانه دەستور بیه که خاسێ بکەن و ئەڕا کاریل خاس، دەوڵەمەن بون و بەخشەنه و دەسدڵواز بون.

لوقا 16:25

وەلێ ئێبراهیم جواو دا: ”ڕوڵەم، باره هویرد که تو وەناو زنەیی، له چشتیل خاس خوەد لەزەت بردێ، ئەو وەخته چشتیل خراو نسیو ئیلعازەر بی. ئێرنگه ئەوه وه ئێرا ها ناو ئاشاسێگ و تو هایده ناو عەزاو.

ئنجیل مەتا 11:5

کوریل دوینن، شەلەگان‎ ڕێ کەن، جوزامیەگان شەفا گرن، کەڕیل شنەفن، مردگیل زنیەو بون و وه کەمدەسیل خەوەر خوەش دریەد.

دویم پتروس 1:11

ئەڕا ئیه که وەئیجوره، ئجازەێ کامڵ درێیده پێدان تا بچینه ناو پادشاێ ئەبەدی خوداوەندمان و نجات دەرمان عیسا مەسیح.

دویم تیموتاوس 4:18

خوداوەند مه له هەر کار شەڕئاشوێگ ڕزگار کەێد و ئەڕا پادشایی ئاسمانی خوەێ ڕزگار کەید. تا ئەبەد و تا ئەبەد جەڵاڵ وه ئەیو بود. ئامین!

دویم تسالونیکییل 1:5

ئیه نیشانەێ داوەری دادپەروەرانەێ خوداس تا ئیوه شایسەێ پادشایی خودا وه حساو باین که وەخاتریەو رەنجیش کیشین.

ئەفسوسیێل 3:8

هەر چەن من له گشت ئیمانداریل وه مەسیح بویچگترم، وەلێ ئی فیزه وه مه بەخشریا تا مزگانی دەوڵەمەنی مەسیح که نیود بەراوردی بکێ وه ناجویلەکەیل برەسنم،

رومیەگان 8:17

ئەگەر ڕوڵەیلیم، جا میراتی خوەریش هیمن، یانێ میراتی خوەریل خودا و هاومیراتی مەسیح. وه ئی مەرجه که ئیمه وەگەرد ئەیو عەزاو بکیشیم تا ئیمەیش وەگەردیەو جەڵاڵ پەێا بکێم.

لوقا 16:22

ئمجا، ئەو پیاێ کەمدەسه مرد و فریشتەیل بردنێ ئەڕا لاێ ئێبراهیم پەێخەمەر. پیا دەوڵەمەنەگەیش مرد و ئەویش خاک کردن.

یاقوب 1:16

برایل عەزیزم، گول مەخون!

یەکم تسالونیکییل 2:12

ئیمەیش هەر کام له لێدان هان دایمن و دڵنەوایی کردیمن و سپاردیمنه پێدان تا ڕێ رەوشتدان ئەوجورە بود که شایسەێ خوداس، خوداێگ که ئیوه وه پادشایی و جەڵاڵ خوەێ دەنگ کەێد.

ئەفسوسیێل 1:18

تا چەویل دڵدان ڕوشنەو بود، تا بزانین ئمیدێگ که خودا، ئیوه ئەڕاێ دەنگ کردێه، چەس و بزانین دەوڵەمەنی میرات پڕ جەڵاڵ ئەیو وەناو ئیمانداریل وه مەسیح چەس،

دویم قورنتییل 4:15

ئەڕا ئیه که ئیانه گشتێ وەبونەێ ئیوەس، تا فیزێگ که کەسیل فرەتر و فرەتر گرێدە وەر، بوده بایس سپاس فرەتر ئەڕا جەڵاڵ خودا.

یوحەنا 7:48

مەر کەسێگ له گەورایل قەوم یا فەریسیەیل وەپێ ئیمان هاوردێه؟

لوقا 22:29

جا هەر ئەوجورە که باوگم پادشایێگ وه من داس، منیش دەمەێ پێدان،

مەرقوس 7:14

عیسا یەێ جارتر ئەو جەماێەته چڕیه لاێ خوەێ و وەت: «گشتدان گوش بێەنه من و ئیه بفامن:

کاریل ڕەسولەیل 7:2

ئستیفان وەت: «ئێ برایل و ئێ باوگیل گوش بێەنه لێم، خوداێ پڕ جەڵاڵ، وەختێ وه باوگمان ئێبراهیم ئاشکرا بی که وەناو بین النهرین نیشتەجێ بی، وەرجه ئەوه که بار بکێ ئەڕا میلکان حەران،

یاقوب 1:19

برایل عەزیزم، ئیه بزانن: هەر کەس وەناو شنەفتن تن بود، وەناو قسیه کردن کول بود و وەناو توڕه بوینیش کول بود!