یاقوب 2:19 - کتاب مقدس به زبان کردی جنوبی - گویش کلهوری

¹⁹ تو ئیمان ديری که خودا یەکیگه. فره خاس کەی! تەنانەت دێويلیش ئیجور ئیمانێگ دێرن و له ترس وه خوێانا لەرزن!

یاقوب 2:19 Referans Kwoze

لوقا 4:34

«ئێ عیساێ ناسری، تو چه توایده ئیمه؟ هاتیدە خاپورمان بکێ؟ زانم تو کید؛ تو ئەو قودوس خودایده!»

مەرقوس 1:24

«عیساێ ناسری، تو چه توایده ئیمه؟ هاتیدە نابودمان بکی؟ زانم تو کید! تو ئەو قودوس خودایده!»

ئنجیل مەتا 8:29

ئەوانه کردنێ هاوار: «ئێ کوڕ خودا، تو چ کارێ وه ئیمه دێرێ؟ هاتێەسه ئێره تا وەرجه وەختەگەێ عەزاومان بێی؟»

کاریل ڕەسولەیل 16:17

ئەوه کەفتیاده شون ئیمه و پولوس و هاوار کردیاد: «ئی پیاێله، خزمەتکاریل خوداێ هەربەرزن و ڕێ نجات وەپێدان جار دەن.»

نامه وە غەلاتییل 3:20

وەلێ هویچ ناوجێکەرێگ تەنیا ‎هن‎ یەێ لا نیه، وەلێ خودا یەکێگه.

کاریل ڕەسولەیل 19:15

وەلێ روح شەڕئاشو جواویان دا: «عیسا ناسم، پولوسیش ناسم، وەلێ ئیوه کین؟»

مەرقوس 5:7

جا وه دەنگ بەرز هاوار کرد: «ئێ عیسا، کوڕ خوداێ هەربەرز، تو چ کارێ وه مه دێرێ؟ قەسەمد دەمه خودا عەزاوم نێد!»

یەکم نامەێ تیموتاوس 2:5

چوینکه تەنیا یەێ خودا هەس و له بین خودا و ئایەمیلیش تەنیا یەێ ناوجێکەر هەس، یانێ ئەو ئنسانه که مەسیح عیساس؛

مەرقوس 12:29

عیسا جواو دا: «گرنگترین حوکم ئیەسه: ”بشنەف ئێ ئێسرائیل، خوداوەند خوداێ ئیمه، خوداوەندیگه که یەکێگە.

یەکم قورنتییل 8:6

وەلێ ئیمه تەنیا یە خودا دێریم، یانێ باوگ ئاسمانی، که گشت چشت له ئەیوه و ئیمه هن ئەویمنه؛ تەنیا یە خوداوەند هەس، یانێ عیسا مەسیح، که گشت چشتێگ له ڕێ ئەیو وه دی هات و ئیمه له ڕێ ئەیو هیمن.

رومیەگان 3:30

چوینکه خودا یەکێگە، جا ئی خودا خەتەنه کریایەگان یانێ جویلەکەیل وه پێ بنەواێ ئیمان و خەتەنه نەکریایەگانیش یانێ ناجویلەکەیل له ڕێ هەر ئەو ئیمانه، سالحان وه حساو تیەرێ.

یوحەنا 17:3

زنەیی ئەبەدی ئیەسه، ئەوانه توی که تەنیا خوداێ ڕاسەکانید و عیسا مەسیح که کلی کردیده، بناسن.

یەهودا 1:6

ئەیو فریشتەیلێگیش که وه جیگەێ دەسڵات خوێان نەمەنن، بەڵکەم نیشتەجیەگەێ خوێان هیشتنه جێ، وه زنجیریل ئەبەدی کیشاس و تا وەخت دادگایی له ئەو ڕوژ فره گەورا، له ناو تیەریکی و زولەمات گیر داس.

یاقوب 2:8

ئەگەر وه ڕاسی شەریعەت شاهانه وه پێ ئی وەتریای کتاو موقەدەسه وه جێ بارین که فەرمایش کەێد: «هاوساگەد هەر جور خوەد دوس بیاشتو،» کار خاسێگ کین.

یەکم قورنتییل 8:4

جا له باوەت خواردن خواردەمەنیێلێ که پیشکەش بتیل بود، زانیمن که «بت هەر هویچ نیه،» و «بێجگه یە خودا، خوداێگ تر نیه.»

وەحی وه یوحەنا 20:10

جا ئبلیس، که ئەوانه گول داوید، فڕه دریاده ناو دەریاچەێ ئاگر و گوگرد، شونێگ که ئەو گیانەوەر دڕنه و پەێخەمەر دروەکانیه فڕه دریاوین. ئیانه ڕوژ و شەو تا ئەبەد و تا ئەبەد عەزاو کیشن.

یەهودا 1:4

چوینکه بڕێگ که له جارانەو ئەڕا ئی ماکومیەته دیاری کریانه، بیدەنگ خز خواردنەسه ناودان. ئیانه خودانەناسیلێگن که فیز خوداێ ئیمه کەنه هەرزەیی و عیسا مەسیح، که هەر یەێ ئەرواو و خوداوەندمانه، حاشا کەن.

مەرقوس 7:9

ئمجا وەت: «ئیوه حوکمەگان خودا وه زرنگی ڕەد کین، تا نەریت خوەدان بەردەوام بکێن!

کاریل ڕەسولەیل 24:25

وەختێ پولوس له باوەت سالح بوین و پارێزکاری و داوەری وەرەڕوی قسیه کرد، فلیکس هوڵ گردێ و وەت: «ئەڕا ئیسه بەسه دی! تویەنێ بچید. وەختێ دەرفەتێ پەێا بکەم خەوەرد کەم.»