یاقوب 1:3 - کتاب مقدس به زبان کردی جنوبی - گویش کلهوری

³ چوینکه زانين ئەزمون بوین ئیماندان، بەردەوامی تیەرێده بار.

یاقوب 1:3 Referans Kwoze

عبرانییل 10:36

چوینکه هەوەجی دێرین که بەردەوام بوین تا ویجوره ئمجا که خاست خودا وه جێ هاوردین، وادەگه پەێا بکێن.

نامه وه کولوسییل 1:11

وه گشت هێزێ که له تویەنایی پڕ جەڵاڵ ئەیو سەرچاوه گری وه هێزەو بوین تا وه خوەشی، بەردەوامی و سەور تەمام بیاشتوین و

یەکم پتروس 1:7

تا بی خڵت خەوش بوین ئیماندان له ناو ئەزمون مور بود و له وەخت ئاشکرابوین عیسا مەسیح بایس ستایش و جەڵاڵ و حرمەت بود، هەر ئەو ئیمانه که فره گران قیمەت‎تر له تەڵاێگه که هەرچەن له بین چود وەلێ وه وەسلەێ ئاگر ئەزمون بود.

رومیەگان 8:28

جا ئیمه زانیمن ئەڕا کەسیلێگ که خودا دوس دێرن و وه پێ ئامانج ئەیو دەنگ کریانه، گشت چشتێگ وه یەکەو ئەڕا خاسێ ئەوانه کار کەێ.

دویم قورنتییل 4:17

چوینکه ورده بەرد و گوزەراێ ئیمه جەڵاڵێگ ئەبەدی ئەڕامان گورجەو کێ که نیود وەگەرد هویچ بەردێگ بەراوردێ بکی.

رومیەگان 15:4

چوینکه هەر چشتێ که وه ڕوژیل جارانەو نویسریاس، ئەڕا تالیم ئیمه نویسریاس تا له ڕێ بەردەوامی و له ڕێ دڵگەرمیێگ که نویسریایل موقەدەس بەخشێد، ئمید بیاشتویمن.

دویم پتروس 1:6

و وه مل ناسین، وەسەرخوێان زاڵ بون وه مل وەسەرخوێان زاڵ بون، بەردەوامی و وه مل بەردەوامی، خوداناسی و

رومیەگان 8:25

وەلێ ئەگەر وه ئەو چشته که نیوینیم ئمید دێریم، وه سەورەو چەوەڕێمن.

عبرانییل 12:1

جا چوینکه ئیجور هەور فره گەوراێگ له شاێەتیل دەورەمان کردنه، باین هەر بار و هەر گوناێگ که ئیجوره سەخت لچکێده پێمانەو، له خوەمان دویرەو بکێم و باین تا وەگەرد بەردەوام بوین له موسابقەێگ که له نوامان نریاس، بدەویم.

دویم تسالونیکییل 3:5

با خوداوەند دڵدان وه مابەت خودا و بەردەوامی مەسیح ڕێنمایی بکەید.

دویم تسالونیکییل 1:4

وه ئی بونه، ئیمه خوەمان وەناو کلیسایل خودا وەبونەێ بەردەوام بین و ئیماندان وەناو گشت عەزاویل و بەردیلی که تاموڵ کین، وەپێدان شانازی کيمن.

رومیەگان 2:7

ئەیو زنەیی ئەبەدی بەخشێده کەسیلێ که وەگەرد سەور، کاریل خاس وەجێ تیەرن و هانه شون جەڵاڵ و حرمەت و نەمری؛

لوقا 21:19

تاقەت بارن، که گیان خوەدان نجات دین.

عبرانییل 6:12

تا لەمتی نوین، بەڵکەم له کەسیلێگ نمونه بگرن که له ڕێ ئیمان و سەور بونه میراتیخوەر وادەگان.